#ഊഞ്ഞാലാടാൻ_വരൂ_സഖീ!
*********************************
ഊഞ്ഞാലാടാൻ പുഴയുടെയരുകിൽ പ്രിയസഖി! നീ!
വന്നീടാമോ പ്രണയമധുരമാം മൊഴികളുമായ്
ചേണോലുംനിൻ മൃദുലയനടനം മദഭരിതം
പാടാമല്ലോ കവിതകളിനിയും കളമൊഴിയേ!
ഓർത്താലുള്ളം ലയതരളിതമാം നിമിഷവുമായ്
രാഗംചേരും ഹൃദി മധുനിറയും രജനികളിൽ
പാട്ടുംപാടാം, കവിതയിലുതിരും മധുരരസം,
നിന്നോടിഷ്ടം മിഴികളിലുണരും ലഹരിമയം!
*******
ശ്രീരാം
(വൃത്തം: രുചിരതരം)
(തംതംതംതം തതതത തതതം തതതതതം..എന്ന താളം)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ