fb ശ്ലോകങ്ങളും തീയതികളും

************

01/09/2020

************

************

02/09/2020

************

************

03/09/2020

************

04/09/2020

തെന്നലിലാലോലമാടീടുമപ്പൂപ്പൻ

താടിക്കുതാണുപറക്കാൻമടിയെങ്കിൽ 

താതന്റെതോളിലിരിക്കും തനയനും 

താഴെയിറങ്ങാൻമനസ്സു വന്നീടുമോ?

05/09/2020

തീരത്ത് തുടരെത്തുടരെ തല തല്ലും

തിരമാലക്കില്ലെന്നുതോന്നുന്നു ചേതം!

ചിന്നിച്ചിതറിപ്പതഞ്ഞു ചിരിച്ചവൾ 

പിന്നെയും പിന്നെയുമെത്തും തല തല്ലാൻ!!!

06/09/2020

ഗഗനനീലിമ നിഴൽ വിരിച്ചു സാ-

ഗരത്തിനും പകർന്നൊരിറ്റു നീലിമ

അരുണനന്തിയിലതുകവർന്നെടു

ത്തരുണശോണിമപകർത്തിയംബരേ

07/09/2020

ചിന്തകളോരൊന്നുരുത്തിരിഞ്ഞീടവേ 

അന്തരംഗേ തിരശ്ശീല ഉയർത്തണം

നടനയഭ്യാസം കഴിയും വരേയും   

കാടിറങ്ങീടാതെ, ചിത്തിൽ നടിപ്പവർ

08/09/2020

സായൂജ്യം നേടുവാനാഗ്രഹമുള്ളവർ

സാധകം ചെയ്തതുറപ്പാക്ക വേണ്ടിടും

സാദ്ധ്യമല്ലാത്തതിലാഗ്രഹം തോന്നിയാൽ

സാധകം ചെയ്തു നിരാശ വരിക്കണോ?

************

09/09/2020

************

************

10/09/2020

************

11/09/2020

എഴുതുന്ന പേനയ്ക്കറിയില്ല തന്നേ  

എഴുതിയ്ക്കും കയ്യിന്നുടമതന്നുള്ളിൽ

നിഴലിക്കുമോരോ വികാരങ്ങ, ളെന്നാ-

ലെഴുതുന്നു സ്വന്തമകക്കാമ്പിൽ നിന്നും.

************

12/09/2020

************

************

13/09/2020

************

14/09/2020

വിസ്‌തരിച്ചൊന്നുറങ്ങീടട്ടെ,

ഞാനിന്നീ  

നിസ്തുലമാമന്തരീക്ഷത്തിൽ നിന്നല്പം സ്വസ്ഥത തേടിയലയട്ടെ,ഞാനെന്റെ സ്വപ്നലോകത്തിൽ,കൊറോണയറിയാതെ.

*************

15/09/2020

*************

16/09/2020

ഉയരത്തിൽനിന്ന്താഴേയ്ക്ക് നിപതിക്കും     

പയസ്സിന്നറിയാമതിനുടെശക്തി

വൈദ്യുതിയായ്‌ 

മാറിക്കമ്പിയിൽകയറി

വന്ഹിയായ് മാറിയാലണയ്ക്കാനറിയാം!

17/09/2020

മഴയുള്ള നേരം വെയിലെന്നപോലെ

മിഴിനീരിലുപ്പിൻ രസമെന്നപോലെ

അഴലുമാമോദവുമിട കലർന്നുള്ള

വാഴ്‌വാണനുഭവഗുരുവെന്നു സാരം

18/09/2020

കരുണ യാചിക്കുന്ന കണ്ണിൽ നിറഞ്ഞു  

കാണുന്നവേദന തിരിച്ചറിഞ്ഞെന്നാൽ  കാരുണ്യവാനായിമാറണം കാണുന്നോൻ

കാരണ, മപ്പോൾ മനുഷ്യനായ് മാറിടാം

19/09/2020

ഹൃദയാന്തരേയങ്കുരിക്കുന്ന ഓരോ 

മൃദുല വികാരക്കുരുന്നും വിടർന്നാൽ

കദനങ്ങളെന്യേ പ്രകാശം സ്ഫുരിക്കും  

വദനസുമത്തിൽ നൽ പുഞ്ചിരിയൂറും

************

20/09/2020

************

21/09/2020

തുഹിനപാളിയെയുരുക്കിമാറ്റിടും

മിഹിരനെയുള്ളിൽ തുഹിനബിന്ദുവും

തളച്ചിടു,മൊരുനിമിഷമെങ്കിലും.

എളുതല്ലാത്തതില്ലുലകിലൊന്നുമേ

22/09/2020

എനിക്കെന്റെ ചിത്തം കരുത്തേകിയെന്നാൽ നിനയ്ക്കാമെനിക്കാത്മവിശ്വാസമായി

മനസ്സിന്നുറപ്പെൻ മുതൽക്കൂട്ടുമാകും 

നിനയ്ക്കുംനൽക്കാര്യം നടത്താനുമാകും

23/09/2020

ആത്മവിശ്വാസം കൈമുതലായിട്ടുണ്ടേൽ 

ആരംഭശൂരത്വമുണ്ടാകുകില്ലൊട്ടും  

ആകുലതയുമൊട്ടുമുണ്ടാകുകില്ല 

ആരംഭിച്ചജോലി അന്ത്യത്തിലെത്തിക്കാം!

24/09/2020

ഉൽഫുല്ലമാകുവാൻ വെമ്പുന്ന കമലം

ഉദയാർക്കനെ കാത്തിരിക്കുന്ന പോലെ

നെയ്യാമ്പലും കാത്തിരിക്കും സുധാംശുവെ

നിയതി നയിക്കും വഴിയേ ഗമിക്കാൻ

25/09/2020

ഉറവയിൽ നിന്നെത്ര  ഉത്സാഹമോടേ 

ഉദകം പുറത്തേയ്ക്കൊഴുകീടുമെന്നാൽ

ആവില്ലതിന്നും തിരികെക്കയറുവാൻ 

വായ്വിട്ടുപോയോരു വാക്കെന്നതുപോലെ

26/09/2020

ആദ്യമായ് മനസ്സിൽപതിഞ്ഞ സുഹൃത്തും   

ആദ്യം മനസ്സിൽ പ്രതിഷ്ഠിച്ച ഗുരുവും

ആദ്യാനുരാഗമുണർത്തിയ തരുണീം   

അന്ത്യംവരെയുംമനതാരിൽ ഉണ്ടാകും

************

27/09/2020

*************

28/09/2020

മഴയിൽ തിമിർത്തു കളിച്ചു രസിക്കും

മകന്റെയാഹ്ലാദത്തിലമ്മേം രസിക്കും

മനസ്സിൽ നിഴലിക്കുമാശങ്ക  എന്നാൽ, 

മകന്  ജ്വരം പിടിപെട്ടുപോയെങ്കിലോ!

29/09/2020

അംബരകന്യക സ്വയംവരം ചൊല്ലേ

അബ്ജൻ കനകപ്പതക്കമായ് മാറി  

താരകളോ വജ്രഹാരമായും  മാറി 

വരന്മാരായെത്തീടും   വെൺവാരിദങ്ങൾ

30/09/2020

മഴയുടെയാരവ താളത്തിൽ തുള്ളും

മഴവെള്ളമൊഴുകീയരുവിയാകേ  

മോദത്തിൽ കളകള നാദമുതിർക്കും 

മൂകമായീടും പുഴയിലലിഞ്ഞാൽ

1/10/2020

ആഴിയെ ലക്ഷ്യമായതിവേഗമോടെ

ഒഴുകുന്ന പുഴയറിയില്ലയതിന്ന്

വഴിമുട്ടിപ്പോകുമെന്നുള്ളോരു  കാര്യം     

ആഴി പുഴയെ  വിഴുങ്ങുമെന്നുള്ളതും

02/10/2020(2)

നെഞ്ചിന്റെയുള്ളിലായ് നാടിന്റെ നാമവും

നാവിന്റെ തുമ്പത്തു രാമന്റെ നാമവും

സൂക്ഷിച്ചുകൊണ്ടന്ത്യയാത്ര പറഞ്ഞോരു

സാക്ഷാൽ മഹാത്മാവേ കൈകൂപ്പിടുന്നുഞാൻ.

(ഗാന്ധിജയന്തി)

02/10/2020(1)

സായാഹ്നവേളയിൽ ചക്രവാളത്തിലെ

സാഗരഗർത്തത്തിൽ മറയുന്ന സൂര്യൻ

സുഖനിദ്രയിൽ നിന്നുണർന്നു വരുന്നത് 

സഹ്യാദ്രിതന്റെ മുകളിലൂടത്ഭുതം !!!

03/10/2020

കുന്നിൻചരിവിൽനിന്നരുവിയിൽ വീണി- ട്ടൊന്നായുരുമ്മിയുരുണ്ടൊഴുകിപ്പിന്നെ

പുഴയിലെത്തേ രൂപഭാവങ്ങൾ മാറീട്ട് 

പവിഴത്തിനഴകൊത്ത് മാറും ശിലകൾ!!!

************

04/10/2020

************

05/10/2020

അരുവിയിലൂടെയൊഴുകിയുരുമ്മി- 

യുരഞ്ഞു സുഭഗരാകും ശിലകൾപോൽ

മർത്ത്യനും മാറാമകമേ, കഠിനമാം 

പാതകൾ താണ്ടുകിലില്ലൊട്ടു സംശയം

06/10/2020

കാറ്റിനെ കാറ്റാടി യന്ത്രേ കുരുക്കീട്ടും

'കറകറ'ക്കി കാറ്റിൻ 'കാറ്റു പോക്കീ'ട്ടും

കറന്റുണ്ടാക്കീട്ടു കറങ്ങുന്ന ഫാനിൻ 

കാറ്റു കൊണ്ടിട്ടതി കേമനാകും മർത്യൻ

07/10/2020

പച്ചവിരിച്ച മൈതാനത്തെ പുല്ലുകൾ

പയ്ക്കൾ നടന്നു തിന്നുമ്പോളറിയാതെ, 

പതിയിരിക്കുന്ന പുൽച്ചാടിയെച്ചാടിച്ച്,

പതത്രികൾക്കു നൽകും ഭക്ഷണമായിട്ട്

08/10/2020

എരിയുന്ന മനസ്സിന്റെ ഉള്ളിൽ നിന്നു-

യരുന്ന പരിവേദനങ്ങൾ തൻ ചൂടിൽ

വിരിയുമോരഗ്നിപുഷ്പത്തിൻ നിറം രു-

ധിരത്തിന്റേതായാലതിശയമില്ല!j

09/10/2020

പതിതർതൻ പരിവേദനങ്ങളറിഞ്ഞു  

പരിണതപ്രജ്ഞനായ് മാറിയെന്നാകിൽ

കരുതാമവന്ന്, സ്വയമവൻ മാറിപ്പോയ്

പരാപരനൊപ്പ, മത് നില നിർത്തണം

10/10/2020

പൂനിലാവിന്നിളം കുളിരുള്ള രാവും

പ്രത്യൂഷ മഞ്ഞിലലിഞ്ഞ പ്രഭാതവും 

സിന്തൂരച്ചാർത്തിൽ കുളിച്ചു  പ്രശോഭിക്കും

സന്ധ്യയുമൊരുപോൽഹരമാം മനസ്സിന്

****************

11/10/2020

****************

12/10/2020

ചിന്തകൾ താഴിട്ടു പൂട്ടുവാനാകുമോ? 

ചന്തിരനെ താഴെയെത്തിക്കാനാകുമോ?

സ്വന്തം മനസ്സിൻ നിയന്ത്രണമാകില്ലേൽ

എന്തിനായ് ചിന്തിക്കതന്യനെ പൂട്ടുവാൻ

13/10/2020

'ആനയ്ക്കറിയില്ലതിന്റെ വണ്ണ'മെന്നാൽ

അറിയാമതിന്നതിൻ ശക്തി എന്തെന്നത്.

വണ്ണമോ ശക്തിയോ ഇല്ലാത്ത മാനവൻ

വെറുതേ നടിക്കുന്നതു രണ്ടുമുണ്ടെന്ന്

14/10/2020

ഇന്നുമെന്നുംഞാൻശ്വസിക്കുന്നൊരീ വായൂ          എന്നുമെൻജീവൻനിലനിർത്തുമീവായൂ

മണ്ഡലത്തെഞാൻ മലീമസമാക്കുകിൽ

അന്ധനെന്നല്ലാതെ എന്തു പേരിന്നർഹൻ

15/10/2020

അലയാഴിതന്റെയടിയിലിരുട്ടിൽ

പലനാൾതപസ്സിരുന്നിട്ടു തനതൊരു   

രൂപമുണ്ടാക്കിയെടുക്കും പവിഴവും

രൂപമില്ലാത്തൊരു പുറ്റും മനോഹരം.

16/10/2020

ഒഴുക്കുവെള്ളത്തിലഴുക്കി ല്ലെന്നുക-

ണ്ടഴുക്കുള്ളിലുള്ളതൊഴിവാക്കീ ടാനായ് 

വഴുക്കുള്ളോരൊക്കെയൊഴുക്കുവെള്ളത്തിൽ

മുഴുവൻ മുങ്ങിയാൽ ഒഴിവായീ ടുമോ ?

17/10/2020

ഉടയോൻ നിർമ്മിച്ചു ഹൃദയ  സാഗരം  

ഉറവയും തോടുമരുവിയും ചേർന്നു   പുഴകളായെത്തുംകടലുകണ്ടിട്ട്

ഒഴുക്കുണ്ടെന്നാലോ ഇരു വശത്തേക്കും!

(ഉടയോന്റെകരവിരുതുകണ്ടോളൂ!)

*****************

18/10/2020

*****************

19/10/2020

ഒരുശുഭ്രനിഴലായിവന്നെൻമന-

താരിതളിൽഹിമകണമായ്മരുവി   

കല്പന മനദർപ്പണത്തിൽ  പതിച്ചും,

കുളിർകയ്യാലെന്റെകരംഗ്രഹിച്ചിട്ടും , കവിതതൻവഴിയേനയിച്ചതാരോ?

20/10/2020

'മധുര'മെന്നപദമെന്നുമേവർക്കും 

മനസ്സിനും നാവിനുമേകുമാനന്ദ- 

മെങ്കിലുംമധുരവുംകൈപ്പുള്ള തായി

മാറീടുമെന്നതുംലോകനീതിയല്ലോ

21/10/2020

കൂപത്തിന്നാഴത്തിലേക്കരഞ്ഞാണങ്ങൾ,

കെട്ടിടത്തിന്നുയരത്തിലേക്കേണികൾ,

ധര,യാഴി,വ്യോമയാനത്തിന്പേടകം, 

നരക,സ്വർഗ്ഗയാത്രക്കെന്തിന്ന്പേടകം?

22/10/2020

ഉൽഫുല്ലമാകുവാൻ വെമ്പുന്ന കമലം

ഉദയാർക്കനെ കാത്തിരിക്കുന്ന പോലെ

നെയ്യാമ്പൽ കാക്കും വിധുവെ  യെന്നാൽ രണ്ടും  

നിയതി നയിക്കും വഴിയേ ഗമിക്കും.

23/10/2020

ഇരുട്ടിനെയറിയണമെന്നുണ്ടെങ്കിൽ

ഇരുട്ടിലിത്തിരി നടന്നു നീങ്ങിടൂ  

ഇരുട്ടിനുള്ളിലെ വെളിച്ചവും കാണാം

ഇരുട്ടിനേക്കൂട്ടു പിടിക്കുകേമാകാം

24/10/2020

കമ്പിന്റെതുമ്പിലാലോലമാടും ഞാലി-

ചെമ്പരത്തിപ്പൂവിന്നറിയുമോ നാളെ

അമ്പേ ഞെട്ടറ്റു നിലം പതിക്കു മെന്നും   

മുമ്പേ ഗമിച്ചവർ തൻപിൻപേ പോമെന്ന് 

26/10/2020(2)(25/10/2020)

ഇരുമെയ്യുമൊറ്റയാത്മാവുമാ യിന്നു-   

വരെയുംകഴിഞ്ഞോർ പിരിയും സമയം

തമ്മിലകലാതെ കെട്ടിയിട്ടെ ന്നാലാ 

'ആത്‍മാക്ക'ളകലാതിരിക്കുമെന്നാണോ?

26/10/2020(1)

കുരുന്നുകളക്ഷരമുറ്റത്തെത്തിയിന്ന് 

സരസ്വതീപ്രസാദവുമേറ്റുവാങ്ങി 

ആദ്യാക്ഷരംകുറിച്ചാകാംക്ഷയോടിനി 

അറിവിന്റെ ലോകത്തെയുറ്റു നോക്കീടും

27/10/2020

മധുരസ്മരണകളിമ്പമോടെ യെൻ

മനോദർപ്പണത്തിൽ നിഴലായി വന്നു 

മിന്നിമറയവേ പിറകേ തന്നെത്തും 

മഥിച്ചീടുമോർമ്മയു,മത് വിധി യാമോ?

28/10/2020

ഇതളിലിരുന്ന് മധു നുകർന്നീ ടവേ 

ഇതളിറുന്നാലാ പൂവിനുണ്ടാകും

വേദനയെന്തെന്നറിയാതകന്നുപോം

വേറേ പൂതേടി പരാഗവുമായ് അളി

29/10/2020

നുകത്തിന്നുകീഴിലലസ്സം ഗമിക്കും

നിരത്തിൻ നിയമംശരിക്കും പാലിക്കും

വിളകളൊക്കെ ചന്തതോറുമെ ത്തിക്കും 

കാളയുംവണ്ടീമിനിറോഡിലെ ത്തുമോ?

30/10/2020

വരമ്പത്തൊറ്റക്കാലിൽ തപസ്സി രിക്കും

പരൽമീനെക്കണ്ടാലോകൊക്കിലൊതുക്കും

കൊറ്റിതൻകൗശലമതുപോലെ  തന്നെ

കാണിക്കുന്നിന്നത്തെകള്ളസന്യാസിമാർ

31/10/2020

പുല്ലിൻതുമ്പിലിരിക്കുമൊരുതുമ്പിയെ

കല്ലെടുപ്പിക്കുവാനായിപ്പിടിക്കുന്ന

പൈതലറിയുന്നില്ലാകല്ലുതുമ്പിക്ക്

പിടിവള്ളിയാണനുസരണയല്ലെന്ന്.

01/11/2020

മലയാള ഭാഷയും വേഷവും സഹ്യനും 

അലയാഴിതീരവും കേരനിരകളും

മലയും കായലും കഥകളീം കുഞ്ചനും 

കലതൻ കലവറേമുള്ളതെൻ കേരളം.

02/11/2020

ജീവിതമെന്ന പരീക്ഷണ ശാലയിൽ

ഭാവിയെ രൂപപ്പെടുത്തുവാ നായിട്ടു

മറ്റൊരോ ചെയ്തതു കണ്ടു പകർത്തുകിൽ

തോറ്റുപോം കാരണം വേറിട്ട ചോദ്യങ്ങൾ

03/11/2020

വാരിധീ  തീരമണയും തിരകളും

മാരുതൻ വീശിക്കറക്കും ചുഴലിയും

ആരും തടയാതടങ്ങുവതായ് തോന്നാം  

കാരണമെങ്കിലുമുണ്ടല്ലോ രണ്ടിനും!

04/11/2020

പറന്നെത്രഉയരത്തിലെത്തിയാലും  

പരുന്തിന്റെകണ്ണതിന്നിരയിൽ തന്നെ   

ദൂരം തടസ്സമാകുന്നതേയില്ലതിൻ

കാരണം ലക്ഷ്യമെന്നുള്ളതു തന്നെയാം

05/11/2020

ഇല്ല, വിഷയ ദാരിദ്ര്യം ചിന്തിക്കു വാൻ,

തെല്ലുമേയില്ലീ, ഉലകത്തിലെ വിടെ

ചികയിലും കാണാം വിഷയമെ ന്നാലോ 

ചിന്തിച്ചിടാനാകണം പക്വത യോടെ

06/11/2020

രത്നം മിനുസപ്പെടാനതുര യ്ക്കണം

ശുദ്ധ സ്വർണ്ണത്തിനായിട്ടതുരു ക്കണം

പരീക്ഷണങ്ങളതിജീവിച്ചാലേ മ-

ധുരിക്കും  ജീവിതം കൈവരിക്കാ നാകൂ

07/11/2020

നടന്നു പോകുവാനുതകും പാത യിൽ

കടന്നുപോകുന്നു ശകടം വേഗ ത്തിൽ

ഒടുങ്ങിടും വേഗം ശകടമെങ്കിലോ

നടക്കും കാലുകളൊടുങ്ങില്ലാ വേഗം

**************

08/11/2020

**************

09/11/2020

നിമിഷമോരോന്നുമുടൻ മരിക്ക യാൽ സമയത്തിൻനാമം'മരണ'മെന്നാകാം  

നിരന്തരമായി മരിച്ചുപോകുന്ന 

നിമിഷങ്ങൾക്കാപേരുചിതമല്ലയോ?

10/11/2020

സസ്യലതാദികളാഹാരമുണ്ടാക്കാൻ

സൂര്യതാപമുപയോഗിക്കു മെങ്കിലാ     

'സൂര്യതാപ'മേറ്റവയ്ക്കുണ്ടാം നാശവും, 

സൂര്യതാപത്താലേആഹാരോം നിഗ്രഹോം!!!

11/11/2020

അരുതൊട്ടും ഖേദം കഴിഞ്ഞു പോയതിൽ

കരുതലോടെ നേരിടുകയി ന്നിനെ

വരുംകാലത്തേക്കു തയ്യാറെടു ത്തിടൂ 

കരുതൂ ജീവിതം വിജയ മാർഗ്ഗ ത്തിൽ

12/11/2020

കടുപ്പകാലത്തു പ്രചോദന ത്തിനായ് 

കടന്നു  പോകേണ്ടുമകലം  നോക്കാതെ 

കടന്നെത്ര പോയെന്നുറപ്പാക്ക വേണം

കടമ്പകൾ കടന്നതെങ്ങനെന്നതും!

13/11/2020

കുതിച്ചുംതെറിച്ചുമുരുണ്ടിട്ടുംപന്തു 

പതുക്കെനിന്നിട്ടുപിറകോട്ടുംപിന്നെ

വശങ്ങളിലേക്കുമുരുണ്ടിട്ടുനിക്കും

വശംകെടുകിലോമനുജനുംതുല്യം

14/11/2020

ചേതനയെന്നതൊരുത്തരം കാണേണ്ട

ചിന്തനീയമാം രഹസ്യമാണല്ലാ തെ

പരിഹാരം കണ്ടുപിടിക്കുവാനാ യി

ശിരസ്സു പുകയ്ക്കേണ്ടും സമസ്യ യല്ല

15/11/2020

പരിചയസമ്പത്തിരുത്തം വന്നോരു

ഗുരുവാണെന്നതു പരമ സത്യമാം    

പരീക്ഷകളാണതാദ്യം തന്നീടുന്നെ   

പിറകേ തന്നീടും പാഠങ്ങളൊ ക്കെയും

**************

16/11/2020

**************

17/11/2020

മനമെന്ന താളിലെഴുതുവാനായി

പേനയും പെൻസിലുമാവവശ്യമേ യില്ല 

എത്ര കിണഞ്ഞു പരിശ്രമിച്ചെ ന്നാലും

എഴുതപ്പെട്ടവ മായ്ക്കാനുമാകില്ല

18/11/2020

പുതപ്പിനുള്ളിലെ നനുത്ത ചൂടിനെ

പനിക്കുന്ന തനു വെറുത്തെന്നു വരും

ഇളം വെയിലിന്റെ തുടിക്കും ചൂടിനെ

കുളിരുന്ന തനു കൊതിക്കുകേം ചെയ്യും

19/11/2020

അരുതാത്തത് ചെയ്തിട്ടിളിഭ്യ നായീടും 

കുരുന്നിന്നുള്ളിലെ വികാര സാഗരം 

തിരിച്ചറിയുവാൻവിരുതുണ്ടമ്മയ്ക്ക്

തരമോടെകാര്യമൊതുക്കീടുമമ്മ

20/11/2020

ബന്ധങ്ങൾനന്നായിരൂപപ്പെടു ത്താൻനി-

ബന്ധനകൾക്കുകഴിയാതെവന്നിടും  

കാര്യംഗ്രഹിക്കുന്നയാളുംവിശ്വാസ്യത

കാക്കുന്നയാളുമൊന്നിച്ചാൽ ദൃഢബന്ധം

21/11/2020

മധുകണമുള്ളിലൊളിപ്പിച്ചുവച്ചു മധുപനേയുംകാത്തിരിക്കുന്ന സൂനം 

മധുപനായ് തൽപ്പമൊരുക്കി വയ്ക്കുന്നു

മൃദുലമാം വർണ്ണ ദളങ്ങളാ ലെന്നും

22/11/2020

പുറമേനിന്നുള്ളനിരീക്ഷണ ത്തിൽനി-

ന്നറിയില്ല സ്വയമെവിടെയെ ത്തുമെന്ന്

ജയമൊരാളുടേതളന്നീടുമന്യർ

സ്വയമളക്കേണമൊരുവൻ  സംതൃപ്തി

23/11/2020

ഹരിതകേരള തീരത്തെവി ടെയും 

നിരനിരയായി തലയുയർ  ത്തീട്ടു    

നിലയുറപ്പിച്ച കേര തരുക്കളാം

നയനാനന്ദത്തിനിനിയെന്തു വേണം

24/11/2020

വെണ്ണിലാവിന്റെകുളിർവെളിച്ചത്തിൽ 

കണ്ണുംമിഴിച്ചുകിനാവുകാണുന്നോരു  

വിളക്കുമരത്തിനു നിഴലുണ്ട് പിന്നിൽ 

വേറൊന്നുമുണ്ടതുവളരും കുറുകും!

25/11/2020

ഓർമ്മതൻ ഭണ്ഡാരമാകും മനസ്സതിൽ

കീർത്തിസ്തംഭങ്ങൾനാംസൂക്ഷിച്ചുവച്ചിട്ടു

ഭാവിയിലോർക്കാനുമയവിറക്കാനും 

ഭാവിപരമ്പരയ്ക്കായുംസംരക്ഷിക്കും

26/11/2020

മനസ്സാകുമഭിലാഷ ചെപ്പിനു ള്ളിൽ

മെനയുന്ന പലതരം മോഹങ്ങൾ ക്കും   

നിറങ്ങൾകൊടുത്തുകൊഴുപ്പേകുന്നതു  

നിണവും കനവും ചേർന്ന കൂട്ടല്ലയോ

27/11/2020

തടസ്സമാവില്ല സൽബന്ധത്തിന് ദൂരം 

അടുപ്പമുറപ്പാക്കിടാ സൽബന്ധവും   

അന്യന്റെ വികാരത്തിനാദരവു മൊപ്പം

അഭയവും നൽകീട്ടുറപ്പിക്കൂ ബന്ധം.

28/11/2020

ജലവും വായുവുമഗ്നിയുമൊന്നുപോൽ

ജീവനുതകീടും ജീവനെടുത്തീടും,   

ഇവരിലാരാണു മുന്നിൽ നിൽക്കുന്നതെ-

ന്നവരോടാരാഞ്ഞാലുത്തരം കിട്ടുമോ?

29/11/2020

തേടിനടന്നിടാം ഏകാന്ത തീരങ്ങൾ  

തീരമണഞ്ഞാലലഞ്ഞു നടന്നിടാം

വള്ളിക്കുടിൽ കണ്ടാലൂയലാടാമതിൽ

വാനോളം പൊങ്ങിപ്പറന്നുല്ലസി ച്ചിടാം

30/11/2020

തന്നിൽനിന്നൊരുനറുമന്ദഹാസംപ്ര- തീക്ഷിക്കുന്നോർക്കാദരവേകീടവേണം    

തന്നിൽപ്രത്യാശകാണിക്കാത്തവർക്കു 

തെല്ലൊരുവിസ്മയമേകിഭ്രമിപ്പിക്കൂ

01/12/2020

തന്നുടെ പുഞ്ചിരിമാത്രംകണ്ടീ ടുന്ന 

തോഴരൊരായിരമുണ്ടെന്നിരു ന്നാലും    

തന്റെകണ്ണീരിന്റെയർത്ഥമറി യുന്ന

തോഴനാകുംവിലപ്പെട്ടവനേറ്റവും

02/12/2020

മധുരമലയാള മാദക ലഹരി 

മനതാരിലൊരു കുളിരിൻ തരിയായി

നുരയവേ തിരകളായുയരു കയായ്  

നിരനിരയായി കവിത തൻ വരികൾ

03/12/2020

നമുക്കായി കാത്തുനിൽക്കില്ല സമയം

നല്ലനേരം നോക്കി കാക്കേണ്ട നമ്മളും     

ശരിയായകാര്യങ്ങൾ ചെയ് വതിന്നായി 

നേരമേതും ശരിയാകാതിരിക്കില്ല

04/12/2020

തിങ്കളിൻ ചാരുതയോലുന്ന സൂര്യപ്ര-

തിബിബംപോലല്ലോനിന്മുഖം പൈതലേ 

താരാട്ടു കേട്ടിട്ടുറങ്ങവേ നിന്മുഖ-   

താരിന്റെശോഭയിരട്ടിയായ് മാറുന്നു

05/12/2020

വിശ്രമമില്ലാതെജോലിചെയ്യു മേക  

വിശ്വസ്തമാംയന്ത്രമാകുന്നു ഹൃദയം

അതിനേകൂ സന്തോഷമെന്നുമെ പ്പോഴും

അത് തന്റേതായാലുമന്യന്റേതാ യാലും

06/12/2020

വ്യാകുലതയെന്നത് ആടും കസേരേലി-

രിക്കുന്നപോലുള്ളോരനുഭവം മാത്രം

എന്തെങ്കിലുമൊന്നു കാട്ടുന്നെന്നല്ലാതെ

എങ്ങുമേയെത്തിക്കയില്ലതു നിങ്ങളെ

07/12/2020

വയലേലയുച്ച വെയിലിൽ തപിക്കേ

വെയിലിന്റെ ചൂടകറ്റാനായ് പവനൻ

മെല്ലവേ വീശിക്കൊടുക്കുന്നു നെല്ലിനെ

നെല്ലെന്നാലൂറ്റുന്നു വെയിലിന്റ യൂർജ്ജം

08/12/2020

സ്വന്തംചിന്തയെനിയന്ത്രിക്കാനാ കുകിൽ  

സ്വയംശിക്ഷണമുളവാകുമെ ന്നർത്ഥം

ചിന്തകളെനിയന്ത്രിക്കുവാനായി ല്ലേൽ

ചെയ്യുന്നകാര്യംനിയന്ത്രണാതീ തമാം.

09/12/2020

കല്ലെടുപ്പിക്കവേ തുമ്പിതൻവാ ലഗ്രം

തെല്ലുമുറിഞ്ഞിടത്തൊരുപുൽത്തുരുമ്പു

കേറ്റിപ്പറപ്പിക്കുംപൈതലിൻഭാവത്തിൽ 

കൊല്ലാതെകൊല്ലുന്നനേകംമാന്യന്മാർ

10/12/2020

അറിവു ശരിക്കുണ്ടെന്നതു തന്നെയാ-

ണറിവിൻ കാതലതുപയോഗി ക്കേണം

അറിവില്ലയെങ്കിൽ അജ്ഞത സ്വയമേറ്റ്

പറയുകിലതുമറിവിന്റെ സത്താകും

11/12/2020

ബന്ധവുമിഷ്ടവും സഖ്യവുമൊ ക്കെയും 

എത്താമെവിടേം ക്ഷണിച്ചോ അല്ലാതെയോ  

ആദരവെവിടെയാണോ ലഭിക്കുന്നത്

അവിടേ എന്നാലവ നില നിന്നിടൂ

12/12/2020

പ്രചോദനം മനസ്സിൽനിന്നുമു ണ്ടാകും

പ്രബുദ്ധതയുണ്ടാം ഹൃദയത്തിൽ നിന്നും

അർത്ഥവത്താംജീവിതമുളവാക്കീടും

ആത്മീയമാം അനുഭവമാണ് 'സംതൃപ്തി.

13/12/2020

നിരന്തരകർമ്മമൊരുത്തനെ നല്ല

തിരക്കിലാക്കീട്ടു നയിക്കുമെ ങ്കിലും

അതുവഴി നല്ല ഫലസിദ്ധി വന്നാൽ

സ്വതന്ത്രനായീടുമവൻ, അറിയുക

14/12/2020

മിത്രം വ്രണിതഹൃദയത്തിനൗ ഷധം   

പ്രതീക്ഷയുള്ളയാത്മാവിനോ ജീവകം 

സത്യംനിസ്സാരമായ് തോന്നീടാമെ ങ്കിലു- 

മതു വിശദീകരിച്ചീടാൻ പ്രയാസം!

15/12/2020

വേദനയേക്കാൾ കരുത്തേറുമിച്ഛ യ്ക്ക്

വേദനയോരോന്നുമോരോ പാഠങ്ങളാം

ഒരോരോ പാഠവും മാറ്റങ്ങളു ണ്ടാക്കും

ഒരോ വ്യക്തിയിലു,മതിനില്ല മാറ്റം .

16/12/2020

വെറുപ്പ് കാട്ടുവാനാകാത്ത ഹൃദയവും  

വിരലിനാൽതൊട്ടുനോവിക്കാത്തകയ്യും

പുഞ്ചിരിമാഞ്ഞു പോയീടാത്ത മുഖവും

നെഞ്ചിലേറ്റുന്നവനെത്രയോയുത്തമൻ

17/12/2020

ജീവിതമാഖ്യായികപോലതി ലോരോ  

ദിവസവും താളിൻ വശം, ദുഃഖത്തിന്റേം

സന്തോഷത്തിന്റേ,മതിനാൽ ഖേദിച്ചിടാ,

സന്തോഷവും ദുഖോം മാറിമാറി വരാം!!

18/12/2020

അപരന്നു നൽകാനുതകീടു ന്നൊരു 

അനുപമദാനമാം തന്റെ സമയം

 തിരികെകിട്ടീടാത്ത, ജീവിത ത്തിന്റെ, 

ഒരു ഭാഗമാണതെന്നതാണ് കാരണം !

19/12/2020

വിഹായസ്സിൻ നീല വിശാലതക ളിൽ

വിഹരിച്ചുല്ലസിച്ചലഞ്ഞു മേയുന്ന 

വെണ്മയോലും മേഘച്ചെമ്മരി യാടുകൾ

വിണ്ണിന്റെമുറ്റത്തെയോമന യുണ്ണികൾ

20/12/2020

തുറന്നുവച്ചാലേ മനസ്സും കുടയും

തെല്ലെങ്കിലുമുപയോഗപ്രദമാകൂ

അല്ലയെന്നാകിലവരണ്ടുമൊന്നുപോൽ 

അധികഭാരം തരുമെന്നതറിയൂ

21/12/2020

നേരായ പാതയിലൂടെ നടക്കു കിൽ

ആരുമേ ലക്ഷ്യസ്ഥാനത്തുചെ ന്നെത്തിടും

കാരണം മറ്റൊന്നുമല്ലയാപാത യിൽ

തീരെത്തിരക്കു കാണില്ലെന്നതു തന്നെ

22/12/2020

നീളുംപെരുവഴിനേരുള്ളതാണെങ്കിൽ

നാളുകളെത്രയെടുത്തുവെന്നാകിലും

ആളൊരുമ്പെട്ടിറങ്ങിച്ചെന്നാലെത്തിടും

പാളിച്ചയൊന്നുമേയില്ലാതെ ലക്ഷ്യത്തിൽ

23/12/2020

കണ്ണിൽ നിഴലിക്കും ഭാവഭേദ ങ്ങളെ

കണ്ടുവായിക്കുവാനാർക്കുംകഴിഞ്ഞീടും

മനസ്സിലുണ്ടാകും വിഷാദത്തെ യുത്ത-

മനാകുമൊരാൾക്കേവായിക്കുവാനാകൂ.

24/12/2020

ജീവിതമെന്നതൊരിടവേള മാത്രം

ജനനത്തിനും മരണത്തിനും മദ്ധ്യേ

ആ വേളയിൽ സ്വയം നേടിടൂ  സന്തോഷം

അന്യരേയുമതിൽ പങ്കാളി യാക്കിടൂ

25/12/2020

പൂർണ്ണത നേടില്ല ജീവിതമെ പ്പോഴും

പാത വളഞ്ഞും പുളഞ്ഞുമതു പോലെ

താണുമുയർന്നുംകിടന്നാലുമു ണ്ടൊരു 

തനത് സൗന്ദര്യ,മതുപോലാമാ യുസ്സും

26/12/2020

അദൃശ്യമായ് തോന്നിടാം നല്ല കർമ്മങ്ങൾ

അവയെന്നാലുണ്ടാക്കിയെന്നു  വന്നീടാം 

അനുപമമാമോരടയാളമെന്നും

അറിയാതെയന്യരുടെ ഹൃത്തിലായി.

**************-

27/12/2020

**************

28/12/2020

പ്രഥമദൃശ്യത്തിലാരുമേ നമ്മൾക്കു

പ്രത്യേകതയുള്ളവ്യക്തിയായ്‌തോന്നിടാം  

എങ്കിലുംവിരലിലെണ്ണാവുന്നവരേ

തങ്ങിടൂ നമ്മുടെ അന്ത്യദൃശ്യം വരെ

29/12/2020

പൊറുക്കുകയെന്നതാകും സ്നേഹ  വായ്പ്പിൻ 

പര്യായത്തിന്റെ മനോഹര മാതൃക

തിരികെ കിട്ടീടുവത്യധികമാകും

ധന്യതയും സമാധാനവുമായിടും

30/12/2020

ആരുമേകണ്ടാലുമൊന്നുനോക്കിപ്പോകും

ആകാരമല്ലേ ഉദയസൂര്യ ബിംബം 

സായാഹ്നയസ്തമയ സൂര്യന്റെ  ബിംബം

മായാപ്രപഞ്ചത്തിലെത്തിച്ചിടും നമ്മേ

31/12/2020

നേരായകാഴ്ചപ്പാടുണ്ടെങ്കിലാരുമേ 

നേരിയ ശങ്കയുമില്ലാതീ ലോകത്തെ

സ്നേഹിച്ചിടു,മതുപോലെയീ ലോകവും

സ്നേഹിക്കുമാരെയും, നാക്കു നന്നാകുകിൽ

01/01/2021

മുഖപുസ്തകത്തിലെ സ്നേഹി തർക്കൊക്കെ

മുഗ്ദ്ധഹാസത്തോടെ ഞാനേകി ടുന്നിതാ 

പുതുവത്സരാശംസ, നന്മ നിറഞ്ഞ,

കുതൂഹലമേറുമൊരു നവ വർഷം

02/01/2021

വഴിയിൽ തടസ്സമായ് തോന്നിടും കാര്യം 

വഴിമാറിപോകാൻ കാരണമാ യാലും

അതുമൊരനുഗ്രഹമായിട്ട് മാറീടാം

പുതിയൊരു നല്ല ഫലസിദ്ധി ക്കായി.

03/01/2021

സ്നേഹത്തിന്നാത്മാവുംആശതന്നാഭയും

സ്വൈരതതന്റെയനുഗ്രഹവും തഥാ  

വിശ്വാസത്തിന്റെയാനന്ദവുംചേർന്ന് നവ

വൽസരം ചൊരിയട്ടനുഗ്രഹം നിങ്ങൾക്ക്

04/01/2021

പാതവേണ്ടിവരില്ലാചിലയാത്രയ്ക്കായ്,

പാകപ്പെട്ടോരു മനസ്സുമാത്രംമതി 

തോൽവിയെന്നാൽ ജയത്തിനെ തിർവാക്കല്ല-

തെന്നാലോവിജയത്തിൻഭാഗമായീടും

05/01/2021

നമ്മളുടെയറിവില്ലാതെതന്നൊരാൾ 

നമ്മുടെനന്മ കരുതി ധ്യാനിക്കു കിൽ 

അതുതന്നെയാകണംനമ്മൾക്ക്  കിട്ടിടും 

അതുല്യമാകും ശ്രദ്ധയു,മാദ രവും

06/01/2021

തിരിച്ചറിഞ്ഞീടുക സ്വയമെന്ന താകു-

മൊരു ജീവിതത്തിലെ വലിയൊരാഹ്വാനം.

രണ്ടാമത്തേതർഹമായതും ഉള്ളതും 

കൊണ്ടു തൃപ്തിയടയേണമെന്നു ള്ളതാം.

07/01/2021

കരുത്തരായ് മാറാം അഹങ്കാരി യാകാ

പരുഷരായ്‌ക്കൂടാ അഭിമാനി യാകാം   

ദയാശീലനാകാം മഹാബലി യാകാ 

ദുരാഗ്രഹമരുത് ദുർബലരാക രുത്

08/01/2021

നനുനനുത്തുള്ളോരു കനവിൻ കണികകൾ

നിനവിന്റെയറകളിൽ മധുവായ്  നിറഞ്ഞത് 

നുകരുവാനായ് മനമതിനരികെ യെത്തേ  

അകതാരിൻ നേത്രം തുറന്നു പോയറിയാതെ!

09/01/2021

ഭൂമിയിലെ നല്ലയദ്ധ്യാപകരാ യിടും   

സമയവും ജീവിതവുമതിൽ ജീവിതം 

സമയത്തിന്റെയുപയോഗം പഠിപ്പിക്കേ

സമയം പഠിപ്പിക്കുമായുസ്സിന്റെ വില

10/01/2021

സ്നേഹംനഷ്ട്ടങ്ങളാൽചുറ്റപ്പെട്ടമഹാ

സാഗരമാകും,വികാരങ്ങൾതന്നുടെ.

ഒരിക്കലുംവെറുപ്പ്കാട്ടാത്തഹൃദയവും ചിരിമായാത്തൊരുമുഖവുംസൂക്ഷിക്കൂ

11/01/2021

ഉറച്ചവിശ്വാസവുമാശയുമുണ്ടെങ്കിൽ  

ഉദ്ദേശിക്കുംകാര്യമുറപ്പായുംസാധ്യമാം  

മനോഹരമായിമാറ്റുംസ്നേഹമെല്ലാമേ

മനസ്സിലിവമൂന്നുമായ്തുടങ്ങൂദിനം

12/01/2021

മധുരനിമിഷങ്ങളെന്നുമെത്തു    ന്നത്    

മധുരാഭിവാദ്യത്തിൽനിന്നുമല്ലെന്നാൽ  

നന്മതനിക്കുനേരുന്നവരെയോർക്കും  

നറുചിന്തമൂലമാണെന്നതറിയൂ

13/01/2021

പോയദിനങ്ങളിൽകാട്ടിയതെറ്റിനും    

പ്രത്യാശവച്ചിടുംനാളേക്കുംനടുവിൽ 

പകിട്ടുള്ളൊരവസരമുണ്ടിന്നെന്ന  

പേരിൽ,ജീവിച്ചനുഭവിച്ചീടൂ 'ഇന്നി'ൽ

14/01/2021

കാണുന്നതാകെവീക്ഷണംമാത്രമാ,മാ-

കേണമെന്നില്ല,സത്യമെന്നവയൊക്കെ

കേൾക്കുന്നതുശരിയാണോന്നറിയാഞ്ഞാൽ  

കൊള്ളാനുംതള്ളാനുംമടികാണിക്കേണ്ടാ.

15/01/2021

വളരെക്കുറച്ചേയാവശ്യമായ് വരൂ

വളരെസന്തോഷദായകമാമൊരു

ജീവിതമുണ്ടാക്കുവാനായതി നായി-

ട്ടാവശ്യമുള്ളവനിങ്ങളിലുണ്ടെന്നേ

16/01/2021

ബലപ്പെടുത്തീടൂജീവിതത്തെ സ്നേഹ

ബന്ധങ്ങളധികമായുറപ്പാക്കിക്കൊണ്ട് 

സ്നേഹിക്കയന്യോന്യമെന്നതുതന്നെത്ര 

സന്തോഷകരമാകും നില നിൽപ്പിന് !

17/01/2021

ശരിയായ ചിന്ത പ്രാവിണ്യ മായിടും 

ശാന്തതയെന്നാൽ മാനസിക ശക്തിയും 

സ്വയംനിയന്ത്രണമുൾക്കരുത്തായിടും    

സംശയമജ്ഞതയിൽനിന്നുളവാകും

******

ദയാവാനാകുകയെന്നതീലോകത്തി-

ലെയേറ്റമഴകുള്ള വ്യക്തിയെന്നർത്ഥം 

കാഴ്ചയിലാവ്യക്തിയെങ്ങനെയെന്നതാ

കുകില്ലൊരു ചോദ്യകാരണമൊരി ക്കലും

17/01/2921)

*****************

18/01/2021

*****************

19/01/2021

നല്ലതല്ലാത്തോരോസാഹചര്യത്തെയും

നല്ലപോലെതരണംചെയ്തിടാതാർക്കും

ആവില്ലയെത്തിപ്പെടുവാനൊരിക്കലും 

ജീവിതത്തിന്റെയേറ്റംനല്ലകോണിലായ്

20/01/2021

നല്ലോരുവ്യക്തിയായീടുന്നതിൽ നിന്നും

നിങ്ങളെയന്യയാൾക്കാരുടെയജ്ഞതേം 

നിഷേധകനിലപാടുംനാട്യങ്ങളും 

നിയന്ത്രിക്കാതെയിരിക്കുവാൻനോക്കുക.

21/01/2021

തനുവും മനവുമൊരുമിച്ചു വിശ്രമം

തേടിയിട്ടൊരു വ്യക്തി പരിസര ബോധം

മറന്നുപോയീടുകിലാ സമയത്തെ നാ-

മറിയുന്നുറക്കമെന്നുള്ളോരു പേരിനാൽ

22/01/2021

സൗഹൃദമാഹ്ലാദദായകമാകും വ്യ-

സനങ്ങളാകെയുമത് പങ്കു വച്ചീടും   

സംതൃപ്തിയാണേലതിരട്ടിപ്പിച്ചീടും 

സഹനീയമാക്കും ദുരവസ്ഥ പോലും

23/01/2021

കാത്തുസൂക്ഷിച്ചിടൂവാഗ്ദാനമൊക്കെയും, 

ബന്ധുത്വവും,സ്നേഹബന്ധങ്ങളൊക്കെയും

അവസ്വയമുണ്ടാക്കില്ലാരവമൊന്നും 

അവയുടഞ്ഞാലോനിശ്ശബ്ദതയുണ്ടാം

24/01/2021

നിഴലിനും ദർപ്പണത്തിന്നും തുല്യരാം

നല്ലമിത്രങ്ങളനുഗ്രഹമായിടും

നിഴലുകൾ നമ്മളെ വിട്ടുപോ കില്ല 

ദർപ്പണം കള്ളം പറകയു മില്ലല്ലോ

25/01/2021

സന്തോഷമോടെയിരിക്കുകിൽ, ജീവിതം

എത്രയോ നല്ലതെന്നുള്ളോരു തോന്നലാം.

അതിലേറെ നന്നായ് തോന്നിടാം ജീവിതം 

അന്യർക്കുനമ്മൾസന്തോഷമേകീടുകിൽ

26/01/2021

സ്വയമെഴുതൂ നിങ്ങൾ നിങ്ങളേ പ്പറ്റി,

വായിച്ചിടൂസ്വയം നിങ്ങൾതൻ മനസ്സും

അധികമായ് നിങ്ങൾ സ്വയമറി ഞ്ഞീടിൽ അന്യരംഗീകരിക്കേണ്ടതില്ലധികം

27/01/2021

വളവേറെയുള്ള പുഴ പോലെ ജീവിതം

വളവുകളോരോന്നുമാസ്വദി ച്ചീടുക 

നല്ലതിനാകട്ടെ, അല്ലാതിരി ക്കട്ടെ ,

ഇല്ലാ, വരില്ലവ തിരികേയൊരി ക്കലും

28/01/2021

പേടിയിൽനിന്നുളവാകുമൊരാ ശയ്ക്കു 

പ്രഭയേറുമെന്നതറിയുക വേണം 

എല്ലാമെല്ലാമില്ലാതായിപ്പോയെന്നാലും

ഇല്ലാതെയാകില്ല 'ഭാവി'യൊ രിക്കലും

29/01/2021

ആരാണു നമ്മുടെ മുന്നിലെന്നു ള്ളതോ

ആരാണു പിന്നിലെന്നുള്ളതോ അല്ലൊരു

ആലോചനയ്ക്കുള്ള വിഷയമെ ന്നാലോ

ആരായിരിക്കും നമുക്കൊപ്പമെ ന്നതാം

30/01/2021

തല്ലുകൾ പലതിന്നവസാന തല്ലിൽ

കല്ലു നന്നായിപ്പിളർന്നാലതി നർത്ഥം

വെറുതേപോയ് ആദ്യത്തെ തല്ലെ ന്നതല്ല

വിജയം തുടർപ്രക്രിയമൂല മെന്നാം

31/01/2021

ഉളവാമനുഭവജ്ഞാനത്തിൽ നിന്നും

ഉറപ്പുള്ള തീരുമാനങ്ങളെന്നാലോ

തെറ്റായിടും തീരുമാനങ്ങളിൽ നിന്നു

തന്നെയനുഭവജ്ഞാനമുണ്ടായിടും.

01/02/2021

തിരക്കെത്രയുള്ളമനുഷ്യനായാലും 

ശരിയായിനിങ്ങളെസ്നേഹിക്കു ന്നെങ്കിൽ 

തിരക്കിന്നിടയിലും കുറച്ച് സമയം  കരുതിവയ്ക്കുമയാൾനിങ്ങൾക്കുവേണ്ടി

02/02/2021

തന്നുടെയാത്മകഥതൻ രചയ്താവു

താൻതന്നെയാണെന്നിരിക്കേ മടിക്കണ്ടാ

പരിശോധിച്ചു തെറ്റുതിരുത്തി, മാറ്റം

വരുത്തിയിട്ടുമുന്നോട്ടുഗമി ക്കുവാൻ

03/02/2021

സാദ്ധ്യമായിടാവിജയംനേടുവാനായ് 

ബുദ്ധിശക്തിമാത്ര,മതിനായി വേണ്ടിടും 

സൽച്ചിന്താഗതിയുംസുതാര്യമായീടും 

സ്വഭാവമഹിമയുമൊരുപോലൊരാൾക്ക്

****************

04/02/2021

****************

05/02/2021

ജീവിതം നന്നായ് നിയന്ത്രിക്കാ നായിടും  

ചേതമുണ്ടാകവേ വിശ്വസ്തനാ കുകിൽ,

സമ്പന്നനായിടേ ലാളിത്യം കാട്ടു കിൽ,

കുപിതനായീടേ മൂകനുമാകു കിൽ

06/02/2021

ഭൂമുഖത്തെല്ലാമനിത്യം, മനുഷ്യനും,

ഭാവവും, ചിന്തയും,രംഗവുമൊ ക്കെയും 

ഒഴിവാക്കിടൂബന്ധനങ്ങളെ ന്നിട്ടോ

ഒഴുക്കിനനുസരിച്ചിട്ട് ഗമിച്ചിടൂ

07/02/2021

മറക്കാം സമസ്യകൾ ജീവിത ത്തിന്റെ

മാർഗ്ഗേ ലഭിച്ചവ,എന്നാലൊരി ക്കലും 

മറന്നിടാപാഠങ്ങളൊന്നുമേയ ന്നാസ-

മസ്യകൾപഠിപ്പിച്ചുതന്നവനിങ്ങൾക്ക്

08/02/2021

സ്വപ്‌നങ്ങളില്ലേൽജീവിതമില്ല,വി-

ശ്വാസമില്ലെങ്കിലാശനിലച്ചിടും.

ശ്രദ്ധയില്ലെന്നാലിഷ്ടമില്ലാതാകും     

സ്വപ്‌നവുംകണ്ടുസുഖമായിജീവിക്കൂ

09/02/2021

ആദ്യമായ്ക്കാണവേ പേരക്കിടാ വിന്റെ

ആനനമാനന്ദത്തിരയിളക്കിയെന്നിൽ  

ആനന്ദമെന്നാലതെത്രയാണെന്നെനി-

ക്കാവില്ലചൊല്ലിപ്രതിഫലിപ്പിക്കു വാൻ

10/02/2021

എല്ലാമേ താൽക്കാലികം ജീവിതത്തിൽ

എന്നാലും നല്ലവയാസ്വദിക്കൂ നന്നായ്

എന്തെന്നാൽനല്ലവ എന്നുമു ണ്ടാവില്ല

എന്തേലുംനന്നല്ലേൽതാൽക്കാലികമതും

11/02/2021

ഋതുകൾക്കു നല്ലോരു കാരണ മുണ്ടാ-

മതുപോലെയാരുമേ നേരിടു മെല്ലാ 

സമസ്യയിലുമുണ്ടാമർത്ഥവ ത്താകും  

സന്ദേശമവരണ്ടുമുൾക്കൊള്ള വേണം

12/02/2021

ലോകംമുഴുവനുംനിങ്ങൾക്കെതിരായാ-

ലാകവേണ്ടീടാ തെല്ലുംനിരാശയ തിൽ 

മെല്ലേതിരിഞ്ഞൊരു'സെൽഫി'യെടുത്തിടൂ

എല്ലാരുംപിന്നിലുണ്ടെന്നതുകണ്ടിടാം

13/02/2021

ശക്തികിട്ടീടുകവിജയത്തിൽക്കൂടല്ല

ശക്തിലഭിച്ചിടുംപോരാട്ടത്തിൽക്കൂടി  

ശരിയായശക്തിയുണ്ടാകുംപ്രതികൂല

സാഹചര്യത്തിലുംകീഴടങ്ങില്ലെങ്കിൽ

14/02/2021

ശ്രമിച്ചിടാതോൽപ്പിക്കുവാനായാരെയും

ശ്രമിച്ചിടൂഎല്ലാവരേയുംജയിക്കാൻ

ചിരിച്ചിടാആരേയുംനോക്കികളിയായ്

ചരിച്ചിടൂമറ്റുള്ളവർക്കൊപ്പമെന്നാൽ

15/02/2021

ബുദ്ധിമാനാകുമൊരുവന്റെ ഹൃദയം

സാദൃശ്യമുള്ളതാകേണമാരാലുമേ

മലീമസമാക്കിടാത്തൊരു കണ്ണാടി പോൽ

 എല്ലാം പ്രതിഫലിക്കേണം നന്നാ യതിൽ

16/02/2021

തിരിഞ്ഞുനോക്കൂ നേടനുഭവ ജ്ഞാനം

നേരിട്ടുനോക്കീട്ടു,നേടിടൂ പ്രത്യാശ

നോക്കിടൂചുറ്റുമേ, കണ്ടിടൂ വാസ്തവം

നോക്കിടൂ ഉള്ളിൽ,സ്വയമറി ഞ്ഞീടുക

17/02/2021

അന്യരോടൊക്കെപ്പൊറുത്തിടാ,മവരത്

അർഹിച്ചിടുന്നതുകൊണ്ടല്ല,യെന്നാലോ

സമാധാനമെന്നതർഹിക്കുന്നു നിങ്ങൾ

സമാധാനമോടെ ജീവിച്ചിടൂ നിങ്ങൾ

18/02/2021

ബുദ്ധിമുട്ടുള്ളോരുകാര്യമാണെന്നാലും 

സാധ്യമാകുംപരിശ്ശീലിപ്പിച്ചീടുവാൻ

മനസ്സിനെ,യേതോരുസാഹചര്യത്തിലും  

മെച്ചമേതെന്നുതിരിച്ചറിയാനായി

19/02/2021

സ്വന്തം ശരീരത്തിൻ രോഗം ശമി പ്പിപ്പാൻ  

സ്വന്തം മനസ്സുതാനേറ്റവും ശക്തമാം

സാന്ത്വനഹേതുവതിനാലുറ പ്പോടെ,  

സന്തോഷവാനായിരിക്കുക യുത്തമം

20/02/2021

പ്രാധാന്യമുള്ളതിൽശ്രദ്ധപതിപ്പിക്കൂ,

പകർത്തിടൂനല്ലസമയമാകുമ്പോൾ 

വികസിപ്പിച്ചീടൂ ഇല്ലാത്തതിൽ നിന്ന്

വികലമായെന്നാൽ പകർത്തിടൂ വീണ്ടും

21/02/2021

കരുത്തിന്റെയേറ്റം ഉയരത്തി ലുള്ള

പരിധിയായീടുന്നു സഹനശക്തി

പ്രതികാരചിന്ത ബലഹീനതതൻ 

ആദ്യത്തെയടയാളമെന്നതും സത്യം!

22/02/2021

സന്തോഷകരമാമൊരു ജീവിത മെന്നത് 

സമസ്യകളില്ലാത്തയവസ്ഥയല്ല

കാര്യങ്ങളൊക്കെ സമചിത്തത യോടെ

കൈകാര്യം ചെയ്യുന്ന കഴിവുത ന്നാകും

23/02/2021

നന്നായിമനസ്സിനെവിശ്വസിപ്പിച്ചിടൂ 

തന്നുടെജീവിതംലക്ഷ്യബോധത്തൊടും,  വൈകാരികമായും,മാന്ത്രികതയോടും,  വിസ്മയമയമായുംജീവിച്ചുതീർക്കും

24/02/2021

കൈമാറുവാനും പകരാനുമാ കാത്ത

കാര്യമാണ് ഭാഗ്യമെന്നതതിനാൽ

പൊരുത്തപ്പെടൂ വാസ്തവികത യുമായ്

പ്രശ്നങ്ങൾക്കെല്ലാമേ ഉത്തരം കിട്ടില്ല

25/02/2021

ഓർമ്മശക്തിയും വാഗ്വിലാസവും    നർമ്മബോധവും ബുദ്ധികൂർ മ്മതേം

വാർദ്ധക്യത്തിൽ ചെറുപ്പമാകില്ല

ഹൃത്തിനെന്നാൽ ചെറുപ്പമാ യിടാം

26/02/2021

ജീവിതം ചായകൂട്ടുന്നതുപോ ലെയാം, 

ആവിയാക്കാംതിളപ്പി'ച്ചഹ'ത്തെ, യലി-

യിച്ചിടാം ഖേദമെന്നിട്ടു തെറ്റുകള-

രിച്ചുകളഞ്ഞാസ്വദിച്ചിടാം ധന്യത

27/02/2021

കൂടുതൽ കാണ്മതു,മധികം

വേദനി- ക്കുന്നതു,മതുപോലഭ്യസിക്കുന്നതും 

വിദ്യനേടീടുവാനുതകുന്ന മൂന്നു

വ്യത്യസ്തമായുള്ള മാർഗ്ഗങ്ങ- ളാകുന്നു

28/02/2021

അല്പമായുള്ളതിൽതൃപ്തിതോന്നീടുന്ന,

അല്പത്തമില്ലാത്തവ്യക്തികൾനന്നായി   

സ്വന്തംജീവിതമാസ്വദിച്ചീടുമൊരു

സന്തുഷ്ടിയുള്ളമനസ്സിന്നുടമയായ്

01/03/2021

പെരുമാറ്റത്തേക്കാൾ വലുതല്ല യറിവ്,

പരമാർത്ഥമെന്തെന്നാ,ലുണ്ടാകും സാഹ-

ചര്യങ്ങൾ,എവിടെയറിവ് തൊറ്റീ ടുന്നോ,

പെരുമാറ്റം വിജയം കാണുമവിടെ

02//03/2021

ആരാലുംശ്രദ്ധനേടുന്നതില്ലെങ്കിലും

കാര്യങ്ങൾചെയ്തിടൂനല്ലവയായവ

എത്രപേർ കാണുന്നുവെന്നതല്ല കാര്യം

എത്രനല്ലകാര്യം ചെയ്യുന്നുവെ ന്നതാം

03/03/2021

കൂടുതൽ ചെയ്യുവാനായി ശ്രമി ച്ചെന്നാൽ

കൂടുതൽ കൂടുതൽ ചെയ്യുവാ നായിടും

കൂടുതൽ തിരക്കിലേർപ്പെട്ടുവെ ന്നാലോ

കൂടുതൽ വിശ്രമസമയം ലഭിക്കും.

******************

04/03/2021

******************

05/03/2021

വിജയിക്കാനായിടുമൊരാൾക്കുതന്റെ 

വികാരത്തെമനസ്സടിപ്പെടുത്തുമ്പോൾ 

വിശുദ്ധമാംമനസ്സാക്ഷിയ്ക്കുടമയെ  

വിശ്വസിക്കാമയാൾസന്തുഷ്ടനാകുന്നു

06/03/2021

ജീവിതമെന്ന തുറന്നോരു പുസ്തകം

ജീവിച്ചിരിപ്പവർക്കെല്ലാർക്കുമുണ്ടാകും

നന്നായത് വായിച്ചുമനസ്സിലാ ക്കാനായ്

നാമെന്നുമപരനെ തെരയുക യാണ്

07/03/2021

അണ്ഡകടാഹമതിനുടെ യുള്ളിലെ 

അത്യന്തസുന്ദരമാകും വിഭവങ്ങൾ

അവനിയിലുള്ള ജീവജാല ങ്ങൾക്കു   

അനുഭവിക്കാനായ് തുറന്നിട്ടിരി ക്കുന്നു

08/03/2021

ശസ്ത്രക്രിയതുല്യമീ ജീവിതം,രോഗം

ശമിച്ചിടും വേദനിച്ചെന്നാലും,

പൊളിയൊരു വേദനസംഹാരി,പെട്ടെന്ന്

പരിഹാരം, പാർശ്വ ഫലം പിറകേയും

09/03/2021

അന്തസ്സെന്നാൽ യശ്ശസ്സെന്നർ ത്ഥമാവില്ല

അതിനർഹരാണെന്നറിയേണം  നമ്മൾ

അത്യാസക്തൻ എതിർപ്പുനേരി ട്ടാൽ പരി-

വർത്തനപ്പെടാതേ രോഷം കൊ ള്ളും !

10/03/2021

ഇരട്ടി നടന്നിട്ട് പകുതിഭക്ഷിക്കൂ ,

ചിരിക്കണം ദിവസ്സേന മൂന്നു  മടങ്ങ്,

അളവില്ലാതെ പകരുക സ്നേ ഹവും 

അതുതന്നെയാം നല്ല ജീവര ഹസ്യം

11/03/2021

നീറും മനസ്സിന്റെ കാണാപ്പുറങ്ങളിൽ

കോറിയ വരികൾതന്നിടയിലൂടെ

വായിക്കുവാനായ് മിഴികൾ പരതുകിൽ 

പോയ കാലത്തിൻ കഥയറിഞ്ഞീടുമോ!

12/03/2021

കേമത്തം തദ്ദേശമാകാം പലരുടേം,

കാര്യമവരുടെ കൂട്ടുകാരൽപ്പരാം!

കഴുകന്റെകണ്ണുമായ്നോക്കുന്നെല്ലാരും!

കുറവന്യനുണ്ടോന്ന്തെരയുന്നെല്ലാരും!

13/03/2021

തെറ്റുകളാവർത്തിക്കാതെയിരിക്കുക

തിരുകിവച്ചീടവ കാൽക്കീഴിലായിട്ട് 

ചവിട്ട് കല്ലുപോലവയുപയോഗിച്ചി-

ട്ടവയ്ക്കുമതീതമായിട്ടു മാറീടൂ

14/03/2021

പുഞ്ചിരിയെപ്പോഴും ഭൂഷണ മാക്കണം

പുതുക്കിയെടുക്കുമത് മനോഭാവത്തെ

പിരിമുറുക്കങ്ങളെ ശാന്തമാക്കീടും 

പിന്തുണച്ചീടുമത് പ്രത്യാശബോധത്തെ

15/03/2021

തരളിത മനസ്സിലെ തിരകളി-

ലൊരുലയമലയുവതെന്തിനാണോ?

കനവുകളിൽനിന്നറിയാതുതിർന്ന

നിനവിന്നിതളുകൾതിരയുക യാവാം

16/03/2021

ഖേദമുണ്ടാക്കുന്ന കാര്യം മറക്കൂസു-

ഖകരമാകും നിമിഷങ്ങളോർ ത്തിടൂ

മറക്കൂ, പോയകാലത്തെ ദുരി തങ്ങൾ

മുന്നിൽവരുന്നോരനുഗ്രഹം നേടിടൂ

17/03/2021

വികാരങ്ങളുണ്ടാകും ഹൃദയ ത്തിൽ നിന്നും

വളർന്നീടുമവ പ്രതികരിച്ചാ,ല-

വഗണിച്ചെന്നാലോ മരിച്ചു പോയീടും 

വണങ്ങിയെന്നാലെന്നുമൊപ്പമുണ്ടാകും

*************

18/03/2021

*************

19/03/2021

അധികമായെന്തിനേലുംനിയന്ത്രിക്കിൽ  

അതുനിങ്ങളെനിയന്ത്രിച്ചിടുംനൂനം   

സ്വതന്ത്രനായീടൂഅവയിൽനിന്നൊക്കെ 

സ്വാഭാവികമായ്നടക്കട്ടെയെല്ലാമേ

20/03/2021

ചൊദിച്ചു സ്നേഹം വാങ്ങുവതാ ണുചിതം 

ചോദിക്കാതെകൊടുത്തീടുകി ലുത്തമം

അറിവിന്റെ നിറകുടം നിങ്ങ ളെങ്കിൽ

അന്യർ പകരട്ടെ ദീപമതിൽ നിന്നും

21/03/2021

പര്യാലോചനകളാവശ്യമാകുവത്  

ശരിയെന്തെന്നതറിയുവാനായിടും 

ശരിയാരെന്നതറിയുവാൻ വാദവും,

പര്യാലോചനകളതിനാലുത്തമം

22/03/2021

തീരുമാനം, ജയിക്കാൻ ശക്തമല്ലെങ്കിൽ 

തോൽവിയുറപ്പായിടുമെന്നതറിയൂ

നിലനിർത്തിടൂ ആശ എന്നുമെപ്പോഴും  

നിരാശയെന്നതു കൈവിട്ടുകളയൂ

23/03/2021

ഓരോ നിമിഷവുമാസ്വദിച്ചീടുക

അരുത് ദേഷ്യവും സങ്കടവു മെന്തെന്നാൽ

ഒരോ  മിനിറ്റിലേം സങ്കടം നിങ്ങൾതൻ 

അറുപത് സെക്കന്റിന്നാഹ്ലാദ നഷ്ടമാം 

24/03/2021

നമ്മുടെ സമ്മർദ്ദവും മനഃക്ലേശവും

നമ്മുടെ വിസമ്മതമനോഭാവവും   

തോൽവിതൻഭീതിയും മൂല,മതുമാറ്റാൻ

നിലപാട് മാറ്റിയക്ഷോഭ്യത പാലിക്കൂ.

25/03/2021

നല്ലത് മാത്രം കാണുന്ന നയനങ്ങളും  

നീചത്വമൊക്കെ പൊറുക്കും ഹൃദയവും 

നിഷേധാല്മകത മറക്കും മനസ്സും

നിങ്ങൾക്കുണ്ടെങ്കിലനുഗ്രഹ ജന്മമാം

26/03/2021

മനഃസ്സമാധാനമെന്നുമുണ്ടാകേണ-

മെന്നതിനപ്പുറമില്ല വേറേ ധനം

ജീവിതം ദുരുപയോഗപ്പെടു ത്തുകിൽ

കേവലം ദുരിതമയമായത് മാറും

27/03/2021

മറക്കൂ ഖേദമുണ്ടാക്കിടും കാര്യങ്ങൾ

ഓർക്കൂ സന്തോഷദായക നിമിഷങ്ങൾ  

ദുരിതങ്ങൾ, കഴിഞ്ഞ് പോയവ, മറക്കൂ

വരുമോരനുഗ്രഹങ്ങൾ സ്വീകരിക്കൂ

28/03/2021

ജിജ്ഞാസയെന്നതാം ഏകാഗ്ര തയുടെ

ജന്മത്തിനായുള്ളൊരു കാരണ മെന്നത് 

അതുപോലുണ്ടാകുംഓർമ്മതൻജന്മവും

അന്യൂനമാകുമേകാഗ്രതയുണ്ടെങ്കിൽ

29/03/2021

മിന്നാമിനുങ്ങിന്നുവെട്ടംപകർന്നതു 

മിന്നുന്ന താരകളാണോ?ചൊല്ലീടുക  

മിന്നിത്തിളങ്ങുന്നപൂന്തിങ്കളാകുമോ?

മിന്നുന്ന കൊള്ളിമീനാണോ?പറയുവിൻ

30/03/2021

മൂളുന്ന വണ്ടിന്നു സ്വരമേകി യതാര്? 

മൂങ്ങയ്ക്കു മൂളുവാൻ ലയമേകി യതാര്? 

മൂവന്തി നേരത്തീയാകാശ വീഥിയിൽ 

മൂശേന്ന് തീക്കനലുകളാരേ വിതറി?

31/03/2021

മംഗല്യസൂത്രമില്ലാതെ നടക്കുന്ന 

മംഗല്യത്തിന്റെ പേരെന്തെന്നു ചൊല്ലാമോ?

മംഗള കർമ്മം നടക്കുന്ന വേളയിൽ 

മംഗളശബ്ദം മുഴക്കുവതെ ന്താകാം ?

01/04/2021

മ്ലാവിൻ്റെരൂപത്തിലെത്തിശ്രീരാമനെ

മ്ലാനത്തിലാക്കിയോരസുരനാരാകും? 

മ്ലാനാംഗിമന്ദിരേധ്യാനിച്ചിടുകിലത്  

മ്ലേച്ഛമായ്കരുതുന്നമാമലയേതാണ്

02/04/2021

മൃത്യുവിൻ രൂപത്തിലെത്തുന്ന കാലനു   

മൃഗമാമൊരു വാഹനം നൽകി യതാര്? 

മൃതനാം രാമസഹജനെ രക്ഷിക്കാൻ 

മൃതസഞ്ജീവനീമലയാരെത്തിച്ചു

03/04/2021

മാരിവില്ലിന്നേഴു നിറമാരു നല്കീ? 

മാരിക്കാറോ സൂര്യരശ്മിയോ, രണ്ടുമോ?

മാമലയ്ക്ക് മഞ്ഞിൻപുടവയാരേ നല്കീ?

മാലാഖമാരാണോ, നീരാവിയാ കുമോ?

04/04/2021

മേചകപ്പീലിക്കിരീടം ധരിക്കുന്ന 

മേനി കറുത്തയൊരു യാദവ നാരാണ് 

മേനകപുത്രിയെ പ്രണയിച്ച രാജന്ന് 

മേൽക്കുമേൽമറവികൊടുത്തതെന്താകാം

*************

05/04/2021

*************

06/04/2021

മഹിയിലെ ജീവജാലങ്ങൾക്ക ശേഷം 

മനമറിഞ്ഞാരെ തുടിപ്പു നൽ കിയത് ?

മനുഷ്യനെ സൃഷ്ടിച്ച ഈശ്വരാ നാണോ

മനുജൻ്റെ 'തത്വം' 'പരിണാമ' മാണോ?

07/04/2021

മുകിലിന്ന് തൂവെള്ള നിറമേകിയ താര്? 

മുകളിലെ വാനമോ സൂര്യകിര ണമോ ? 

മുകിലിന്നു ശ്യാമ നിറമാരു നല്കീ?

മുകളിലെ ഭൗമമോ നീരാവിയോ ചൊൽ.

*****************

08/04/2021

*****************

09/04/2021

മെത്തേക്കിടത്തിയാൽ താഴേയ്ക്കിഴയുന്ന

മെരുകാത്തൊരു ജന്തുവിൻപേരെന്താണ്?

മെലിഞ്ഞാലെരുത്തിലിൽ കെട്ടുവാനാകാത്ത 

മെയ്യൊതുങ്ങീടാത്തൊരു ജന്തുവേതാകാം

10/04/2021

മോരിൻ്റെപുളിപോയാലാരുചാകേണം?  

മോഹിപ്പിച്ചീടുംമരീചികയെവിടെ?

മോഹിപ്പിക്കാനായിട്ടാടിത്തകർക്കുവാൻ 

മോഹിനിതൻ വേഷംധരിച്ചതാരാരുന്നു?

11/04/2021

മൊട്ടാകുമാമ്പലിനെ തൊട്ടു ണർത്തുന്ന

മൊഞ്ചുള്ളൊരു താരകരാജാ വാരാകും?

മൊഞ്ചുള്ള താജ്മഹൽ  പണി കഴിപ്പിച്ച

മൊഗൾവംശ രാജാധിരാജ നാരാകും ?

12/04/2021

മൗനവ്രതംപൂണ്ടവിശ്വാമിത്രന്നുടെ 

മൗനം ഭേദിക്കുവാൻ നടനമാരാടി? 

മൗക്തികം തന്നുടെയുള്ളിലൊളിപ്പിച്ചു 

മൗനവുമായിക്കഴിയുന്നതെന്താകും?

13/04/2021

ഉപധാനം പോലെയാം നല്ലബ ന്ധങ്ങൾ

കോപമിടിച്ച് തീർക്കാം,വിശ്രമിയ്ക്കാം

സങ്കടക്കണ്ണീർ കുടിക്കുമത് നമ്മുടെ,

സന്തോഷം വന്നാലോ കെട്ടിപ്പിടിച്ചിടാം

14/04/2021

മീനിൻ്റെയാകൃതിക്കണ്ണുള്ള പെണ്ണിന്ന് 

'മീനാക്ഷി'യെന്നുള്ളൊരുപേരാരു നല്കീ?

മീനാക്ഷിതന്നുടെയമ്മയോ താതനോ?

മീമാംസകന്മാരോ കവിശ്രേഷ്ഠരാണോ

15/04/2021 

കണികാണാനായിട്ടതിരാവിലെത-

ന്നുണരുവാനായന്നുറങ്ങാനായ്പോകെ 

കണികണ്ടിട്ടച്ഛൻ തരുവാൻപോകുമാ 

അണതൻ തുട്ടുകൾ മനസ്സിൽ കണ്ടിടും

16/04/2021

മൈഥിലൻ സ്ഥാപിച്ചൊരു വൻ വില്ലൊടിച്ചിട്ട് 

മൈഥിലിയെ വേട്ട കുമാരനാരാകും?

മൈത്രൻ സുദാമാവിൻ കാലു കഴുകീട്ടു

മൈത്രിപുതുക്കിയ സഹപാഠിയാരാണ്?

17/04/2021

ചിരിക്കുംമുഖവുമായെതിരേവരുംപണ്ട് 

പരിചയമുള്ളൊരുമില്ലാത്തവർ പോലും !  

കണ്ടാലുമറിയില്ലാഭാവത്തിൽനോക്കാതെ 

മിണ്ടാതെയകലുന്നോരയൽവാസിയാണിന്ന്

18/04/2021

അല്പമായ് മാത്രം പഠിച്ചുവെന്നാ കിലും

അധികമറിവു ലഭിച്ചതായ് തോന്നും

അധികപഠനം നടത്തിയെ ന്നാലോ 

അൽപ്പമേയറിയൂ എന്നതറി വാകും

19/04/2021

മലയോരസുന്ദരഗ്രാമം പെണ്ടെൻ ഗ്രാമം

മലദേവതകാത്തോരുശാലീന ഗ്രാമം

മരമാകെവെട്ടി മലയിന്നവിടില്ല     

മരമെന്ത് മലയെന്തെന്നറിയാത്ത ഗ്രാമം!

20/04/2021

വന്നൂപുരോഗതിയൊരുപാടെൻഗ്രാമത്തി-

നെന്നാലോഇന്നില്ലാശാലീനതപണ്ടത്തെ

വരുമത് തിരികേയെന്നുറപ്പില്ല തെല്ലും 

വരണമേയെന്നുഞാനെത്രയാശിച്ചാലും

21/04/2021

വിധി നിങ്ങൾതന്നിച്ഛാശക്തി മാനിയ്ക്കും

വിപത്തിൽ കരഞ്ഞാലതിര ട്ടിയാകും 

വിഷമം വരുമ്പോൾ ചിരിച്ചീടു കിലോ

വിധിയപ്രത്യക്ഷമാകും കുമിള പോൽ

22/04/2021.

ആകാശ സീമയിൽ നീരാവി തന്നുടെ

ആകാരം മാറി കാർമേഘമാ യീടവേ  

ആനന്ദമോടെ മഴയെ വരവേൽ ക്കാൻ 

 ആടീ മയൂരങ്ങളുന്മാദ നൃത്തവും

23/04/2021

മനുജന്നുശ്രേണിമൂന്നാണെന്നറിയൂ!

മുന്നോട്ട്പടിപടിയായുയരുന്നോരും,

കുറ്റിയടിച്ചൊരിടത്തുതങ്ങുന്നോരും 

കണ്ടിരിക്കെപ്പിറകോട്ടടിക്കുന്നോരും

24/04/2021

നിശ്ശബ്ദതയുമതുപോലെ പുഞ്ചിരീം 

നിസ്സംശയം രണ്ടു ഈടുറ്റ വാക്കുകൾ

നിശ്ശബ്ദത കലഹത്തെയൊ ഴിവാക്കും 

നിസ്സാരമാക്കും കലഹത്തെ പുഞ്ചിരി

25/04/2021

നമ്മൾക്കുസന്തോഷമേകുന്നവരോടു 

നന്ദിതോന്നീടണമെന്തെന്നാലവരാണ്

നമ്മുടെയാത്മാവ് വിടർന്നുa വിലസുവാൻ   

നന്നായിപ്പൂന്തോട്ടം നട്ടുനനപ്പവർ

26/04/2021

ചുണ്ടുകൾരണ്ടുംമലർക്കെത്തുറക്കുന്ന  ചിരിയു,മതുപോലുള്ളിന്റെയുള്ളിലെ

മുത്തുമാത്മാവുമൊരുമിച്ചു കാട്ടുന്ന

ചിത്തവുമാണെനിക്കധിക മായിഷ്ടം

27/04/2021

പുതിയത് പഴയതാക്കീടുന്നു കാലം  

പഴയത് പുതിയതാക്കാനായി മർത്യൻ

സ്വയമിടപെടുകയേ മാർഗ്ഗ മുള്ളു 

സ്വയംനവീകരണം വ്യക്തി തൻ ശക്തി

28/04/2021

നിശ്ശബ്ദതപോലും,വിശ്വാസമുണ്ടെങ്കിൽ

നന്നായ്മനസ്സിലാക്കപ്പെടുംനിശ്ചയം

വിശ്വാസമില്ലെങ്കിലെന്തുപറഞ്ഞാലും

വല്ലാതെതെറ്റിദ്ധരിക്കപ്പെടുംനൂനം

29/04/2021

നേരായ ബന്ധങ്ങൾ ജലതുല്യ മാകും

നോക്കുകിൽ നിറമില്ല, മണവു മില്ല,

ആകാരവുമില്ല രുചിയുമില്ലെ ന്നാൽ

ആ ബന്ധങ്ങളെന്നും ജീവിത ഗന്ധികൾ

30/04/2021

'മനുഷ്യാനീമണ്ണാകു'ന്നെന്നാപ്തവാക്യം! 

മണ്ണിലേയ്ക്കുമടങ്ങീടണമെല്ലാരും 

അങ്ങനെയെല്ലാവരുംചിന്തിച്ചീടുകിൽ

അഹന്തരോഷാദികളെന്തിന്കാട്ടണം?

***************

01/05/2021

***************

02/05/2021

ഒരുചെറിയപദമാകാംവിശ്വാസമെന്നത്

ഒരുപാടുൽകൃഷ്ടമാംധ്വനികളുണ്ടതിന് 

വിശ്വാസത്തിൽനമുക്കവിശ്വാസവുമ-

വിശ്വാസത്തിൽനല്ലവിശ്വാസവുമാണിന്ന്

03/05/2021

എന്തായാലുമിനിയിക്കൊറോണ

             തിരികെപ്പോകുന്നതിന്നു മുൻപ് 

സന്താപത്തിന്റെയിരുണ്ട നിഴൽ

             വിരിക്കാതിരിക്കില്ല നൂനം 

ചിന്തിച്ചീടുകിലില്ലയന്ത്യ,മതിനാ-      

            ലാരും ശ്രമിച്ചിടേണ്ടാ, 

എന്തിന്നു വെറുതേ മനമുരുക്കി-

            യുഴറേണമിന്നു നമ്മൾ!

04/05/2021

വാക്കുകൾതൻശക്തിയെത്രയപാരമാം!

വാക്കിന്റെ മൂർച്ചയിൽ മനസ്സു മുറിയും

വാക്ക്നന്നായാലുണങ്ങുംമുറിവതിനാൽ 

വാക്കുകൾ സൂക്ഷിച്ചുപയോഗി ക്കവേണം

05/05/2021

ബധിരർക്കു കേൾക്കാം ദയയെന്ന ഭാഷ

അന്ധർക്കുമതുപോലെയാഭാഷകാണാം.

മറ്റുള്ളവരിലെയഴക് വെളി വാക്കും   

മർത്യനാണേറ്റവുമഴകുള്ള വ്യക്തി

06/05/2021

വേറിട്ടതാകാമോരോദിവസ്സവുമ-

വ്വിധമായിടാംചിന്തിക്കുവതെല്ലാരും    

ഓരോനിമിഷവുമെന്നെന്നത്തേക്കുമായ്  ഓർമ്മിച്ചുവച്ചിടാമങ്ങനെതോന്നിയാൽ!

07/05/2021

എവിടെയായാലും ദയാവാനായിടൂ

എവിടിരുട്ടുണ്ടോ  വെളിച്ചമേകീടൂ

ജീവിതം സന്തോഷപ്രദവും രസക-

രവുമാക്കീടുക പോകുന്നിട ത്തെല്ലാം

08/05/2021

ഒരു സുന്ദരനാകാമോരോ നരനും

ഒരു മാത്രയാവിധം നമ്മൾ ചിന്തിക്കിൽ

ചിന്തിക്ക വേണ്ടിടും പ്രായോഗി കമായി

എന്തുവന്നാലുമതു നേരിടാനായി

09/05/2021

ഒരു കാരണം കാണാമെന്ത് നടക്കാനും  

ഒരു നാളെല്ലാമേപൂർണ്ണതയി ലെത്താം 

ഇന്നുകണ്ണീരിലൂടതിനാൽച്ചിരിക്കാം  ഇന്നത്തെയമളികളോർത്തും ചിരിക്കാം

10/05/2021

അറിയില്ലേതു കാൽവയ്പ്പാ യിരിക്കാം 

അറിയാതെ ജീവിതംമാറ്റിമ റിക്കുക

മുന്നോട്ട് പോകയതിനാൽ, സന്തോഷവു-

മനുഗ്രഹോമെത്താം നിനച്ചിരി യാതെ

11/05/2021

കൃത്യതയെന്നത് ചെറിയകാര്യ ത്തിലും

സംതൃപ്തിയുളവാക്കുമെന്നതറിക 

ഉൽസുകനെങ്കിലോകണ്ടെത്തിടുംമാർഗ്ഗം

ഇല്ലെങ്കിലോ സ്വയമുണ്ടാക്കിടു മവൻ

12/05/2021

സന്ദേശമെന്നതില്ലാതെയൊ രിക്കലും

ബന്ധങ്ങളുണ്ടാകയില്ലെന്നത റിയൂ 

ബഹുമാനമില്ലയോ സ്നേഹ വുമില്ല,

ബന്ധം തുടരില്ല വിശ്വാസമി ല്ലെങ്കിൽ!

13/05/2021

നിശ്ശബ്ദതയും ക്ഷമ‌യുമൊരു പോലെ 

നിസ്സംശയം രണ്ടു ഊർജ്ജത്തി നുറവിടം 

നിശ്ശബ്ദത ബുദ്ധിപരമാമൂർ ജ്ജവും

നിസ്തുലമാം ക്ഷമ വികാര പരവും

14/05/2021

ഒരു ദിവസത്തിനു മാറ്റമുണ്ടാ ക്കാൻ 

ഒരു നിമിഷം മതി, ഒരു ജീവിതം

മാറ്റിമറിക്കാനൊരു ദിനവും, ലോകം

മാറ്റിമറിക്കാനൊരു ജീവിതോം മതി!

15/05/2021

സാഹചര്യങ്ങളെ മാറ്റിയെടു ക്കുവാൻ

സാധിക്കയില്ലയാരാധന യ്ക്കെപ്പോഴും

മാറ്റിടാമെന്നാലതു മനോഭാ വത്തെ

മാറ്റാമതുവഴി ജീവിതം തന്നെയും.

16/05/2021

വഴിവിളക്കൊപ്പംനന്മകാംക്ഷി പ്പവർ!

വഴിയുടെദൂരം കുറയ്ക്കാന വർക്കാ-

വില്ലയെന്നാലോ പ്രകാശംതെ ളിയിച്ചു   

വഴിയാത്രനമ്മുടെ സുഖകര മാക്കും!

17/05/2021

എത്തുക നമ്മുടെ ലക്ഷ്യത്തി ലെന്നതു

മാത്രമായ്ക്കൂടാ പ്രയാസമേറും ജയം   

ജയിക്കണം നമ്മുടെ ക്ഷമ യെയെന്ന-

തായിരിക്കേണം പ്രയാസമേറും ജയം!

18/05/2021

ചിറകുവിരിച്ചാലേയറിയാനാകൂ

പറക്കുവാനാകുവതെത്ര കാതമെന്ന്.

സ്വയമറികയല്ല, ജീവിതമെന്നത്

സ്വയം സൃഷ്ടിക്കുകയെന്ന താകേണം

19/05/2021

ഇന്നലെ സാധ്യമാകാതെയി രുന്നവ

ഇന്നു നെടീടുക സാധ്യമായ് മാറിടാം

നിരവധി തോൽവികളുണ്ടാ യീടിലും

പരാജയപ്പെടില്ലാ എന്നുറപ്പാക്കൂ

20/05/2021

പാഴ്ക്കടലാസ്സിനു തുല്യമിന്ന ലെകൾ 

പത്രമിന്നത്തേതുപോൽ വർത്തമാനം

ഭാവിയോ ചോദ്യക്കടലാസ്സിനു തുല്യം

ജീവിതം 'ടിഷ്യൂ'ക്കടലാസ്സു പോലാക്കാ

21/05/2021

ബന്ധം നന്നാകുവാനാവശ്യ മാവുക

ചന്തമേറും മുഖവും ശബ്ദവുമല്ല   

ചന്തമേറുമൊരു ഹൃദയവും പിന്നെ 

അന്തമില്ലാത്ത വിശ്വാസ്യതയു മാകും

22/05/2021

മാറ്റിവച്ചീടുന്ന ഓരോ കർമ്മ ത്തിനു-

മേറെ പുതിയ കർമ്മങ്ങൾ പിന്നേ വരും

പ്രശ്നങ്ങൾ നിങ്ങളെ ഉന്താതി രിക്കട്ടെ 

പകരം  നയിക്കട്ടെയവനിങ്ങളെ

23/05/2021

ഒരു മായാജാലമാം സൗഹൃദ മെന്നത് 

ഒരു ഛായയാതു നിന്നിടും വേനലിൽ

നാമറിയാതത്  കുടയായി മാറിടും 

നല്ലോരു മഴ വന്നാൽ, സംശ യമില്ല

24/05/2021

ചിന്തകളൊക്കെത്തനിയെയിരിക്കെനി-

യന്ത്രിക്കവേണ്ടിടു,മതുപോലെതന്നെ  

അന്യരുമായിട്ടടുത്തു കഴിയു മ്പോൾ

അരുതാത്ത വാക്കുമൊഴിവാക്ക വേണം

25/05/2021

മിതത്വമില്ലാത്തകാര്യങ്ങൾക്കൊന്നുമ-

ടിത്തറയുറപ്പുള്ളതായിരിക്കില്ല

വീട്ടുകാര്യങ്ങളുറപ്പുള്ളവയാണോ    

വെളിയിലെ ലോകം സുന്ദരമാ യ്തോന്നാം

26/05/2021

സമാധാനമെപ്പോഴും രൂപപ്പെ ടുക-

യാത്മാവിലായീടുമെന്നതറിയണം 

തിരിച്ചറിഞ്ഞീടാതെയാപരമാർത്ഥം

തിരയുകിൽ കിട്ടീടുമോ സമാ ധാനം

27/05/2021

സാഹചര്യങ്ങളെയോർത്തുപിന്മാറിയാൽ 

സാക്ഷാൽക്കരിക്കുവാനാകുമോ സ്വപ്‌നങ്ങൾ?

സ്വന്തംകഴിവിൽ വിശ്വാസമർ പ്പിച്ചിടൂ

സാഹചര്യങ്ങളെയതിജീവിച്ചീടൂ

28/05/2021

സ്വന്തം ദുഖങ്ങളെയോർത്തു തപിച്ചാൽ 

സന്തോഷത്തോടെയിരിക്കുവാനാകുമോ ?

നേടിയയോരോ അനുഗ്രഹവു മോർത്തു

നോക്കി സന്തോഷിക്കൂ ദുഃഖം മറന്നിടൂ

************

29/05/2021

*************

30/05/2021

നന്നാണുവഴിയെന്നുതോന്നുന്നുവെങ്കിൽ 

അന്വേഷിച്ചീടുകതെവിടേയ്ക്കു പോകും

എത്തേണ്ട സ്ഥലമാണേറെ നന്നെങ്കിലോ  ചിന്തിക്കവേണ്ടേറെ, തുടരൂ നടത്തം

31/05/2021

നല്ലവർക്കും കൊടുക്കേണം പ്രാധാന്യം 

നമ്മുടെ ഹൃദയമിടിപ്പു‌പോൽ തന്നെ

നിശ്ശബ്ദമായ്തന്നവരുടെ തുണയും  

നമ്മുടെ ജീവിതത്തിൽ ലഭ്യമായ് വരാം

01/06/2021

ജീവിതം നാമാഗ്രഹിക്കുമ്പോ ലല്ലേലും  

ജീവിച്ചിടുന്നു  കഴിവതും നന്നായി 

സാധ്യമാകാ കുറ്റമറ്റോരു ജീവിതം

സാധ്യമാക്കാമെന്നാൽ നല്ല നിമിഷങ്ങൾ

02/06/2021

ബാല്യത്തിലെല്ലാരുമെന്നോടു ചോദിച്ചു

"വല്യ'താകേയാരെപ്പോലെയായീടണം?"

'വല്യ'താകേയാണുത്തരം കിട്ടിയ,താ  

ബാല്യകാലമെനിക്കു വേണം തിരികെ

03/06/2021

എന്താണുണ്ടാകുകയടുത്ത നിമിഷ- 

മെന്നതാർക്കുമേ പ്രവചിക്കാ നായിടാ

പോകുന്നു മുന്നോട്ടുതന്നെ നാമെങ്കിലും 

പ്രത്യാശയുംവിശ്വാസവുമൊ പ്പമർപ്പിച്ച്

04/06/2021

സൗഹൃദത്തിന്റെ പ്രകാശമെല്ലാ യ്പ്പോഴും

അഭ്രത്തിളക്കത്തിനു തുല്യ മായിടും   

പ്രകാശം ചൊരിഞ്ഞുകൊണ്ടി രിക്കും ചുറ്റു-

പാടുമിരുൾ മൂടിക്കിടന്നി രുന്നാലും

05/06/2021

ദുഖങ്ങളൊക്കെയും സഹനീ യമാക്കി

ധൈര്യസമേതം മുന്നേറാൻ കഴിയുന്ന

വ്യക്തികളായിരിക്കേണമീ ഭൂമിയിൽ  

മുക്തകണ്ഠം പ്രശംസിക്കപ്പെ ടേണ്ടവർ

06/06/2021

നല്ല സുഹൃത്തുക്കളന്യോന്യം കാട്ടിടും

നല്ലയവധാനതയും വിശ്വാസവും 

എക്കാലവുമവ കാത്തുസൂ ക്ഷിപ്പവർ

ഏറ്റവും നല്ലസുഹൃത്തുക്ക ളായിടും

07/06/2021

അന്യരെന്നെപ്പറ്റിപ്പറയുന്നതൊക്കെ

ഞാനെന്തിനു  കാര്യമാക്കീട വേണം!

എന്നെപ്പറ്റി ഞാൻസ്വയംപറ യുന്നതും

എന്റെ കർമ്മങ്ങളുമാണെന്നെ ബാധിക്ക!

08/06/2021

ചെറിയൊരാലിംഗനം കണ്ണീരു ണക്കും

ചെറുമെഴുതിരിയുമിരുട്ടകറ്റും

ചെറിയയോർമ്മയുമാണ്ടുകൾ താണ്ടിടും

ചെറിയവയേറെ സന്തോഷ മേകീടും

*****************

09/06/2021

*****************

10/06/2021

സുഹൃത്തുക്കളവരുടെയോരോ തെറ്റും

സഹിഷ്ണുതയോടെയന്യോന്യമറിഞ്ഞു

സന്മനോഭാവേന പൊറുക്കാതി രുന്നാൽ

സൗഹൃദം നീണ്ടകാലം നില നിന്നിടാ

11/06/2021

സമ്പത്തു മൂലമോ രൂപത്തിൽ ക്കൂടെയോ

സൗന്ദര്യം മൂലമോ ഭാവത്തിൽ ക്കൂടെയോ

ആവില്ലയാർക്കും വലിയവ നായിടാൻ

ആകുമെന്നാലോ മനസ്സിന്റെ നന്മയാൽ

12/06/2021

വിരലുകളൊന്നുപോലല്ലെങ്കിലുമ-

വമടക്കുമ്പോളൊന്നുപോലാകു ന്നില്ലേ 

അതുപോലനായാസമാക്കാം ജീവിതം

അല്പസ്വൽപ്പം ക്രമീകരണം നടത്തി

13/06/2021

'ഞാൻ കണ്ടപലരേം' ഹൃദയം സൂക്ഷിപ്പ-

തിൻകാരണമെന്തെന്നു കണ്ണുചോദിച്ചു  

നിനക്കുമനോഹരദൃശ്യങ്ങൾ മുഖ്യ-

മെനിക്ക് മുഖ്യംനല്ലബന്ധ, മോതീഹൃദയം

14/06/2021

തുഴവള്ളംനിങ്ങൾക്കായ് കാത്തു നിന്നില്ലേൽ

താനേതുഴഞ്ഞുപോകൂ ഇരുകൈകളാൽ  

താണുപോയീടാതെനോക്കിത്തുഴയണം 

തോർത്താനൊരുമുണ്ടുതലേൽ കെട്ടിക്കോളൂ

15/06/2021

ജീവിതത്തിലെയോരോരോനിമിഷവും 

ഭാവിയ്ക്കായ്കാത്തു വക്കാതാ സ്വദിച്ചിടൂ

കരുതിസൂക്ഷിക്കും നിമിഷങ്ങ ളൊക്കെ   

തിരികെ ലഭിക്കാനൊരു വഴീമില്ല

16/06/2021

ഏറ്റവുംനല്ലസമ്മാനമാരോഗ്യമാം 

ഏറ്റവും വലിയ സമ്പത്ത് സന്തുഷ്ടിയും 

വിശ്വസ്ഥതയേറ്റവും നല്ല ബന്ധവും

വിദ്യയഭ്യുന്നതിയ്ക്കായുള്ള മന്ത്രവും

17/06/2021

ജീവിതമത്ഭുതങ്ങൾ നിറയും മഹാ-

കവിതാ പുസ്തകം പോലെ ന്നതറിയൂ

താളുകളെത്ര മറിച്ചുനോ ക്കീടിലും

നാളെയെന്തെന്നതറിയാൻ കഴിയൊലാ

18/06/2021

കുറച്ചുനാൾനാമൊന്നുമാറിനിന്നെന്നാൽ 

മറന്നുപോകുന്നോർക്കിടയിലുണ്ടാകും

നമ്മളെ തിരഞ്ഞിറങ്ങുന്ന ചിലരും

നിഴൽപോലെയവരെ കൂടെക്കൂ ട്ടീടാം

19/06/2021

നിങ്ങളുടെവിശ്വാസംയാഥാർത്ഥ്യമെന്ന്സു-

നിശ്ചിതമാക്കുകമാത്രംപോരെന്നാലോ 

പാലിക്കണംസംശയത്തിൽനിന്നകലം,

പേടിയിൽനിന്നുംവേർപെട്ടുനിന്നീടണം

20/06/2021

സ്വത്തുപയോഗിച്ചീടവേ മനുഷ്യനെ

സ്നേഹിക്കുകയാണുവേണ്ടതെന്നറിയൂ 

മറിച്ചുകാര്യങ്ങൾ നടക്കുന്നു വെങ്കിൽ

മനുഷ്യർക്കിടയിലുണ്ടാകും പ്രശ്നങ്ങൾ

21/06/2021

നിരീക്ഷിക്കുവാനും പരിഹരി ക്കാനും

പരീക്ഷിച്ചു വിജയം കൈവരി ക്കാനും

വിരുതുള്ളയാരും ചാഞ്ചല്യമി ല്ലാത്ത  

ഒരുനല്ല പ്രതിഭാശാലിയായ് മാറും

22/06/2021

ശീലിക്കൂസംസാരരീതിമറ്റുള്ളവർ

ശ്രദ്ധിച്ചിടുംവിധംനിങ്ങളെനന്നായി

ശ്രവിക്കൂനാന്നായിമറ്റുള്ളോരെ,യവർ  

ശ്രമിക്കുംവിധംനിങ്ങളേയുംശ്രവിക്കാൻ

23/06/2021

വെറുമൊരു ശേഖരമാകരു തേറെ   

വ്യക്തിബന്ധങ്ങൾ പകരമെല്ലാ വരേം 

ചേർത്തുനിറുത്തീടൂ ഹൃദയത്തി നൊപ്പം

ജീവിതാന്ത്യംവരെ, നേട്ടമുണ്ടാ യിടാൻ

24/06/2021

പിശകുകൾ വേദനാജനക മാകാം

പിറകേമനസ്സിലായീടുമെന്നാലോ

അവ തന്നിടും ഗുണപാഠത്തി ന്റേയും 

അനുഭവജ്ഞാനത്തിന്റേയും ശേഖരം

25/06/2021

ആരുമതിവേഗമുയരത്തി ലെത്താ

ആരുമേവീഴില്ല താഴേയ്ക്കുമതു പോൽ

സൂര്യചന്ദ്രന്മാർക്കുമാവില്ല,തിനാൽ 

സ്ഥിരത കൈവരിക്കുക ജീവിത ത്തിൽ

26/06/2021

വിശ്വസം നേടുവാനെളുപ്പമേയല്ല  

വിലമതിയാത്തൊരു നാണയം പൊലത്,  

വിഷമമേറേയതു കിട്ടുവാ നായ്,നി- 

മിഷമൊന്നുമതിയത് നഷ്ടമാ കാനും

27/06/2021

സത്യമാകേണമെന്നില്ലയെല്ലായ് പ്പോഴും

സുന്ദരവാക്കുകളതുപോലെ സത്യമാം    

വാക്കുകളുംമധുരിക്കില്ലയെ പ്പോഴും

വ്യവഹാരമെന്നാൽസത്യമാകാ മെന്നും

28/06/2021

ഇന്ദ്രനീലിമ വഴിയും മിഴിക ളിൽ 

സാന്ദ്രശ്യാമനിറ മണികൾ തിളങ്ങേ 

ശ്യാമളാഭയിയലുമിമകളാലെ-

ന്നെമന്ദം നീ മാടി വിളിപ്പിതോ സഖീ?

29/06/2021

സന്തുഷ്ടിയാത്മീയമാമോ രനുഭവം,

സന്തോഷവും സമാധാനത്തി നുമൊപ്പം 

സൗമനസ്യം, പ്രസാദം, പ്രീതി, കാരുണ്യം ,  

സൗകുമാര്യ,മിവചേർന്നോരവസ്ഥയാം

30/06/2021

ഏവരേയുംസന്തോഷിപ്പിക്ക യെന്നതോ   

ഏറ്റവും ബുദ്ധിമുട്ടുള്ളോരു കാര്യമാം

എല്ലാരുമൊത്തുസന്തോഷമായ്പ്പോകുക എന്നതോയെത്രയെളുപ്പമാം കാര്യവും

01/07/2021

സാധ്യമല്ലെന്നുതോന്നുന്നവനേടു വാൻ

സാധ്യമാണെന്നുചിന്തിക്കുക വേണ്ടിടും

വിജയത്തിലേയ്ക്കുനയിക്കു വാനുള്ള 

വഴിലക്ഷ്യവുംസ്ഥിരോത്സാഹ വുമാകും

02/07/2021

സന്തോഷമുള്ളവരെല്ലാരുമൊന്നുപോൽ

സന്തോഷമുള്ളവരാകേണമെന്നില്ല 

ഒരുപോൽ സംതൃപ്തരാം തത്വ ജ്ഞാനിയും  

കർഷകനുമാകാ ഒന്നുപോൽ സന്തുഷ്ടർ

03/07/2021

ഖേദിച്ചിടാ പോയകാര്യങ്ങളെ ച്ചൊല്ലി

വേദനിച്ചെന്നാലതനുഭവമായും    

ഗുണകരമെങ്കിലതിശയമായും

കണക്കാക്കി മേലിലും ജീവിക്ക വേണം

04/07/2021

ജീവിതമേറെമെച്ചപ്പെടുത്താ നായ്സ-

ജീവമായിട്ടുസ്വയംശ്രമിച്ചീടുകിൽ

മെച്ചപ്പെടുന്നത് കാണാംനമ്മുടെ ചുറ്റു- 

മുള്ളവയൊക്കെയും നമ്മളു ടെയൊപ്പം

05/07/2021

മഴവിൽക്കൊടിയേ നിന്റേഴു നിറങ്ങൾ

മഴയിൽ നനഞ്ഞിട്ടൊലിച്ചു പോയാലും 

അരുണകിരണമവതൊട്ടെടുത്തി

ട്ടൊരുനൽ മാരിവില്ലിനിയും  മെനയും

06/07/2021

പ്രശ്നമേതായാലുമതിനാ യിട്ടുള്ള 

പരിഹാരമാർഗ്ഗത്തിൻ ഭാഗമാ യീടൂ

അല്ലാതെനിങ്ങളുമാ പ്രശ്നത്തി ന്നൊരു 

പൊല്ലാപ്പായ് മാറാതിരിക്കാൻ ശ്രമിക്കുക

07/07/2021

സമയോചിതമായ മൗനത്തി നെന്നും

സ്വാധീനശക്തിയേറും സംശയ മെന്യേ 

ഉച്ചരിക്കാതെ പോയീടുന്ന വാക്കുകൾ

ഉണ്ടാക്കുകില്ല  ഉപദ്രവമൊന്നുമേ

08/07/2021

അനുഭവം നേടിടൂ തിരിഞ്ഞുനോ ക്കീട്ട് 

ആശ വരിച്ചിടൂ മുന്നോട്ടു നോക്കി യും

അറിയൂ വാസ്തവം,നോക്കീട്ടു ചുറ്റിനും

അകമേ നോക്കീട്ട് സ്വയവുമ റിയണം

09/07/2021

ശ്രദ്ധയുംതാൽപ്പര്യവുമന്യ രിൽനിന്നും

ശ്രദ്ധേയമാംവിധംനിങ്ങൾക്കു കിട്ടുകിൽ  

സംശയം വെണ്ടാ അതിനുള്ള കാരണം 

സ്വന്തം സ്വഭാവമഹിമതന്നായിടും

10/07/2021

'ഇല്ലെ'ന്നുതീർത്തോ സുനിശ്ചിത മായിട്ടോ 

ചൊല്ലുവാൻ കഴിയാത്തോരവ സ്ഥയെത്ര

ദൗർഭാഗ്യകരമെന്നറിയൂ അതു പോൽ

ദോഷകരമാണെന്നുള്ളോരു കാര്യവും!

11/07/2021

ചെങ്കുത്താം കുന്നു കയറുവതി ന്നാദ്യം 

ചുവടുകൾ സാവധാനം വയ്ക്ക വേണം   

വലിയ ചുമടുകൾ ലഘുവായ്  മാറും

വഹിച്ചുവെന്നാലവ സന്തോഷ മോടെ

12/07/2021

വിവേചനം വേണമധികമായി വാഗ്-

വിലാസത്തേക്കാളും പ്രഭാഷണ ങ്ങളിൽ 

ഒരാളു ചൊല്ലിടുന്നതു മാത്രം കേൾക്കാ-

തൊരുപോലെതന്നെയപരനേം കേൾക്കൂ

13/07/2021

വ്യാകുലത സമയത്തെപ്പാഴാ ക്കിടും 

വ്യഥയൊരു മാറ്റവുമുണ്ടാക്കു കില്ല 

സദാ നിങ്ങളെയത് വെറുതേയി രുത്തി  

സന്തോഷവും സമാധാനവും കവരും

14/07/2021

അന്യരാരും തന്നെ 'എന്നോടു' ചെയ്യരു-

തെന്നുനിങ്ങൾ കരുതുന്നോരു കാര്യങ്ങൾ

ചെയ്യരുതവരോടു നിങ്ങളു മെന്നത്

സ്വയമറിയേണ്ടുന്ന സാമാന്യ തത്വം

15/07/2021

നിയമമേറെ മൃദുലമെങ്കിലത-

നുസരിച്ചീടുന്നതപൂർവ്വമായിടും   

നേരെമറിച്ചതു കഠിനമായാ ലോ  

നടപ്പാക്കിടുന്നത് വിരളമായി ടും

16/07/2021

പേടിയും ഭീരുത്വവുമൊരു വ്യക്തി യിൽ

പൊട്ടിമുളച്ചിടുമജ്ഞതയിൽ നിന്നും

പേടിയില്ലാത്ത മനസ്സുള്ളോരാ കട്ടെ   

പെട്ടെന്നവരുടെ ലക്ഷ്യത്തിലെ ത്തിടും

17/07/2021

ഇല്ലാത്തവരുടെ ഉള്ളമറിയു വാൻ

ഉള്ളവരാരും ശ്രമിക്കുകയേയില്ല

ഉള്ളവനില്ലെന്നു ചൊല്ലാനെളു പ്പമാം

ഇല്ലാത്തവനതോ ഏറെപ്രയാ സവും

18/07/2021

അഭിവൃദ്ധിയ്‌ക്കൊപ്പമുണ്ടായിടും കുറെ 

അഭ്യുദയകാംക്ഷിക,ളേറെ ശത്രുക്കൾ 

വിവേകികളാകുമഭ്യുദയകാംക്ഷി കൾ 

ജീവിതത്തിന്നോരനുഗ്രഹമായിടും

19/07/2021

വേണ്ടത്രസന്തോഷമുണ്ടാകണ മെങ്കിൽ  വേദന,യാനന്ദമായും, ഇരുട്ടിനെ

വെട്ടമായും, സങ്കടംഹർഷമാ യിട്ടും    

മാറ്റണ,മതിനായ്ധൈര്യമാർ ജ്ജിക്കണം

20/07/2021

നഷ്ടമായ്പോയെല്ലാമെന്നുതോന്നുമ്പോഴും

ശേഷിക്കുവതുണ്ടുഭാവിയെന്നോർക്കുക

ചെയ്തുകഴിഞ്ഞവതുശ്ചമെന്നോർക്കുക

ചെയ്യുവാൻഭാവിയിൽഏറെയുണ്ടെന്നതും.

21/07/2021

കരയുവാനായി ജീവിതം നിങ്ങൾ ക്കു

കാരണങ്ങൾ നൂറു തന്നിടുന്നെ ന്നാകിൽ

കാരണങ്ങൾ ചിരിക്കാനായിരമു ണ്ടെന്ന്

കാണിച്ചുകൊടുക്കണംജീവിത ത്തിന്നും

22/07/2021

പരമാനന്ദത്തിൻ മൂലതത്ത്വ മെന്നും

പരമമാമാരോഗ്യമാണെന്നപോലെ 

പരിപൂർണ്ണയാരോഗ്യത്തിന്റെ രഹസ്യം 

പരിപൂർണ്ണ വ്യായാമെന്നതുമ റിയൂ

23/07/2021

നമ്മളിഷ്ടപ്പെടുന്നോരെയപേക്ഷിച്ചു

നല്ല വിവേകികളധികമില്ലെന്നും 

നമ്മൾമാത്രംശരിയെന്നുംചിന്തിക്കുകിൽ

നമ്മൾപഠിക്കില്ലീജീവിതത്തിൽനിന്നും

24/07/2021

കാലത്തിൻ കണ്ണുകൾ കാണുന്ന തൊക്കെയും

കാലമാം കോലത്തിൻ ഭാവ ഭേദങ്ങളാം

കണ്ടുമടുത്താലും കാലത്തിൻ കാഴ്ചകൾ 

കാണുന്നവർക്കൊഴിവാക്കു വാനാകുമോ?

25/07/2021

വീരോചിതമായ കൃത്യത്തിന്മേൽ പൂശും 

പരിമള തൈലമാകുന്നു വിഖ്യാതി. 

ഭാരങ്ങളൊക്കെ ലഘുവായി മാറും, കൈ-

കാര്യം ചെയ്‌തീടിൽ പ്രസന്നവദ നരായ്.

26/07/2021

പ്രതീക്ഷയെപ്പോഴുമെല്ലാർക്കുമിഷ്ടമാം.  

പ്രത്യാശ നിരാശയായ് മാറിയെ ന്നാലു-

മത്  നിറവേറിയാലുമെല്ലാർക്കും വീണ്ടും

പ്രതീക്ഷ വച്ചുപുലർത്തുവാ നാണിഷ്ടം.

27/07/2021

മനോഭാവമെന്നതൊരു കൊച്ചു കാര്യ-

മെന്നാലതുണ്ടാക്കിടുമേറെ വ്യത്യസം. 

ഒരു കാലയളവിലെ പാണ്ഡിത്യം വേ-

റൊരു കാലഘട്ടത്തിന്റെ വിഡ്ഢി ത്തമാം.

28/07/2021

വായിച്ചു ചിന്തിച്ചു മനസ്സിലാ ക്കീടു-

വാനൊരു ദിവസ്സം മതിയാകു മെന്നാൽ    

അതു തെളിയിച്ചുനേടിയെടു ക്കുവാൻ 

മതിയാകയില്ലൊരുജന്മം മുഴുവൻ

29/07/2021

ധൈര്യക്കുറവുള്ള കാരണം ലോ കത്ത-

ധികം കഴിവുമുപയോഗിക്കു ന്നില്ല.

സാഹചര്യങ്ങളനുകൂലമാകു കിൽ 

സന്തോഷത്തോടതുപയോഗിച്ചീ ടണം

30/07/2021

ഉള്ളവനുമൊട്ടുമില്ലാത്തവനുമായ് 

ഉള്ളോരു വ്യത്യാസമെന്തെന്ന തറിയൂ. 

ഉള്ളവനവനു തോന്നുമ്പോൾ കഴിക്കും

ഇല്ലാത്തവനോ, വല്ലപ്പോഴും, കിട്ടുമ്പോൾ

31/07/2021

ഓരോപൗരനുംനീതിയ്ക്കുള്ളവകാശം

ഒന്നുപോൽത്തന്നെയാണെന്നുറപ്പാക്കണം 

ഒന്നുപോൽനീതിയെല്ലാർക്കുമെത്തിക്കുക 

എന്നതുമെന്നുംശ്രമിയ്ക്കേണ്ടുംകാര്യമാം

01/08/2021

അനുകമ്പ എപ്പോഴും ശീലമാ ക്കുന്നത്

മാന്യതയുള്ളോരു കാര്യമാം ജീവിതേ.

എന്നും ശരി നിങ്ങൾതന്നെന്നു ചിന്തിക്കിൽ

ഒന്നും പഠിക്കില്ല ജീവിതത്തിൽ നിന്നും

02/08/2021

സങ്കീർണതകൾ നിറഞ്ഞതാം ജീവിതം

എങ്കിലുമവയുടെയുത്തരം തേടാ!  

ഉത്തരം കിട്ടുമ്പോഴേയ്ക്കും ചോദ്യങ്ങൾ  

മൊത്തവും മാറ്റിയിരിക്കുമീ ജീവിതം

03/08/2021

തെറ്റുകളിൽവച്ചിട്ടേറ്റവുംവലിയ 

തെറ്റായിക്കരുതേണ്ടകാര്യമെന്തെന്നാൽ 

തെറ്റുകളെപ്പറ്റിഒട്ടുമവബോധം

തോന്നാതിരിക്കുകയെന്നതുതന്നാവാം.

04/08/2021

സ്വഭാവത്തിനേക്കാളുയരെയാകും ദാർ-

ശനികതയെന്നതിൽ സംശയമില്ല   

ഉന്നതനാമൊരു വ്യക്തി തൻ ജീവിതം  

നന്നായ് നയിച്ചിടുമുത്തമ ചിന്തയാൽ.

05/08/2021

തിന്മയുള്ള രണ്ടുകാര്യങ്ങളിൽ നിന്നും

ഒന്നും തെരഞ്ഞെടുക്കാതെയി രിക്കുക.

നന്മയുള്ള രണ്ടുകാര്യങ്ങളിൽ നിന്നും

നിശ്ചയംരണ്ടും തെരഞ്ഞടു ത്തീടുക

06/08/2021

ഒരിക്കലും പരിശ്രമിക്കാത്ത യൊരാൾ ഒഴിവായിപ്പോയിടാംതോൽ‌വി യിൽനിന്നും

പക്ഷേ, കിട്ടിയോരവസരമൊ ക്കെയും 

പാഴാക്കിയാലോ പശ്ചാത്തപി ക്കേണ്ടിടും

07/08/2021

ഉറങ്ങിയുണരുക നേരത്തേ യാക്കൂ

ഉറപ്പായുമാരോഗ്യവാനുമതുപോൽ

വിവേകിയുമാകാം സമ്പന്നനു മാകാം 

വലിയകാര്യമൊന്നും ചെയ്യാതെ തന്നെ.

08/08/2021

കാത്തിരുന്നീടൊലാ മറ്റുള്ളവർ ക്കായി 

സ്വന്തം കടമ്പ കടത്തിവിടുവാ നായ്  

പകരമൊപ്പം കടമ്പ കടക്കുവാൻ   

പറ്റിയൊരാളെത്തെരഞ്ഞു പിടിക്കുക

09/08/2021

സാഹചര്യംവിനാപുഞ്ചിരി ക്കെന്നതും,

സംസാരിച്ചീടുക ലക്ഷ്യമില്ലാ തെയും,

പ്രത്യാശയില്ലാതെശ്രദ്ധകിട്ടു ന്നതും

സത്യസന്ധമാകുംബന്ധത്തിൻചാരുത!

10/08/2021

തെറ്റുകളെല്ലാരുംചെയ്യുന്നുവെ ന്നാലും 

തെറ്റുകളെപ്പോഴുംതെറ്റുകൾ തന്നെയാം

ശരിയെന്നതെന്നുംശരിതന്നെ യാകും

ശരിയാരുംതന്നെചെയ്യാതിരുന്നാലും!

11/08/2021

അന്നത്തിനു ദഹനം പോലെ തന്നെയാം

അറിവിന്നു ചിന്തനമെന്നതറിയൂ

ചേതനയൊരുപോലുദിക്കണമനു-

സ്യൂതമീ രണ്ട് ക്രിയകളിൽ നിന്നുമെന്നും.

12/08/2021

കഴുകന്റെ കണ്ണുമായ് നോക്കു മെല്ലാരും

കണ്ടുപിടിക്കുവാൻ തെറ്റു മറ്റു ള്ളോരിൽ

മറ്റുള്ളവരിലെ നന്മകൾ കാണു വാൻ

മനസ്സിനെ നന്നായ് പരിശീലി പ്പിക്കൂ

13/08/2021

പടവുകൾ പോലാം കഠിന ജോലികൾ

പടവുകൾ കേറി മുകളി ലെത്തിടാം.

മുകളിലെത്തിക്കും യന്ത്രമോ ഭാഗ്യം പോൽ 

ത‌കരാറിലായാൽ വഴിയിലാ ക്കിടും!

14/08/2021

'ആര്' നാമീലോകത്തെന്ന തൊട്ടും വലിയ 

കാര്യമായിട്ടു കരുതേണ്ടതേയില്ല.

എന്താണു ലക്ഷ്യവു,മേതാണു ദിശയും,

എന്നതിന്നാകണം പ്രാധാന്യ മേകുക.

15/08/2021

നല്ലസമയത്തുകയ്യുകൾചേർത്തൊന്നു 

നന്നായ്കുലുക്കുകിൽബന്ധംതിളങ്ങിടും

കഠിനകാലേകൈകൾചേർത്ത്പിടിക്കുകിൽ 

കരുതിടൂബന്ധങ്ങൾപൂത്തുവിലസിടും

16/08/2021

നന്മയുള്ളോരു,ടടുപ്പം ജീവിതേ

ഹൃദയമിടിപ്പിന് തുല്യം പ്രധാനം

കാണുവാനാകില്ലയാനന്മ യെന്നാലോ, 

കാരണം ശക്തി പകരുമത്  നിശ്ശബ്ദം.

17/08/2021

പ്രയത്നങ്ങളെല്ലാം വിജയിച്ചീടുക  

പ്രയാസമാണെന്നതൊരു സത്യ മാകും

പ്രയത്നം വിനാ വിജയമില്ലെ ന്നതും

പ്രകടമായിട്ടുള്ള സത്യം തന്ന ല്ലോ!

18/08/2022

അർദ്ധസത്യങ്ങൾ പിറകേ പലപ്പോ‌ഴും

പൂർണമായും പൊളിയാണെന്നു വന്നിടും

തെറ്റുകളന്യരുടേതു കണ്ടിട്ടു, തൻ

തെറ്റുതിരുത്തിടും ബുദ്ധിമാനാ മൊരാൾ.

19/08/2021

ഉദകത്തിൽ മൂക്കീട്ടു പഞ്ഞിതൻ ഭാരം

ഉയർത്താതിരിക്കുകയല്ലേ ഉചിതം?    

ഭാരമില്ലായവസ്ഥയിലത് മോദ സ-

മീരനിൽ പൊങ്ങിയുയർന്നുപറ ക്കട്ടെ!

20/08/2021

സന്തോഷംഗോപ്യമായിട്ടുവയ്ക്കുന്നവൻ 

സങ്കടങ്ങൾ മൂടിവയ്ക്കുന്നവ നേക്കാൾ

മഹനീയമാകുംവ്യക്തിത്വ ത്തിന്നുട-

മയാകുമെന്നതിലില്ലൊട്ടു സംശയം

--------------

21/08/2021

--------------

22/08/2021

ഇരുണ്ടതാകട്ടേ തെളിഞ്ഞതാ  കട്ടേ,

ഒരോ ദിവസവുമുത്തമം തന്നെയാം

കാരണമെന്തെന്നാ,ലോരോ ദിവ സവും

തരുമൊരവസരം, കാത്തിരു ന്നീടിൽ.

23/08/2021

ജീവിതത്തിൻ പരമ ലക്ഷ്യത്തി ലേക്കെ-

ത്തുവാനായി ഓടും കളിക്കാരനാ യിട്ട്

മാറിടൂ, അല്ലാതെ തെറ്റുകൾ   കാണാൻ ശ്ര-

മിക്കുന്ന കളിതൻ മദ്ധ്യസ്ഥനാ യിടാ.

24/08/2021

ആരെങ്കിലുമൊത്തു നല്ലയൊരു ബന്ധം

കരുതലോടൊന്നു സ്ഥാപിച്ചെടു ക്കാനായ്

അവരെക്കുറിച്ചറിഞ്ഞത് വിശ്വ സിക്കൂ

അല്ലാതെ കേട്ടതാകാ,യവ രെപ്പറ്റി.

25/08/2021

കാഠിന്യമേറും പരീക്ഷയാം ജീവിതം;

കേവലമന്യരെ പകർത്തുവാൻ പോയാൽ

പരാജയം ഫലം, കാരണമെ ന്തെന്നാൽ

പലവിധ ചോദ്യക്കടലാസ്സെല്ലാ ർക്കും!

26/08/2021

നല്ലോരു ജീവിതം കെട്ടിപ്പടുക്കു വാൻ

നന്നായ്ച്ചിരിച്ചിടൂ, വലിയസ്വപ്നം കാണൂ,

സങ്കൽപ്പമാകാ,പ്രവർത്തിക്കൂ കൂടുതൽ,

സന്തോഷമുള്ളതിൽ നിന്നുമേ കൊണ്ടിടൂ.

27/08/2021

നമ്മളീ ലോകത്തിലാരാണെ ന്നുള്ളതോ,

എമ്മട്ടിലുള്ളോരാണെന്നതോ വലിയ 

കാര്യമല്ലെന്നാലോ നമ്മൾപോ കുന്നതു   

നേരായ ദിശയിലാണോയെ ന്നുള്ളതാം.

28/08/2021

സ്വന്തമിഷ്ടത്തിനു ജീവിക്കുവ രൊക്കെ 

സന്തോഷമുള്ളവരാകേണമെ ന്നില്ല

മറ്റുള്ളവരെയുമൊപ്പം കൂട്ടുന്ന വർ

ഏറ്റവും സന്തോഷമുള്ളവരാ യിടും.

29/08/2021

ജീവിതമെന്നതൊരു ഗുണപാഠ മാം 

ഭാവിയെ രൂപപ്പെടുത്തിത്തരുവാ നായ് .

മറക്കൂ ജീവിക്കേയേറ്റ മുറിവു കൾ

മറക്കാ ജീവിത പാഠങ്ങളൊ ന്നുമേ .

30/08/2021

ജീവിതയാത്രയിൽ വിജയം നേടീടു-

ന്നവരുടെയധരത്തിൽ രണ്ടു കാര്യം!

ശാന്തത, പ്രശ്നങ്ങൾ പരിഹരി ക്കാനായ്,

മന്ദഹാസം, ഒഴിവാക്കാൻ സമസ്യ കൾ!

31/08/2021

ജീവിതം ജീവിച്ചു തന്നെ തീർ ത്തീടണം

ആവില്ലതത്രയെളുപ്പമെന്നാ കിലും.    

സന്തോഷ സന്താപ സമ്മിശ്ര മാകു-

മതിൽനിന്നറിവ് നേടൂ, ശക്ത രാകൂ!

01/09/2021

അന്യരിൽനിന്നു നിങ്ങൾക്കു കിട്ടുമവ-

ധാനത,ശ്രദ്ധ,ശുശ്രൂഷകളൊക്കെയും

സ്വന്തം സ്വഭാവമഹിമയ്ക്കായ് കിട്ടുന്ന

സമ്മാനമായിക്കരുതുക വേണ്ടിടും.

02/09/2021

മിത്രമായ് നിങ്ങളെ കരുതുന്ന ബന്ധു

എത്രയധികം തിരക്കിലാ ണെങ്കിലും

നിശ്ചയമായുമൽപ്പം സമയ മെന്നും 

നിങ്ങൾക്കുവേണ്ടിക്കണ്ടെത്താതിരിക്കില്ല

03/09/2021

കാരുണ്യം തേടവേ കാട്ടിടും തീഷ്ണത,

കാട്ടണമതുപോലെ,യനുകമ്പ നേടവേ  

മറ്റുള്ളവർക്കുമുപകരിക്കുന്നതായ് 

മാറണം നമ്മൾക്കു കിട്ടിയ ജീവിതം.

04/09/2021

നമ്മുടെനന്മകാംക്ഷിപ്പവരൊക്കെയും

നമ്മൾക്കുമിന്നുന്നതാരകളായ്തോന്നാം.

നമ്മുടെജീവിതത്തിലിരുൾവ്യാപിക്കേ

നമ്മൾക്കു കാണാമവരെ വ്യക്തമായും

05/09/2021

ശബ്ദകോലാഹലമാമന്തരീക്ഷത്തിൽ

ശാന്തമാമൊരുമനം ദേവാലയം പോൽ 

മനോബലമുറപ്പാക്കണമേവരും 

മനസ്സമാധാനം നശിക്കാതിരി ക്കാൻ

06/09/2021

ഇല്ലൊന്നുമേസ്വന്തമായിട്ടീ ഭൂമിയി-

ലെല്ലാമനിശ്ചിതമാണെന്നറി യുക

നെഞ്ചിനുള്ളിലിറ്റു സ്നേഹമു ണ്ടേലതു

നിലനിൽക്കവേണം,കാത്തു സൂക്ഷിച്ചിടൂ.

07/09/2021

പൊങ്ങിനിൽക്കുംപർവ്വത ങ്ങൾക്കുമുണ്ടാകാ

നിങ്ങൾതൻ വിശ്വാസത്തോ ളമുയരം

നിങ്ങളതിന്റെ മുകളിലൊന്നെ ത്തിയാൽ

നിങ്ങളുടെ കാൽക്കീഴിലാകു കില്ലേയത്!

08/09/2021

തിരഞ്ഞെടുക്കാനൊരവസരമുണ്ടേൽ  

തിരഞ്ഞെടുക്കേണമേറ്റവും നല്ലതു

അവസരം കിട്ടാത്തൊരു  ചുറ്റുപാടിൽ    

അവസരോചിതമായി പ്രവർ ത്തിക്കൂ.

09/09/2021

കാലേകൂട്ടിത്തട്ടിക്കൂട്ടിയെടുത്തോരു  കാര്യമല്ലാഹ്ലാദമെന്നയനുഭവം

നിങ്ങളുടെ സ്വന്തം ചെയ്തി കൾ തിരികെ

നിങ്ങൾക്കു നൽകുമൊരു സമ്മാനമാമത്.

10/09/2021

നിരാശയുണ്ടായലതിന്റെ കാരണം

ഒരിക്കലും ചുമത്തിടരുതന്യരിൽ

അന്യരിൽ നിന്നുനാമേറെ പ്രതീ ക്ഷിച്ചാൽ

അപലപിക്കേണ്ടി വരും സ്വയം തിട്ടം!

11/09/2021

അനുകൂലമാകും നിമിഷത്തി നായി

അനങ്ങാതിരുന്നു സമയം കളയാ

അടുത്തു കിട്ടുന്ന നിമിഷത്തെ തന്നെ 

അനുകൂലമാക്കി മാറ്റിയെടു ക്കുക.

12/09/2021

സന്തോഷമെന്നതു നമ്മൾക്കു വേണ്ടുന്ന

സർവ്വതുമുള്ളോരവസ്ഥയാ കുന്നില്ല.

സ്വന്തമായിട്ടുള്ളതെല്ലാം നന്നാ യിട്ടാ-

സ്വദിക്കാനാകുന്നോരവസ്ഥയാ കുന്നത്.

13/09/2021

പരിചയസമ്പന്നത നമുക്കു ണ്ടേൽ  

പിശകുകൾ കുറയ്ക്കുവാനാ യുതകും 

തെറ്റുകളിൽനിന്നും പാഠം പഠിക്കു കിൽ

മറ്റുള്ളോർ പാഠമാക്കും  ജയം നമ്മുടെ

14/09/2021

പ്രശസ്തരാകുന്നവരെല്ലാരും തന്നെ

പ്രശ്നങ്ങളേറെത്തരണം ചെയ്തിട്ടുണ്ടാം

തെറ്റുകളൊരുപാട്  ചെയ്തിട്ടുമു ണ്ടാകാം 

കുറ്റമില്ലാത്തവരാരുണ്ടീ ഭൂമി യിൽ?

15/09/2021

അധികമായ് വിശ്വാസമർപ്പിച്ചി ടായ്ക

ആശയും സ്നേഹവുമധിക മായീടാ 

അധികമെന്നൊരാ തോന്നലു നമ്മളെ

അലട്ടീടുമെന്നത് തന്നെയാം കാരണം.

16/09/2021

സഹായമാർക്കേലും ചെയ്യുവാൻ സാധിച്ചാൽ 

സഹായിച്ചിട്ടഥ സന്തോഷി ച്ചീടുക.

നിങ്ങളിൽക്കൂടിയവരുടെ പ്രാർത്ഥന

നിഷ്ഫലമാകാതെ കാത്തെന്നു വന്നിടാം.

17/09/2021

ആവേശമേറെയുള്ളോരെയെതിർപ്പുകൾആകെത്തപിപ്പിച്ചിടാ,മെന്നാലവരെ

ആകാ പരിവർത്തനപ്പെടു ത്തീടുവാൻ,

ആവേശം മാറ്റിടുമവ രേയന്ധരായ്!

18/09/2021

ആരുമായടുപ്പമുണ്ടായാലുമതിന്

കാരണം കാണുമെന്നറിയുക വേണം. 

ചിലർ നിങ്ങളിൽ നന്മ കണ്ടെ ത്തേ മറ്റു 

ചിലരൊക്കെ നിങ്ങളെ കരുവാ ക്കിടാം!

19/09/2021

പ്രേമവുംഹാസ്യവു,മൊരുമിച്ചുണ്ടെങ്കിൽ

നമ്മുടെ രക്ഷക്കും രണ്ടുണ്ട് കാര്യങ്ങൾ

അതിലൊന്നുണ്ടെകിൽനമ്മൾസന്തോഷിക്കും 

അജയ്യരാകാമെന്നാൽരണ്ടുമുണ്ടെങ്കിൽ.

20/09/2021

ഓർമ്മകൾക്കെന്നുമുണ്ടാം സവിശേഷത 

ഓർത്തു ചിരിച്ചിടാം പണ്ടു കരഞ്ഞതും

ഓർത്തു കരഞ്ഞിടാം പണ്ടു ചിരിച്ചതും

ഓർമ്മകളെത്രയനുഗ്രഹമാണെന്നോ!

21/09/2021

ആഗ്രഹിക്കുംപോലെ കാര്യങ്ങ ളൊക്കെയും 

ആകേണമെന്നില്ലയെന്നാൽ പലപ്പോഴും

ആഗ്രഹിക്കുന്നതിലേറെ കൈവരാ,മ-

നുഗ്രഹമായിട്ടതിനെക്കരുതേണം.

22/09/2021

പ്രേരകമായീടുമേറ്റവും വലിയ

ഉറവിടം നിങ്ങൾതൻ ചിന്തക ളാകാം.

വലുതായിട്ടതിനാലെ ചിന്തിച്ചിടൂ  വിജയിക്കുവാനായ്  പ്രേരക മായിടൂ.

23/09/2021

സന്തോഷം കൊണ്ടിടും സഹായി ക്കും മനം 

സ്നേഹിക്കും മനസ്സിന്നാരോഗ്യ മുണ്ടാകും

ശ്രദ്ധനൽകും മനസ്സിന്നോ മനോബലം;

സ്വയമിവ ചെയ്തനുഭവിക്കൂ ഫലം.

24/09/2021

കാലവും ജീവിതവുമീ ലോക ത്തിലെ

കാണുവാനാകാത്ത രണ്ടു ഗുരു ക്കളാം

ജീവിതത്തിൻ വില കാലം പഠി പ്പിക്കേ 

ജീവിതം കാലത്തിൻ വില പഠി പ്പിക്കും.

25/09/2021

കരുതലും സ്നേഹവുമന്യർക്ക് പകരൂ 

തിരികെ പ്രതീക്ഷിക്കരുതെന്നു മാത്രം 

കാരണം മറ്റൊന്നുമല്ല,അതൊ രു വി-

കാരമാണല്ലാതെ വിപണനമല്ല.

26/09/2021

സഞ്ചാരമെന്നതു സൂര്യനു തുല്യമാം 

സൂര്യനു നേരേ നടന്നുചേന്നീ ടുകിൽ  

നമ്മുടെ നിഴലൊരു ഭാണ്ഡസ മാനം 

നമ്മളെ പിന്തുടരുന്നതു  കണ്ടിടാം!

27/09/2021

പുതിയൊരു ദിവസം സുന്ദര മാക്കാൻ

മതി ചൈതന്യമുള്ളൊരു ഹൃദയവു-  

മതുപോലൊരു മനമുന്മേഷ മയ-

മതുപോരെങ്കിലോ, മനസ്സിൻ വീര്യവും.

28/09/2021

വെളിച്ചത്തിൽ നിൽക്കേ നിങ്ങ ളുടെ ചുറ്റു-

മുള്ളവയൊക്കെയും നിങ്ങളുടെ യൊപ്പം.

നിൽക്കുന്നതിരുളിലാണെങ്കിലോ സ്വന്തം

നിഴലുപോലും വിട്ടകന്നു പോയീടും

29/09/2021

സൗഹൃദം പൂത്തുലഞ്ഞുല്ലസി ച്ചീടവേ

സാഹോദര്യത്തിന്റെ സൗരഭ്യം തൂകിടും. 

സാധകം ചെയ്തതു നീടു‌റ്റതാ ക്കണം

സാതര്യതയുമുറപ്പാക്ക വേണ്ടിടും.

30/09/2021

ചെറിയ വിജാഗിരി മേലേ വലുതും 

ചെറിയതുമാകും കതകുകൾ തൂങ്ങും.

ഉറച്ചൊരു ബന്ധം നീണ്ടിടുമ തുപോൽ

ചെറുചെറുശ്രദ്ധയിൽ,ആകാംക്ഷകളിൽ.

01/10/2021

സഹനം കുടുംബത്തോടായാലത്  സ്നേഹം,

സ്വയം സഹനമായാലാത്മ വിശ്വാസം

സഹനമന്യരോടായാൽ ബഹുമാനം 

സഹനമീശ്വരനോടായാലോ, വിശ്വാസം!

02/10/2021

നെഞ്ചിന്റെയുള്ളിലായ് നാടിന്റെ നാമവും

നാവിന്റെ തുമ്പത്തു രാമന്റെ നാമവും

സൂക്ഷിച്ചുകൊണ്ടന്ത്യയാത്ര പറഞ്ഞോരു

സാക്ഷാൽ മഹാത്മാവേ കൈകൂപ്പിടുന്നുഞാൻ.              

 (ഇന്ന് ഗാന്ധി ജയന്തി)

03/10/2021

വൈഷമ്യങ്ങൾ നാളെയുണ്ടാമെ ന്നോർത്തിട്ടു  

വ്യാകുലചിത്തരായീടുന്നതെന്തിനായ്? 

ഇന്നിൻ മനസ്സമാധാനം പൊലി ഞ്ഞുപോ-

മെന്നത് മാത്രമാണതുകൊണ്ടു ണ്ടാകുക.

04/10/2021

മനസ്സൊരു വളയുന്ന കണ്ണാടി പോല-

തിനെ ക്രമീകരിച്ചീടേണമെ പ്പോഴും.

എത്രയും വ്യക്തമായ് ദൃശ്യങ്ങൾ കിട്ടുകിൽ

എളുതായിമാറിടും തീരുമാ നങ്ങൾ.

05/10/2021

ജീവിതം തരികില്ല നിങ്ങൾക്കുറപ്പോ, 

ജാമ്യമോ, അവകാശമോ, പകരമായ്, 

തരുമനുകൂല സമയവും സാധ്യ-

തയുമവ പ്രയോജനപ്പെടുത്തീടൂ.

06/10/2021

സാധ്യമാകുന്നവ ചെയ്യവേ നമ്മൾക്കു 

ശക്തിയുണ്ടാകണം, മികവു നേടാനായ് 

സാധ്യമല്ലെന്നുതോന്നുന്നവ ചെയ്യവേ 

സാധ്യമാകുമെന്നു വിശ്വസിക്കൂ സ്വയം

07/10/2021

സത്യത്തിനും പ്രതീക്ഷയ്ക്കുമി ടയിലെ

സമ്മർദ്ദമെന്നതൊരു വിടവു മാത്രം.

സമ്മർദ്ദമേറിടും വിടവേറിയെ ന്നാൽ

സ്വീകരിക്കെല്ലാം പ്രതീക്ഷിച്ചിടാ യൊന്നും.

08/10/2021

അന്യരെ സന്തോഷിപ്പിക്കുവാൻ കിട്ടുന്ന

യവസരം നന്നായുപയോഗിച്ചീടൂ

സംഘർഷത്താലുഴറുന്നവരെങ്കിലോ ,

സംശയം വേണ്ടായവർ വന്ദിക്കും നിങ്ങളെ

09/10/2021

സ്വന്തമന്തസ്സുമതേപോലെ തന്നുടെ 

സന്തുഷ്ടിയുമൊപ്പം കാത്തു സൂക്ഷിക്കുവാൻ

വ്യക്തിസ്വാതന്ത്ര്യം മനുഷ്യകുല ത്തിനു

ശക്തികൂട്ടുന്ന ത്വരകമെന്നറിയൂ.

10/10/2021

എത്രയോ ഹ്രസ്വമാമൊന്നാണീ ജീവിതം

എന്തിനാണതിലീ തർക്കവും യുദ്ധവും?

സ്നേഹിച്ചിടൂ ബന്ധു മിത്രങ്ങളെ യൊക്കെ

സന്തോഷമോടെക്കഴിയൂ ദിവ സവും.

11/10/2021

മരുന്നിൽനിന്നാരോഗ്യമുണ്ടാവുകില്ല,

മനസ്സമാധാനമുണ്ടാക്കുമാരോഗ്യം.

നല്ല ചിരിയും,സ്നേഹവും ഹൃദയവും      നല്ലയാരോഗ്യമുണ്ടാക്കുവാ നുതകും.

12/10/2021

ആധാരമായിട്ടെടുക്കുന്ന വസ്തുത

ആവശ്യംപോലുപകരിക്കയി ല്ലേലു-

മതിൽ നിന്നു നിർണ്ണായ കമാകും തീരു-

മാനമെടുക്കുന്നതൊരു കല തന്നെ!

14/10/2021

നന്ദിയേക്കാളും വിലയേറി യതായി

ഒന്നുമേയില്ലയീ ഭൂലോക, ത്തറിയൂ.

നന്ദിയെന്നുള്ള വികാരപ്രകടനം 

എന്നുമെല്ലാർക്കുമേ സന്തോഷ ദായകം!

15/10/2021

എത്രയത്ഭുതകരമാണീ  ലോകമെ-

ന്നെത്രയോയാളുകൾ നിങ്ങളോ ടായ് ചൊല്ലും  

എങ്കിലും, 'നിങ്ങളൊരത്ഭുത'മീ ലോക-

ത്തെന്നുചൊല്ലുന്നതപൂർവ്വം പേരായിടും.

16/10/2021

കരയും സ്വയം നാം ജീവിതാരംഭ ത്തിൽ

കരയുമന്ത്യത്തിൽ നമുക്കായി യന്യർ

ഇടയ്ക്കുള്ള വിടവ് നികത്തിടൂ നന്നായ്

ഇമ്പമോടെ ചിരിച്ചുംകൊണ്ട് കഴിവതും.

17/10/2021

ആത്‍മീയമാകും സുഗന്ധംപോൽ പുഞ്ചിരി,

ആരിലുമത്തറൊരല്പം തളിക്കുകിൽ 

ചുറ്റിലുംനിൽക്കുന്നയാരിലുമൊന്നുപോൽ

ചെന്നെത്തിടുമാ പരിമളം, നിശ്ചയം!

18/10/2021

ഒരുകയ്യ് നീട്ടിക്കൊടുത്തിട്ടു നിങ്ങ-

ളൊരാളെ സഹായിക്കിലതു തന്നെയാ-

മൊരേറെ വിലയുള്ള കാര്യ, മിരു

കരങ്ങളെടുത്തു തൊഴുന്നതേ ക്കാളും!

19/10/2021

ഇല്ലാത്തൊരുനിലയിൽ നിന്നു ള്ളതിലേക്ക്‌

നല്ലപോൽകാര്യങ്ങളെത്തിക്കു കെന്നതാം

ജീവിതവിജയത്തിനുത്തമമാകും

പോംവഴിയെന്നതറിഞ്ഞു ജീവിക്കുക.

20/10/2021

എന്താകുംശരിയെന്നുതിരിച്ച റിഞ്ഞീ-

ടാതെയൊന്നുംശരിയായ് ചെ യ്യാത്തവൻ,

കാര്യാകാര്യങ്ങളെന്തെന്നറിയാത്തവൻ,

ധൈര്യം കൈക്കൊള്ളാനറി യാത്ത ഭീരുവാം.

21/10/202

ഏറ്റവും വലിയ ദാനമാരോഗ്യവു-

മേറ്റവും വലിയ ധനം സംതൃ പ്തിയും.

സ്നേഹിതൻ വിശ്വസ്ഥനോ,നല്ല ബന്ധുവാം,

സ്വതന്ത്രമാകും മനമനുഗ്രഹവും!

22/10/2021

ആരാണ് നമ്മൾക്കു മുന്നിലെ ന്നുള്ളതോ 

ആരാണു നമ്മൾക്ക് പിറകിലെ ന്നുള്ളതോ 

ആയിടായേറ്റവും പ്രാധാന്യമർ ഹിക്ക 

ആരാണു നമ്മളോടോപ്പമെ ന്നുള്ളതാം.

23/10/2021

ചിലതു കാണാതിരുന്നുവെന്നാകിലും,

ചിലതു കേൾക്കാതിരുന്നുവെന്നാകിലും,

മൗനം പലപ്പോഴും പാലിച്ചിരു ന്നാലു-

മേറെ മനോഹരമായ് മാറാം  ജീവിതം!

24/10/2021

മറ്റൊരാളെ ജീവിതത്തിന്റെ താഴത്തെ-

യറ്റത്തുനിന്നുമുയർത്തി മുകളിലേ-

ക്കെത്തിക്കുവാൻ കഴിഞ്ഞാലതു ജീവി

തത്തിലെ നല്ലോരനുഭവ മായിടും!

25/10/2021

സന്തോഷമന്വേഷിച്ചങ്ങു നട ക്കുകിൽ 

അന്ത്യമുണ്ടാകില്ല, കൈവരി ല്ലങ്ങനെ.

സന്തോഷമന്യർക്കു നൽകുവാ നാകുകിൽ

സന്തതം തിരികെ വരുമത് നിശ്ചയം.

26/10/2021

മറ്റുള്ളവരുടെ സന്തോഷത്തി   ന്നു ന-

മുക്കും പങ്കുണ്ടെങ്കിൽ സന്തോ ഷകരമത്. 

മറ്റുള്ളവർക്കൊരുദാനമായ് നൽകുവാൻ

പറ്റും സമ്മാനമാം നാം നല്ല മാതൃക!

27/10/2021

ബലമേകിടും പ്രയാസങ്ങൾ മനസ്സിന്,

ബലപ്പെടുംപോൽ വേലചെയ്യും ശരീരം

ചിലതൊക്കെയവഗണിക്കാനായ് പഠി-

ക്കിലവ മനസ്സിന്ന് സമാധാന മേകും!

28/10/2021

സാഗരത്തിരമാലകൾതന്നനുസ്യൂതമാം  

രാഗവായ്പ്പിലലിയുമാ മണൽ ത്തരികൾ

പാൽനുരകളമരുന്ന തരിത രിപ്പിൽ

പാരംകോരിത്തരിച്ചങ്ങു  മയക്കമായി.

29/10/2021

സ്വയം നിങ്ങൾ സന്തോഷമോ ടെയിരുന്നാൽ 

സന്തോഷവാന്മാരായ് മാറിടും, നിങ്ങളെ

നോക്കുന്നയന്യരും, സംശയമി ല്ലതിൽ,

നന്മ നിങ്ങൾ പകർത്തീടുന്നറി യാതെ!

30/10/2021

ഓരോകറുത്ത മേഘത്തിന്നു മോരത്തു 

ഓരോവെളുത്ത രേഖയ്ക്കു മുണ്ടാമിടം!  

കാത്തുസൂക്ഷിച്ചീടതിന്നാലെയാശകൾ

ഒത്തുവന്നെങ്കിലോ സന്ദർഭമേ റെയായ്.

31/10/3021

നല്ല കർമ്മങ്ങൾക്കു പിന്നിലു ണ്ടായിടും 

നേരായ ചിന്തകളെന്നതു നിശ്ചയം 

വിജയത്തിൻ പിന്നിലുമുണ്ടാ മതുപോൽ  

വലിയ പ്രവർത്തികൾ, സംശയ മെന്യേ!

01/11/2021

വിസ്മയത്തിന്റേയുമനുഭവത്തിന്റേം 

വൻപെഴും ശ്രേണിതന്നാകുന്നു ജീവിതം.

അനുഭവത്തിൽനിന്നും പാഠം പഠിയ്ക്കൂ

അത്ഭുതങ്ങളെത്തിരിച്ചറിഞ്ഞീ ടുക.

02/11/2021

വെളിയിലേയ്ക്കുള്ള വഴികൾ ക്കെല്ലാമേ

വരുവാനകത്തേക്കും കാണും കവാടം

അന്ത്യങ്ങൾക്കെല്ലാമതുപോലെ തന്നൊരു

പുതിയ തുടക്കവുമുണ്ടായിരിക്കും!

03/11/2021

വിജ‌യം നേടീടുവാനായി വേണ്ടുന്ന

വലിയ ഘടകമാണാത്മാഭിമാനം!

നേടുവാനാമെന്നും, യോഗ്യത യുണ്ടെന്നും,

കിട്ടുമെന്നുമൊരുറപ്പതിന്നായ് വേണം.

04/11/2021

പ്രായമേറേ മനോഹാരിത പോയിടാ,

പോയീടുമത് ഹൃദയത്തിന്റെ യുള്ളിലായ്.

പുഞ്ചിരിക്കും മുഖം സൗന്ദര്യ പൂരിതം,

പുഞ്ചിരിക്കുന്ന ഹൃത്താഹ്ലാദ പൂരിതം.

05/11/2021

വിവരങ്ങളെല്ലാമറിയുമ്പൊഴേയ്ക്കും

വാർദ്ധക്യസമയമെത്തി നോക്കീടും  !

മറവിയിലേയ്ക്കൂളിയിട്ടു തുടങ്ങു-

മതുവരെയറിഞ്ഞ കാര്യങ്ങ ളൊക്കെ.

06/11/2021

അന്യർക്കായെത്രയേറെക്കാര്യം ചെയ്താലും 

അവരിൽനിന്നൊന്നും പ്രതീക്ഷി ച്ചിടാതെ,

സ്വയം നമുക്കേകുവാനാകുന്ന നല്ല 

സമ്മാനമാകുന്നു മനസ്സമാധാനം.

07/11/2021

അർഹതപ്പെട്ടോരു ജീവിത ത്തിന്റെ തോ-

തറിയേണ്ടതാജീവിതം പ്രവർ ത്തിച്ചു

കാണിച്ച നല്ലകാര്യങ്ങളെന്തെ ന്നതാ-

കേണ,മല്ലാതെത്രനാൾ ജീവി ച്ചെന്നല്ല.

08/11/2021

കണ്ടവ കണ്ടതില്ലെന്നു നടിച്ചില്ലേ?

കണ്ടുകൂടാത്തവകാണാൻ കൊതിച്ചില്ലേ?

കാണുവാനാകാത്ത കാര്യങ്ങൾ പോലുമേ

കണ്ടുവെന്നങ്ങു നടിച്ചു നടന്നില്ലേ!

09/11/2021

പ്രതീക്ഷയർപ്പിച്ചിടൂ സ്വന്തം കഴിവിൽ

പ്രചോദനമേറെയുണ്ടാമതിൽ നിന്നും.

പ്രതീക്ഷയന്യരിലേറെയർപ്പിച്ചെന്നാൽ 

പ്രതിലോമ ഫലമുണ്ടായെന്നും വരാം.

10/11/2021

തന്നുടെ പോരായ്മയറിയുന്നയാളിന്  

നന്നായറിയാമയാളുടെ ശക്തിയും.

തെറ്റുകളിൽനിന്നും പാഠംപഠിക്കുവോർ

തീർച്ചയായും ബുദ്ധിശാലികളായിടും.

11/11/2021

ജ്ഞാനികൾതൻ തലച്ചോറിൽപ്പോലും ബുദ്ധി-

ഹീനമാകുമൊരു കോണുണ്ട,തറിയുക! 

പ്രകോപിതനാകുകിൽ ചിന്തിച്ചിടേണം,

പരിണാമമെന്തായിമാറാമതിന്റേന്ന്!

12/11/2021

വ്യക്തിത്വത്തിലുള്ള പ്രത്യേകതയാകും

വേറിട്ടൊരാളായി നിങ്ങളെക്കാണുക

വേറൊരാൾക്കായിട്ടൊരിക്കലും തന്നുടെ

വ്യക്തിത്വം നഷ്ടമാകാനിടയായിടാ.

13/11/2021

ചന്തമുള്ളാനനത്തിന്നും വയസ്സാകും

ചുക്കിച്ചുളിഞ്ഞിടും തനുവുമന്നേരം   

സുന്ദരമാമൊരാത്മാവിന്റെ സൗന്ദര്യം

ചന്തം തികഞ്ഞുതന്നെന്നും നിലനിൽക്കും!

14/11/2021

നമ്മൾ പ്രത്യാശിക്കും സന്തോഷമൊന്നുമേk

സമ്മോഹനകരമാകേണമെന്നില്ല

പ്രശ്നങ്ങളൊന്നുമേയതുപോലെയാരും 

പ്രതീക്ഷിക്കുംവിധം  കലുഷിതമാകാ.

15/11/2021

വൈദ്യുതിയന്ത്രത്തിൻ തുല്യമാം ജീവിതം

വൈദ്യുതി തുല്യമാം പുഞ്ചിരിക്കെന്നതും 

പുഞ്ചിരിച്ചാ യന്ത്രം ഊർജ്ജസ്വലമാക്കൂ

പുഞ്ചിരിക്കൂ ധന്യമാക്കിടൂ ജീവിതം.

16/11/2021

ഒരോരോ കാര്യവും ചെയ്യുവാനായിട്ടു 

തീരുമാനിക്കും മുൻപുറപ്പാക്കണമത്

സന്തോഷദായകമാകുമെന്നും മന-

സ്സിന്നതാനന്ദം പകർന്നു തരുമെന്നും.

17/11/2021

നല്ല കാര്യം വരാം വിശ്വസിച്ചീടുകിൽ

നല്ലതേറെ വരാം സഹനമുണ്ടെങ്കിൽ  

കൈവിടാനത്രവേഗം തയ്യാറല്ലെങ്കിൽ 

കൈവന്നിടാമേറ്റവും നല്ലകാര്യങ്ങൾ.  

18/11/2021

ഇഷ്ടപ്പെടുന്നവ ചെയ്താലോ,സ്വാതന്ത്ര്യം

ഇഷ്ട്ടപ്പെടുകിലോ ചെയ്തതി,ലാഹ്ലാദം.

തെറ്റുകൾ കണ്ടുപിടിക്കയെളുപ്പമാം

തെറ്റാതെ ചെയ്യുകയാവില്ലെളുപ്പവും!

19/11/2021

മായ്ക്കുന്ന റബ്ബറുപയോഗിക്കാതെവ-

രയ്ക്കുന്ന കലയാണ് ജീവിത,മതിനാൽ

വിലയേറും ജീവിതത്താളിൽ ചെറുതായ്  

വരയ്ക്കും തീരുമാനങ്ങളും ശ്രദ്ധിക്കൂ.  

20/11/2021

എത്രയാഴത്തിൽപ്പതിഞ്ഞുവെന്നാകിലും

എത്രനേരം കാണപ്പെട്ടുവെന്നാകിലും,

മറ്റൊരു തിരവന്ന് മായ്ക്കുംവരെ മാത്ര-

മായുസ്സുണ്ടാകും കാൽപ്പാടുകളാം നമ്മൾ.

21/11/2021

അത്രയെളുപ്പമല്ലാത്തൊരീ ജീവിതം

എത്രയെളുപ്പമാക്കാമെന്നതിന്നായി 

കൈവിട്ടിടൂ ചിലകാര്യങ്ങളൊക്കെയും

കൈവരിച്ചീടുക മറ്റുചിലതൊക്കെ.

22/11/2021

ജാഗ്രതയോടെ നിരീക്ഷിച്ചു പ്രശ്നങ്ങൾ

സ്ഥിരതയോടേ പരിഹാരം കണ്ടീടു-

മോരോ വ്യക്തിയും സ്വയമറിയാതെത-

ന്നൊരു നല്ല പ്രതിഭാശാലിയായ് മാറും!   

23/11/2021

എത്രയും നിർമ്മലമാമൊരു ഹൃദയം

ഏറ്റവും നല്ലോരു ദേവാലയമാകും

മിടുക്കുകാട്ടിടും മുഖത്തേക്കാൾ ശ്രദ്ധ  കൊടുക്കും ഹൃദയത്തെ വിശ്വസിക്കണം. 

24/11/2021

ചെറിയകാര്യങ്ങൾക്കുപോലും നമുക്ക്

ചിലപ്പോൾ കൃതജ്ഞരാകേണ്ടിവന്നീടും

കൃതജ്ഞത കാട്ടി മരുവുന്ന ജീവിതം

സന്തുഷ്ടിയും ശാന്തതയും വരിച്ചിടും.

25/11/2021

കാലവും ദൂരവും സാഹചര്യങ്ങളും

കാലാകാലങ്ങളിൽ മാറിമാറി വരും. 

തരുമത് ബാക്കിയായ് ഓർമ്മകളും കുറേ തിരിച്ചറിയാത്ത സ്നേഹബന്ധങ്ങളും.

26/11/2021

ജീവിതമെന്നും സമതുലിതമാക്കൂ.

അവഹേളിതനാകാ, ദയാവാനാകൂ,

ചതിയ്ക്കപ്പെടായ്ക,വിശ്വാസമർപ്പിക്കൂ

സംതൃപ്തനാകിലു,മുന്നതി കാംക്ഷിക്കൂ. 

27/11/2021

സ്വാർത്ഥതയെന്നതിരുവശവും നല്ല

മൂർച്ചയേറുമൊരു വാളെന്നതറിയൂ

ജനസമ്മതിയെ മുറിക്കും പുറത്തെ

മുന,യകത്തേതോ പരിശുദ്ധിയേയും!

28/11/2021

തിരക്കാണെങ്കിലെല്ലാമെളുപ്പം, മടി-

ച്ചിരുന്നാലൊന്നുമെളുപ്പവുമാകില്ല.

സൗഭാഗ്യവാന്മാർക്കെളുപ്പം ദുരിതമ- 

നുഭവിക്കുന്നവർക്കുപദേശം നൽകാൻ.

29/11/2021

ആഗ്രഹിക്കുന്നവ ചെയ്യാൻകഴിയുന്ന

യാരുമേ കേമരായീടുമത് നിശ്ചയം.

ചെയ്യുവാൻ തന്നാൽ കഴിയുന്നവ മാത്രം

ചെയ്യുവാനാഗ്രഹിക്കുന്നോർ വിവേകികൾ.

30/11/2021

പലപ്രാവശ്യം നാവിനേക്കടിച്ചു പല്ല്

പരിക്കേൽപ്പിച്ചെന്നാലുമവരു രണ്ടും ഒത്തുരുമയോടെയെല്ലാം മറന്നും പൊ-

റുത്തും പ്രവർത്തിച്ചിടുമെന്നുമെപ്പോഴും.

01/12/2021

പൂർണ്ണതയുള്ളോരു മാന്യനായീടുവാൻ

പോംവഴിയെന്തെന്നു ചോദിച്ചാലുത്തരം 

ആരോഗ്യമുള്ളോരുടലിന്റെയുള്ളിലാ

യുറപ്പുള്ള മനസ്സ് വേണമെന്നുള്ളതാം.

02/12/2021

പൊറുത്തു നിങ്ങളെന്നതിന്നുടെയർത്ഥം

മറുവശത്തെയാൾ ശരിയാണെന്നല്ല;

മറിച്ചു നിങ്ങളോ സ്വതന്ത്രനായിടും വെറുത്തിടേണ്ടയാ സമസ്യയിൽനിന്നും.

03/12/2021

അനുകമ്പതോന്നും പദങ്ങൾ ചൊല്ലീടാൻ 

അനായാസമാകാമതുപോലെതന്നെ 

ചെറുതാകാമെന്നാലവതൻ മാറ്റൊലി 

ഏറെയകലത്തിലെത്തിയെന്നുവരാം.

04/12/2021

കൃത്യങ്ങളൊരു വ്യക്തി ചെയ്തതളക്കാൻ

കൃത്യതയേറുമൊരളവുകോലയാൾ 

ചെയ്തകാര്യങ്ങളേയല്ലെന്നു വരുകി-

ലയാളുചെയ്ത സംഭാവനകളാകാം.

 05/12/2021

സംസാരിക്കും ചൊടി കുറയ്ക്കും സമസ്യ 

സംസാരിക്കാത്തവയൊഴിവാക്കുമവ.

ചിരിക്കും ചൊടി പരിഹരിക്കും സമസ്യ,

ചിരിക്കൂ കഴിവതും പ്രശ്നങ്ങൾ തീർക്കൂ. 

06 /12/2021

അന്യർക്കു നന്മചെയ്യുന്നതൊരിക്കലും

അല്ലയൊരു കടമ, മറിച്ചെന്നുമത്  

മനസ്സിന്ന് സന്തോഷവും സമാധാനവു- 

മതുപോലെയാരോഗ്യവുമെന്നുമേകും..

 07/12/2021

ഒന്നിന്നുമേയില്ല സ്ഥിരതയെന്നൊന്ന്

ഊന്നൽ കൊടുത്തിടാ ഒന്നിന്നുമതിനാൽ

അവസ്ഥയെത്രതന്നെമോശമാണേലും 

അതിനൊരുമാറ്റമുണ്ടായിടും തീർച്ച.

08 /12/2021

അന്യരെ വേദനിപ്പിക്കുന്ന കാര്യങ്ങൾ

മനസ്സിലൊതുക്കിക്കഴിയുക വേണം

അതുപോലന്യരറിയേണ്ടവ ഹൃത്തി-

ലോതുക്കിയവരെ വേദനിപ്പിക്കരുത്.

09 /12/2021

വൃക്ഷങ്ങൾ വളരുന്നുവെന്നല്ലേചൊൽവൂ,

വൃദ്ധരാകുന്നുവെന്നല്ലല്ലോ ചൊല്ലുക?

മനുഷ്യരും വളരുന്നതുപോലെന്നു  

മനസ്സിലാക്കീടുകയല്ലേയുചിതം?

 10 /12/2021 

പക്ഷിതുല്യം കഷ്ടതയും സംഘർഷവും 

പാറിപ്പറക്കുവാനാകില്ല രണ്ടിനും    

നമ്മുടടുത്തെത്തിയാലോ തടഞ്ഞിടാം,

നമ്മടുള്ളിൽ കൂടുകൂട്ടാതിരിക്കുവാൻ.

11 /12/2021

കാര്യങ്ങളോരോന്നും ചെയ്യുവാനായിട്ടു 

തീരുമാനിക്കും മുൻപുറപ്പാക്കിടേണം

സന്തോഷദായകമാകുമെന്നും മന-

സ്സിന്നതാനന്ദമേകീടുമെന്നുള്ളതും.

12  /12/2021

ഓരോരോ കാര്യവും സംഭവിക്കുന്നതിൻ

കാരണവുമെന്തുകൊണ്ടതുണ്ടായെന്നും 

ഒരു തിട്ടവുമില്ല,തിനാലെയെല്ലാം 

നേരിട്ടുകൊണ്ടു മുന്നോട്ടു പോയീടുക. 

 13 /12/2021

സൗന്ദര്യത്തേക്കാൾ സ്വഭാവമഹിമയും 

സമ്പത്തിനേക്കാൾ മനുഷ്യത്വമെന്നതും

മികവ് പുലർത്തീടുമെങ്കിലുമേറ്റവും 

മികച്ചത് ബന്ധങ്ങൾ സൂക്ഷിക്കുകെന്നതാം.

14  /12/2021

കാലൊന്നു തെറ്റിയാൽ നേടാം സമനില 

വേലികെട്ടാം വിവേകത്തെ മൗനത്താലെ

വായിൽനിന്നുംവാക്കു വീണുപോയെന്നാ,ലാ-

വില്ലതിന്നെതിരിച്ചെടുത്തീടുവാൻ.

15  /12/2021

വെല്ലുവിളികൾ ജീവിതത്തേയെന്നും

നല്ലപോൽ രസകരമാക്കി മാറ്റീടും.

അവയെയതിജീവിച്ചീടാൻ കഴിഞ്ഞാൽ 

ജീവിതത്തെയർത്ഥവത്താക്കി മാറ്റിടാം.

16  /12/2021

ഓരോദിവസവും വിസ്മയകരമാ-

ണോരോ നിമിഷവും സുന്ദരകരവും

ഹൃദയസ്പന്ദനമോരോന്നുമതുപോ-

ലനുഗൃഹീതമാണി,ല്ലൊട്ടു സംശയം.

 17 /12/2021

സന്തോഷത്തിന്റെയും സന്താപത്തിന്റെയും

സമ്മിശ്രമാമൊരു വൃത്തമാം ജീവിതം

വല്ലാത്ത കഠിനകാലം വന്നുവെന്നാൽ   

നല്ലയുടെ നാളുകളെത്തും പിറകേ!

 18 /12/2021

തെറ്റുകൾ പെട്ടെന്നു ശ്രദ്ധനേടുമെന്നാൽ 

തെറ്റുകളൊക്കെ ക്ഷമിച്ചു പൊറുക്കുകിൽ

നൽകുമതാശ്വാസമേറെ ഹൃദയത്തി-

നതിനാൽ ഹൃദയവിശാലത കാട്ടൂ.

 19 /12/2021

ജീവിതവീഥിയിലൊഴിവാക്കിടുവാ-

നാവാത്ത മൂന്നു കാര്യങ്ങളുണ്ടറിയൂ

ജയവും പരാജയവും പലതും പങ്കു  

വയ്ക്കെന്നതുമാർക്കുമനുഭവിക്കേണം.

 20 /12/2021

ഉറങ്ങിയെങ്കിലേ സ്വപ്‌നങ്ങൾ കണ്ടിടൂ

ഉറങ്ങാതിരുന്നാലേ ലക്ഷ്യത്തിലെത്തൂ 

വ്യാകുലപ്പെടുവാനായൂർജ്ജം കളയാ, 

വിശ്വാസവുമാശയും കാക്കാനായിടാം. 

 21 /12/2021

അധികമായ് ചിന്തിച്ചു കൂട്ടുക വേണ്ടാ,

അറിയില്ലയുത്തരമെന്നുവന്നാലും,

അതിനെച്ചൊല്ലി വേവലാതിപ്പെടേണ്ടാ,

പ്രതീക്ഷിക്കാതെത്തുമതിന്റെയുത്തരം.

22  /12/2021

ഒരുനല്ല ദേവാലയമാകുമെന്നും 

പരിശുദ്ധിയേറെയുള്ളോരു ഹൃദയം

വിശ്വസിക്കാ മോടിയേറും വദനത്തെ

വിശ്വസിക്കൂ ശ്രദ്ധനൽകും ഹൃദയത്തെ.

23  /12/2021

ഏറെനാൾ ജീവിച്ചിരിക്കേണമെങ്കിലോ

ഏറെപ്പതുക്കെജീവിച്ചുമുന്നേറണം. 

വർത്തമാനത്തിലേയാഗ്രഹം നേടുവാൻ

വരാനിരിക്കുന്നവയെ ഹനിച്ചിടാ.

24/12/2021

പത്തുലക്ഷം നാളെകൾക്കുമൊരായിര-മിന്നലെകൾക്കുമിടയിലൊരേയൊരു

ഇന്നെന്ന ദിവസമേയുള്ളതുകൊണ്ടാ-

ദിനത്തെയൊരിക്കലും പാഴാകിടായ്ക.

25/12/2021

പഴയ ബന്ധങ്ങൾ ലിപികൾക്കു തുല്യം 

പുതിയവ കഥാസമാനവുമാകാം 

കഴിവതും മറന്നിടാ ലിപികളെ  

കഥകൾ വായിക്കാനവ വേണ്ടിവരും.

26/12/2021

കണ്ടുപിടിക്കപ്പെട്ടയൊരു ചെറിയ

കള്ളം മതി സത്യത്തെ സംശയിക്കുവാൻ.

തെറ്റുകളെ സ്വയമേറ്റെടുക്കുന്നവർ

മുറ്റും കുറച്ചുപേരേ കാണുകയുള്ളു.  

27/12/2021

നിങ്ങൾതൻ ചിരിയുടെ പിറകിലുള്ള

നോവു,മതുപോലെ രോഷത്തിൻ പിന്നിലെ

സ്നേഹവും, മൗനത്തിൻ കാരണവും മന-

സ്സിലാക്കുന്നോരെ മാത്രം വിശ്വസിച്ചീടൂ. 

28/12/2021

നായകന്മാരുടെ പ്രഥമ ധർമ്മമാം 

നീതിയുക്തത കാട്ടീടുകയെന്നതും

അവരെ അനുസരിക്കുന്നവർക്കുള്ള

ആവലാതിയൊക്കെ തീർക്കുകയെന്നതും.

29/12/2021

അറിയാത്ത കാര്യങ്ങളെന്തും പഠിക്കാൻ

അതിയായതാൽപ്പര്യംകാണിക്കുകെന്നത്

അറിവും വിവേകവുമേറിയെന്നതിന്

തീർച്ചയായും നല്ല തെളിവായിരിക്കും.

30/12/2021

ജീവിച്ചിടവേണമന്നന്നത്തേയ്ക്കെന്നു

ചിന്തിക്കുന്നോരൊക്കെ സന്തോഷമുള്ളവർ.

ഉള്ളതുകൊണ്ടവർ സംതൃപ്തരായിkടും

ഉണ്ടാകുകില്ലവർക്കേതും പരാതികൾ!

31/12/2021

ജീവിതത്തിൽ ഏറ്റവും വലുതായ വെ-

ല്ലുവിളി നിങ്ങളാരെന്നു സ്വയമേവ

അറിയുകയെന്നതാം, രണ്ടാമത്തേതോ 

അറിഞ്ഞതുമായിപ്പൊരുത്തപ്പെടുകയും!

01/01/2022

പോയോരു കാലം മറന്നുപോയീടണം  

പാഴാക്കുവാനായതിനെയൊരിക്കലു2-

മനുവദിച്ചീടരുതീനല്ല വർത്ത- മാനകാലത്തെ,യതാസ്വദിച്ചീടണം.

02/01/2022

ഉല്ലാസമോടേ കടന്നുവരും പുതു-

വത്സരമേറെപ്രതീക്ഷകൾ തരുവാൻ

ലാഭേച്ഛ തെല്ലുമേയില്ലാതെ വർത്തിച്ചാൽ

ശുഭകരമാകും പ്രതീക്ഷകളൊക്കെ.

03/01/2022

വ്യക്തിത്വം രക്ഷപ്പെടുവാനൊരിക്കലു-

മാകാത്തൊരു കാരാഗൃഹംപോലെയാകാം

അതിൽനിന്നു മോചനമാഗ്രഹിക്കാതെ-

യതുയർച്ചയ്ക്കുള്ളയാധാരമായ്ക്കാണൂ.

04/01/2022

എല്ലായ്പ്പോഴും നല്ലകാര്യങ്ങളുണ്ടാകു 

കില്ലെന്നത് പച്ചപ്പരമാർത്ഥം മാത്രം.

സാധ്യമാകുന്നവയാകട്ടെയെപ്പോഴും

ശരിയായിരിക്കേണമെന്നുമില്ലല്ലോ!

05/01/2022

അന്യർക്കു നിങ്ങളിലാത്മീയമായിട്ടു

ജ്ഞാനം വളർത്തിയെടുക്കുവാനാകില്ല!

സ്വയമേവയുള്ളിൽനിന്നും വളരാനായ് ,

സ്വന്തമാത്മാവൊരദ്ധ്യാപകനാകേണം!

06/01/2022

മടങ്ങിവരേണമെന്നില്ലയൊരുനാൾ

മറഞ്ഞ മനോഹരമാം നിമിഷങ്ങൾ 

നിറഞ്ഞങ്ങു നിന്നീടുമെങ്കിലുമുള്ളിൽ 

മറഞ്ഞവർതൻ മധുരിക്കുമോർമ്മകൾ.

07/01/2022

തന്നുടെയന്തരംഗത്തിൽ മനശ്ശാന്തി-

യെന്നതൊന്നില്ലയെങ്കിൽ പിന്നെയതിനായ്

വെളിയിലന്വേഷിച്ചീടുകിൽ കിട്ടുമോ

വെറുതേ പരിശ്രമിച്ചീടുക വേണോ?

08/01/2022

സന്തോഷമേകിടും സംതൃപ്തി, കുറച്ചു

സമയത്തേയ്ക്കെന്നാൽ സംതൃപ്തിയാകട്ടെ,

സന്തോഷമേകിടും എന്നെന്നത്തേയ്ക്കു,മാ

സന്തോഷമല്ലയോ നിർവൃതിദായകം!

09/01/2022

നഷ്ടദിനങ്ങളിൽ കൂടുതലായ് ശ്രദ്ധ

നേടുന്ന ദിവസം നിങ്ങൾ ചിരിക്കുവാൻ 

മറന്നുപോയോരു ദിനമായിരിക്കു-

മതിലൊട്ടുമേ സംശയം വേണ്ടതില്ല. 

10/01/2022

നല്ലവയല്ലാത്ത കാര്യത്തിലൊക്കെയും

നല്ലതായിട്ടുള്ള കാര്യമൊന്നുണ്ടാകാം

നിശ്ചലമായ ഘടികാരത്തിൽ കാണാം 

നിത്യവും രണ്ടുനേരം കൃത്യസമയം!

11/01/2022

തെറ്റുചെയ്താലധികംപേരുമൊന്നുപോ-

ലേറ്റുചൊല്ലീടും 'ഖേദിക്കുന്നു ഞാ'നെന്ന്

'തെറ്റു തിരുത്തേണ്ടതെങ്ങനെയാണെന്നു

ചെറ്റും കുറച്ചുപേർ മാത്രമേ ചോദിക്കൂ!

12/01/2022

ന്യായാധിപന്മാരുടെ മുന്നിലേക്കെത്തു-

ന്നയോരോരോ വാദിക്കുമതുപോലെത-

ന്നെയോരോ പ്രതിക്കുമറിയാം സത്യമെ- ന്നാലതറിയില്ല ന്യായാധിപന് മാത്രം!

13/01/2022

വിശ്വസ്തതയുള്ള ബന്ധങ്ങളൊക്കെയും

വെള്ളത്തിനുതുല്യമാണെന്നതറിയൂ.

നിറമോ, രുചിയോ രൂപമൊയില്ലെന്നാ-

ലേറിയ പ്രാധാന്യമുണ്ടാ ബന്ധങ്ങൾക്ക്.

14/01/2022

മനുഷ്യചിന്തതൻ പരിധിയില്ലായ്മ

മനസ്സിലാക്കുവാനെളുപ്പമാം മാർഗ്ഗം 

കനവിലുണ്ടാകും വിചിത്രമാം പ്രവർ-

ത്തനങ്ങളെ വിശകലനം ചെയ്‌വതാം!

15/01/2022

അറിവുനേടുന്നതിനായി നാമാദ്യ-

മറിയേണമജ്ഞതയുണ്ടു നമുക്കെന്ന്.

താനാണെന്നും ശരിയെന്നു ചിന്തിക്കില- തിനർത്ഥം താനൊന്നും പഠിച്ചില്ലയെന്നാം.

16/01/2022

കനിവെത്രയോ വിലപ്പെട്ടോരു കാര്യം, 

കയ്മാറിടേണമത് കിട്ടുന്നതിലേറെ.

കനിവ് കാട്ടുന്നൊരാളെത്രയോസുന്ദരൻ, 

കാഴ്ചയിലെത്ര വിരൂപനാണെങ്കിലും!

17/01/2022

അന്യരെ സന്തോഷിപ്പിക്കുവാനായുള്ള

അവസരവും കഴിവുമുള്ളോരൊക്കെ 

അതുതാൻ ചെയ്യൂ മടിയൊട്ടുമില്ലാതെ 

അവരെയാണിന്നീലോകത്തിന്നാവശ്യം.

18/01/2022

അനുഭവജ്ഞാനം നേടുന്നതിന്നായി

അമളികൾ കാട്ടേണ്ടതായ് വരുമാദ്യം!   

സ്ഥിരമാമൊരു തീരുമാനമെടുക്കാ,യ-

സ്ഥിരമാകുമൊരു മനോഭാവത്താലേ.

19/01/2022

നല്ല ബന്ധങ്ങൾക്കനിവാര്യമാണൊരു

നല്ല ഹൃദയവുമുറച്ച വിശ്വാസവും

അല്ലാതെ സുന്ദരമുഖവും ശബ്ദവു-

മല്ല വേണ്ടീടുകയെന്നതറിയണം.

20/01/2022

മനസ്സെന്നത് ചിന്താധാരകൾ തന്നുടെ

കനമേറിടും ഗതാഗതം പോലെയാണ്.

തെരഞ്ഞെടുത്തീടുക വഴികൾ കരു-

തലോടപകടമില്ലാത്തതെന്നറിഞ്ഞ്.  

21/01/2022

നിങ്ങളെ മനസ്സിലാക്കുന്നയൊരാളെയും

നിങ്ങൾക്കു കണ്ടെത്താനാകില്ലെന്നു വരാം 

എന്നാലുമെത്രയോ പേരാഗ്രഹിക്കുന്നു

മനസ്സിലാക്കേണമവരെ നിങ്ങളെന്ന്.

22/01/2022

വിവേകമേറ്റവും മൂല്യമേറും ധനം 

വിശ്വാസമോ മികവുള്ള സുരക്ഷയും  

ശക്തിയേറുമായുധം ക്ഷമ, ചിരി ഔ-

ഷധം, എന്നാലിവയെല്ലാം സൗജന്യം!

23/01/2022

ചിലർക്കൊക്കെ നിങ്ങൾ വെളിച്ചംകാട്ടുകിൽ

പലരും കാട്ടിടാം വെളിച്ചം നിങ്ങൾക്കും. 

വെളിച്ചമീലോകത്തുള്ളകാലത്തോളം 

വഴിയുമാശയുമുണ്ടായിടും ദൃഢo.

24/01/2022

നമ്മുടെ മുടിയും നഖവും പോലെയാം.

നമ്മൾതൻ സ്വപ്നങ്ങളുമാഗ്രഹങ്ങളും

വെട്ടിക്കളഞ്ഞുവെന്നാലുമിടയ്ക്കിടെ,

വീണ്ടുമവ വളരാതെയിരിക്കില്ല!

25/01/2022

എല്ലാംതികഞ്ഞവരായാരുമുണ്ടാക-

യില്ലീയുലകത്തിലെന്നതാം വാസ്തവം.

ഏകാന്തപഥികരായ് മാറിടും നിങ്ങൾ

ഏവരേയും ചെറുതെറ്റിനകറ്റിയാൽ!

26/01/2022

ജീവിതമാം സിനിമാ നടിച്ചു സ്വയം  

സംവിധാനം ചെയ്തു പണവുമിറക്കി     

തിരക്കഥയെഴുതി പടം പിടിക്കിൽ  

തിരുത്തലും സ്വയം നടത്തിടാമല്ലോ?

27/01/2022

സന്തോഷം വന്നാലുമില്ലെങ്കിലും നമ്മൾ

സന്തോഷമെന്നതൊന്നില്ലാതെ വന്നാലും 

സന്നാഹമോടെയിരിക്കാൻ പഠിക്കണം

സമാധാനമെന്നും മനസ്സിനുണ്ടാകാൻ.

28/01/2022

പറന്നീടുവാനാഗ്രഹിക്കുന്നുവെങ്കിൽ

മറക്കേണമേറെ ഭാരിച്ചവസ്തുക്കൾ.

അന്തരീക്ഷമനുകൂലമായുള്ളതും

സ്വന്തമാം കൂരയും ജീവിക്കാനാധാരം.

29/01/2022

ആശയക്കുഴപ്പമോടോടുന്നതിൽ ഭേദം  

ആത്മവിശ്വാസവുമായ് നടക്കെന്നതാം.

ആരേയുമനുകരിക്കാതെയിരിക്കേ 

ആരിൽനിന്നുമെന്തും പഠിക്കയുമാകാം.

30/01/2022

ആകാരമാരുടേമളവുകോലാകാ

ആകർഷിച്ചീടാൻ, പകരമൊരാളുടെ

സത്യസന്ധതയും വിശ്വസ്തതേം തഥാ

സ്നേഹം ദയ ബഹുമാനമെന്നിവയാം.

31/01/2022

പ്രായമേറേ കൂട്ടുകാർ വിട്ടുപോയിടാ 

പ്രിയമേറെയുള്ളോരാരെന്നുമറിയാം

മോശം സമയമവർ നല്ലതാക്കീട്ട്   

മറക്കുവാനാകാത്തതായി മാറ്റീടും.

01/02/2022

അന്യർതൻ കഴിവും സ്വന്തമാം കഴിവും

അളന്നിട്ടു താരതമ്യം ചെയ്തിടാതെ 

തന്നോടുതന്നെ ദിവസവും പൊരുതി  

തന്റെ കഴിവിൻ നിലവാരമുയർത്തൂ.

02/02/2022

നമ്മളോടൊപ്പമെപ്പോഴുമുണ്ടാകുന്ന

നല്ലോരു സുഹൃത്തിനെക്കിട്ടുകയാണെ-

ന്നുമൊപ്പംനിൽക്കാൻ മനസ്സുണ്ടാകാത്ത  നൂറുസുഹൃത്തുക്കളേക്കാളും നല്ലത്.

03/02/2022

സന്തോഷമോടമ്മ കഴിയുന്നുവെങ്കിൽ  

സന്തോഷമുണ്ടായിടും വീടുകൾ തോറും 

സന്തോഷമെല്ലാ ഭവനത്തുമു ണ്ടാകിൽ 

സന്തോഷമുള്ള സമൂഹവും രാജ്യവും!

04/02/2022

ശാന്തതയോടെകഴിയുകയെന്നതൊ-

രാന്തരികമനോഭാവം, മനോഹരം.

വേണമതിന്നേറെ ക്ഷമയും ധൈര്യവും

വേണ്ടുവോളം കരുത്തും മനോദാർ ഢ്യവും.

05/02/2022

ഏറെ സന്തുഷ്ടരാം കൂട്ടുകാർക്കൊ ക്കെയും

വേറിട്ടതായിരിക്കാമിഷ്ടങ്ങൾപോലും 

എങ്കിലോ ഉണ്ടാമവർക്കൊരു ധാ രണ,-

യെന്താണപരന്റെയിഷ്ടമെന്നു ള്ളതും.

06/02/2022

പരാജയമേറ്റുവാങ്ങേ ജീവിതത്തിൽ 

പലപ്പോഴുമെത്തും ചിലസ്നേഹിതന്മാർ

ആത്മവിശ്വാസവും സ്നേഹവുമേകിയി-

ട്ടാത്മധൈര്യത്തോടെ മുന്നോട്ടു നയിക്കാൻ.

07/02/2022

അധികം സ്നേഹിച്ചിടവേണമൊ രാളെ

അയാളുടെ ദുഷ്കരമാകും ദിനത്തിൽ .

ആർക്കുമെല്ലാവരേമാകാ സഹാ യിക്കാ-

നാകുമൊരാളെ സഹായിക്കുവാനെ ന്നാൽ

08/02/2022

എപ്പോഴും വെള്ള,മതുൾക്കൊള്ളും പാത്രത്തിൻ

രൂപംകൈക്കൊണ്ടീടുമെന്നതുപോലവേ  

സാഹചര്യങ്ങൾക്കനുസരിച്ചെല്ലാരും  സ്വയമേവമാറുന്നതാകുമുചിതം.

09/02/2022

ഉത്തമമാമൊരു ബന്ധമൊരിക്കലും

വ്യക്തമാം കാരണമില്ലാതുപേക്ഷിക്കാ.

തെറ്റുചെയ്യാത്തവരാരുമേയില്ലല്ലോ!

കുറ്റമില്ലായ്കക്കുമേലാകണം സ്നേഹം.

10/02/2022

അനായാസമാകില്ല ജീവിതമെന്നാൽ

അതിനേയും മാറ്റിയെടുക്കാം നമുക്ക്

പലകാര്യങ്ങളേയും സ്വീകരിച്ചിടേ  

ചിലകാര്യങ്ങളെ അവഗണിച്ചീടാം.

11/02/2022

വാടികതന്നിലെ റോസാപ്പൂവിൻ സമം 

വിടരുവാനാശിച്ചിടുന്നെങ്കിൽ നിങ്ങൾ 

സ്വായത്തമാക്കീടണം നിങ്ങളാദ്യമാ

സൂത്രമിടപഴകീടുവാൻ മുള്ളുമായ്. 

12/02/2022

ഏറെപ്പിരിമുറുക്കം തോന്നീടുന്നെങ്കിൽ

എല്ലാമുടൻ നടക്കേണമെന്നും തോന്നും.

എങ്കിലും വിശ്വാസമുറപ്പാക്കീടുന്നു  

'എല്ലാം സമയമാകുമ്പോൾ നടന്നിടും'!

13/02/2022

കാര്യങ്ങളെളുതാമെങ്കിലും നമുക്കാ-

കേണമെന്നില്ല വേഗത്തിൽ വളരുവാൻ.

വെല്ലുവിളികളെ നേരിടേണ്ടിവന്നാൽ

വേഗം വളരുവാനായെന്നും വന്നിടും!

14/02/2022

നല്ലയൊരു ജീവിതമെന്നത് ധനവും

നല്ല മതിപ്പും പഠിപ്പുമല്ലെന്നാലോ,

ക്രിയാത്മകതയുമെളിമയും കാട്ടി 

ദയാപരരായി ജീവിക്കയെന്നതാം.

15/02/2022

ആരുംസംസാരിക്കേ അറിവുള്ളകാര്യം

ആവർത്തിച്ചീടുക മാത്രമേ ചെയ്തിടൂ

വേറെയൊരാളുടെ സംസാരം ശ്രദ്ധിക്കിൽ 

വേറിട്ടയറിവുകൾ നേടിയെടുക്കാം.

16/02/2022

തന്നുടെ ചിന്തകൾക്കധികം ശക്തിയു-

ണ്ടെന്നസത്യമറിവായാലൊരിക്കലും

വന്നീടുകില്ല നിഷേധാത്മകമാകും

ചിന്തയൊരിക്കലുമാരുടെയും ഹൃത്തിൽ

17/02/2022

ജീവിതത്തിന്നൊരുമാറ്റവുംതന്നെസം-

ഭവിക്കില്ലയൊറ്റ ദിനംകൊണ്ടെങ്കിലും 

ഒരുനിമിഷത്തിലെടുക്കുന്ന ചില 

തീരുമാനം ജീവിതത്തെ ബാധിച്ചിടാം.

??????

   

18/02/2022

ഹ്രസ്വമാകുമൊരു സന്ദർശനത്തിനീ

വിശ്വത്തിലെത്തിയവരാകുന്നു നമ്മൾ

ബുദ്ധിമുട്ടേവം ധിറുതി കാട്ടിടാതെ

സന്തോഷപ്രദമാക്കിടൂയീജീവിതം.

19/02/2022

അർത്ഥവത്തായോരു ജീവിതമെന്ന-

താകവേണം നേരുള്ളതുമതുപോലെ 

വിനയവും, പങ്കുവയ്ക്കുന്ന മനസ്സു-

മന്യർക്കു തുല്യത നൽകുകയെന്നതും.

20/02/2022

നല്ലവരാകണം നമ്മളെന്നാവശ്യ-

മല്ലയീജീവിതമുന്നയിക്കുന്നത്.

പരിശ്രമം നമ്മുടേതേറ്റവും നന്നാ-

യിരിക്കേണമെന്നത് മാത്രമാണറിയൂ.

21/02/2022

നിശബ്ദതപോലും സ്വീകരിക്കപ്പെടും

വിശ്വാസമുണ്ടെങ്കി,ലല്ലെങ്കിലോ എല്ലാ

വാക്കുകളും തെറ്റിദ്ധരിക്കപ്പെട്ടീടും,

വിശ്വാസമല്ലോ ബന്ധങ്ങൾതന്നാത്മാവ്.

22/02/2022

വികാരങ്ങൾക്കായിട്ടീ ഭൂമിയിലെങ്ങും 

വിപണിയില്ലെന്നതറിയുകവേണം.

പരസ്യപ്പെടുത്തുക വേണ്ടവയതിനാൽ 

പകരം പ്രകടമാക്കാം മനോഭാവം.

23/02/2022

അല്പമാമറിവ് പളുങ്കുപാത്രത്തിലെ

അൽപ്പജലംപോൽ തെളിവുള്ളതായിടും  

ബൃഹത്താമറിവെന്നാലാഴീ ജലംപോൽ

രഹസ്യങ്ങളുടെ കലവറയാകും .

24/02/2022

എന്തെകിലുമരുതാത്തതായ് വരുമോ

എന്നുള്ള ചിന്തയകതാരിലുണ്ടാകാ.

ചിന്തിക്കവേണം ശുഭാപ്തിവിശ്വാസമോ-

ടെന്തുവന്നാലുമതുനല്ലതിന്നാണെന്ന്.

25/02/2022

ഉപ്പിന്റെ ഗുണമുള്ളവരാകവേണം

എപ്പോഴുമെല്ലാവരുമെന്തുകൊണ്ടെന്നോ 

ഉപ്പിന്റെ സാന്നിദ്ധ്യമറിയില്ലയെന്നാ-

ലുപ്പിന്നഭാവമറിയുമെല്ലാവരും.

26/02/2022

ലോകത്തെയായുധത്താലെകാലിൻകീഴി-

ലാക്കിയോരെക്കാളുമേറെ മമതയാൽ 

കീഴ്പ്പെടുത്തി സമാധാനം കൊടുപ്പോരെ

വാഴ്ത്തിയാരാധിക്കുമീലോകമെന്നെന്നും

27/02/2022

അർത്ഥശൂന്യമാമീ യുദ്ധത്താൽനേടിടും 

വ്യർത്ഥമാം മേലായ്മക്കെന്താണു മാഹാത്മ്യം?

അർത്ഥത്തിനും ജീവനും ചേതമേകിയീ

പൃഥ്വിക്കു നഷ്ടമേൽപ്പിക്കുമെന്നല്ലാതെ?

28/02/2022

പകലിന്നോടു പിണക്കം നടിച്ചിട്ടു

പകലോനകന്നുപോയാലുമടുത്ത

പുലരിയിലെത്തും നിറമനസ്സോടെ

പകലോന്റെ പ്രണയമനുകരണീയം!

01/03/2022

മാലാഖമാരെ പിശാചുക്കളായിട്ടു

മാറ്റുന്നതവർതന്നഹങ്കാരമല്ലോ!

മാലാഖമാരായ്  മനുഷ്യനുമതുപോൽ    

മാറീടുമവന്റെ വിനയഭാവത്താൽ.

02/03/2022

നിസ്സഹായനായി മാറിടും മാനവൻ 

ക്ളേശങ്ങൾ വിക്രയംചെയ്യാതെ വന്നാലും 

സന്തോഷം വാങ്ങുവാനാകാതെ വന്നാലും

എന്തുതന്നായാലുമവസ്ഥയൊന്നല്ലോ!

03/03/2022

വെള്ളത്തിനേക്കാളും ലോലമായിട്ടുള്ള

വേറൊന്നുമില്ലയെന്നാലതിൻ ശക്തിയോ 

പാറയെപ്പോലും പിളർക്കുമെ ങ്കിൽ മൃദു-

പ്രകൃതമൊരാൾക്കും ദൗർബല്യമായിടാ !

04/03/2022

ഏറ്റവും ദുഷ്‌കരമായ വിദ്യാലയം

മറ്റൊന്നുമല്ലതു ജീവിതംതന്നെയാം

ഏതുക്ലാസ്സിലെന്നുമടുത്തപരീക്ഷ

ഏതെന്നുമറികയെളുപ്പമേയല്ല!

05/03/2022

ശാന്തതകൈവരിച്ചൽപ്പസമയ-

മെന്നും കഴിയുവാനായിപ്പഠി ക്കുകിൽ

ശാന്തിയും കിട്ടും സമാധാനവുമൊപ്പം

ശക്തിയുമേറിടും മാനസ്സികമായി.

06/03/2022

പറവകൾതുല്യമാം ബന്ധങ്ങളൊക്കെ 

മുറുകെപ്പിടിക്കുകിൽ ചത്തുപോയീടാം

പറന്നുപോയീടുമയച്ചുപിടിച്ചാൽ

പരിചരിച്ചോമാനിച്ചാലൊപ്പമുണ്ടാം.

07/03/2022

തുടരെയായുള്ള വെല്ലുവിളികളും 

ഒടുക്കമേയില്ലാത്ത പോരാട്ടങ്ങളും

നിറയെക്കളിയാടുമീ ജീവിതത്തിൽ  

നിറമനസ്സാകും, ധനമല്ല വലുത്.

08/03/2022

വീണതില്ലേ നടക്കാനായ് പഠിച്ചീടേ 

വീണീടവേയെഴുന്നേൽക്കാൻ പഠിച്ചില്ലേ

തെറ്റുതിരുത്തിപ്പഠിക്കുകയാം  ജീവി-

തത്തിലെയേറ്റം മഹത്തായ പ്രക്രിയ

09/03/2022

എത്രയേറെനിങ്ങൾസ്നേഹിച്ചു വെന്നതു-

മെത്രയോമാന്യമായ് ജീവിച്ചു lവെന്നതും

സ്വന്തമല്ലാത്തവ വർജ്ജിച്ചോയെന്നതു-

മന്ത്യകാലത്തു ചിന്താർഹമായ് വന്നിടു

10/03/2022

വിദ്വേഷമകറ്റുവാനായിട്ടു വീണ്ടും

വൈരാഗ്യബുദ്ധി പ്രയോഗിച്ചുവെങ്കിലോ 

ഉണ്ടായിടാഫലമതിനായ്പകരം   

ഉണ്മകാട്ടീടണമെന്നതല്ലോ തത്വം!

11/03/2022

കണ്ണുകൊണ്ടല്ലാതെ സ്വന്തം മനസ്സാലീ 

മണ്ണിലെക്കാഴ്ചകളാകമാനമൊന്നു

കണ്ടുനോക്കീടുകിലപ്പോഴറിവാകും,

കണ്ടവയിൽ ഭംഗിയില്ലാത്തതി ല്ലൊന്നും

12/03/2022

ശത്രുക്കളാരുമേയില്ലയാർക്കുംസ്വന്ത-

മന്തരംഗത്തിലല്ലാതെപുറത്തെങ്ങും.

അത്യാർത്തി,ദേഷ്യം,വിദ്വേഷ,മഹങ്കാര-

മിത്യാദിശത്രുക്കളകത്തുതന്നില്ലേ?

13/03/2022

കുറ്റമറ്റോരവസ്ഥയുണ്ടാകാനായ്

കാത്തിരിക്കേണ്ടാതുടക്കംകുറിക്കുവാൻ

നല്ലതുടക്കം കുറിച്ചുവെന്നാകിലും   

ദോഷമറ്റോരവസ്ഥയുണ്ടായ് വരാം.

14/03/2022

പ്രഭാമയം തഥാ തമോവൃതമാകും

പ്രഭാതമാമൊരു ഭ്രമിപ്പിക്കുമാശ്ശിസ്സ്.

പ്രതീക്ഷതന്നുടെ, പുതുതുടക്കത്തിൻ  

പ്രതീതികൂടിയാമതെന്നാം സൂചന.

15/03/2022

ആയെന്നുവരികില്ല നിയന്ത്രിക്കുവാ-

നായന്യരുടെയെല്ലാം സ്വഭാവം നമുക്ക്

എങ്കിലുമവരോട്  പ്രതികരിക്കേണ്ട-

തെങ്ങനെയായിരിക്കേണമെന്നറിയാം.

16/03/2022

തന്നേക്കാളുമേറെയറിവുള്ളയാളോട്

എന്തിന്നുവേണ്ടിയസൂയ തോന്നീടണം?

നേരേമറിച്ചറിവില്ലാത്തവരോടായ് 

തോന്നീടവേണമനുകമ്പയെപ്പോഴും!

17/03/2022

കത്തിക്കുകിലൊരു ദീപം മറ്റൊരുദീ-

പത്തിൽനിന്നുമെന്നാലും നഷ്ടമായിടാ 

ആദ്യദീപത്തിൻ വെളിച്ചമൊരിക്കലു  മെന്നപോലായിടുംസ്നേഹം പകരുകിൽ.

18/03/2022

കാര്യമാക്കീടേണ്ട തെറ്റുകൾ വന്നാലും

കാര്യമായ് മുന്നോട്ടുപോയില്ലയെന്നാലും

കാരണം ഇപ്പോഴുമെത്രയോയാളുകൾ

ആരംഭരേഖയിൽ നട്ടംതിരിയുന്നു!

19/03/2022

അത്രയ്ക്കുനീണ്ടോരു ജീവിതമല്ലിത്

അന്യോന്യംവാദിച്ചു മല്ലിട്ടുതീർക്കുവാൻ.

ആവോളംസ്നേഹം പകരുകയന്യോന്യം, 

ആസ്വദിക്കൂജീവിതം മതിയാവോളം.

20/03/2022

സംശയമെന്യേ സ്വഭാവമഹിമയാം  

സമ്പത്തിനേക്കാളും മികവുള്ളതേറെ  

മാനവമൂല്യവും നല്ലബന്ധങ്ങളു-

മൊന്നിച്ചുസൂക്ഷിക്കുകെന്നതുമുത്തമം.

21/03/2022

അന്യരെ വെല്ലുവിളിക്കുകി ലെന്നേലും

വന്നിടാം തോൽവിയെന്നറിയുക നന്ന്.

തന്നോടുതന്നെന്നും വെല്ലുവിളിക്കുകിൽ

വന്നുചേരും ജയമെന്നതുമറിയൂ.

22/03/2022

കുറ്റപ്പെടുത്താനും ഒറ്റപ്പെടുത്താനും

മറ്റുള്ളവർക്കുകഴിയുംനിസ്സാരമായ് 

ഒപ്പംചേർത്തങ്ങുനിർത്തുവാനായിട്ട്

ഒട്ടുവലിയമനസ്സുകൾക്കേയാകൂ!

23/03/2022

അന്യരെയാദരിക്കെന്നതെന്നുമൊരു 

 അന്യൂനവ്യക്തിമഹിമയ്ക്കു കാരണം.

ലാഭം തരുന്നോരു നിക്ഷേപമായതു 

ലോഭമില്ലാതെ തിരികെ ലഭിച്ചിടും

24/03/2022

എങ്ങോട്ടുമില്ലൊരു രാജകീയമായ

മാർഗ്ഗമെന്നുള്ളതാം കേവലസത്യം.

ഒന്നിന്നു പിറകേ മറ്റൊന്നു ചെയ്യുകിൽ

ഓരോന്നിനുമുറപ്പുണ്ടാകും നിശ്ചയം.

25/03/2022

തോൽവിപോലുംനല്ല ചാരുതയു ള്ളതായ് 

തോന്നിടും കൂട്ടുകാർ പിന്തുണച്ചീടുകിൽ 

കാര്യസിദ്ധിപോലും വേദനയുണ്ടാക്കാം

കൊണ്ടാടുവാനായി കൂട്ടുകാരില്ലെങ്കിൽ

26/03/2022

ജീവിതത്തിലെല്ലാം ശരിയായതിനാ-

ലാവില്ലയാളുകൾ സന്തോഷിച്ചീടുക.

ജീവിതത്തോടവർ കാട്ടും ശരിയായ 

ഭാവമാണവരുടെ സന്തോഷകാരണം.

27/03/2022

പകൽക്കിനാവുകണ്ടഭിലാഷങ്ങളെ

പരിപോഷിപ്പിച്ചിട്ടുറച്ച നിശ്ചയ-

മെടുക്കുകിലതു നയിച്ചിടും നമ്മേ 

പടുത്തുയർത്തുവാൻ സ്വഭാഗധേയത്തെ.

28/03/2022

അവസരം കിട്ടുവോർ ഭാഗ്യവാന്മാരാം  

അവസരം സൃഷ്ടിപ്പോർ സാമർത്ഥ്യമുള്ളോർ 

അവസരം നന്നായി മുതലാക്കിടു-

മവസരവാദികളോ വിജയിപ്പോർ!

29/03/2022

വലിയകാര്യങ്ങൾ പറഞ്ഞുവെന്നാലും  

വരണമെന്നില്ല ശരിക്കു പക്വത!

ചെറിയ കാര്യങ്ങൾ ധരിക്കിൽ നന്നായി,

പറയാം പക്വത വരിച്ചിട്ടുണ്ടെന്നും

30/03/2022

നാമാഗ്രഹിക്കുന്നതൊക്കെയും കിട്ടിടാ

നാമർഹിക്കുന്നത് സമയമായാൽ കിട്ടും

ഈവക സത്യങ്ങളോർത്തു മരുവുകിൽ    ജീവിതമനായാസകരമായ്മാറും.

31/03/2022

അതിരുകടക്കുന്ന ചിന്തകളാകും

അസന്തുഷ്ടിയുണ്ടാക്കിടാൻകാരണം

എപ്പോഴുമെന്തിലേലും വ്യാപൃതരാകൂ

എങ്കിലുംവർജ്ജിക്കേണ്ടവയൊഴിവാക്കൂ

01/04/2022

ജീവിതവീഥിയിൽ വാമഭാഗമെന്നും

മേവിടവേണമൊരുസുഹൃത്തെന്നപോൽ

ഒരുകുടുംബംപോലെ സ്നേഹിതർ കൂടി

ഒരുമിച്ചുചേരുകിൽ ജീവിതം സ്വർഗ്ഗം.

02/04/2022

എന്നുമൊരുപോലെ ബന്ധംനില നിന്നാൽ 

വന്നുചേരും നല്ല ധാരണയുമൊപ്പം 

ക്ഷമയുമൗല്‍സുക്യവും സമ്പൂര്‍ണ്ണതയു-

മാത്മാർത്ഥതയുമൊരുമിച്ചുചേർന്നിടും

03/04/2022

പ്രായമേറീടവേ ബന്ധങ്ങളും ശക്തി

പ്രാപിക്കുമെന്നുള്ളതൊരുലോകസത്യം.

പരസ്പരധാരണയുമതുപോലെ 

കരുതലുമാദരവുമൊപ്പമേറും.

04/04/2022

അടുത്തുപോയവരുമായുള്ള ബന്ധം

വിടർത്തുവാനായ് തുനിഞ്ഞിട വേണ്ടാ 

ഓർത്തിട്ടവരുടെ നല്ലോരു ചെയ്തികൾ

കാത്തിടൂബന്ധം പൊറുത്തിടൂ തെറ്റുകൾ.

05/04/222

പ്രായം മറന്നാസ്വദിച്ചിടൂ ജീവിതം

പാഴാക്കിടാ ചിരിക്കാനുള്ളവസരം

സ്നേഹിച്ചിടൂ സത്യസന്ധമായിമാത്രം 

സ്വാർത്ഥതയില്ലാതുദാരമതിയാകൂ.

06/04/2022

ആഹ്ലാദകരമാമൊരു ജീവിതത്തിന്

ആവശ്യമായിട്ടധികമൊന്നും വേണ്ടാ 

എല്ലാമേനമ്മുടെയുള്ളിൽത്തന്നുണ്ടല്ലോ

എങ്ങനെചിന്തിക്കുമെന്നതു പോൽഫലം.

07/04/2022

ശാരീരികസൗഖ്യമെന്നുംനിലനിർത്താൻ 

കാര്യമായിന്നുസമയംകണ്ടില്ലെന്നാൽ

നമ്മളാസമയംസൂക്ഷിച്ചുവ യ്ക്കയാം  

നാളേക്കു രോഗംവിളിച്ചുവരുത്തുവാൻ.

08/04/2022

സ്നേഹവുമൂഷ്മളബന്ധങ്ങളും തഥാ  

സൗഹൃദഭാവവുമൊന്നിച്ചു പോയിടാം.

എന്നിരുന്നാലുമവ സ്ഥിരമായ് നില-

നിന്നിടാ വേണ്ടും പരിഗണനയില്ലേൽ.

09/04/2022

നല്ലപോൽ ജീവിച്ചിടുവാനാകുന്നത് 

നാട്യങ്ങളില്ലാതത്യാഗ്രഹമില്ലാതെ,

സ്വപ്നങ്ങളേറെകണ്ടേറെപ്രവർത്തിച്ചു

സ്വയമാര് താനെന്നറിയുമ്പോഴാണ്.

10/04/2022

ആവശ്യമില്ലാത്തതൊക്കെയുപേക്ഷിച്ചു

ജീവിക്കവേണം പറവകളെ പ്പോലെ.

ഭീതിയും ശോകവുമാധിയും കൈവിടൂ

ഭാരമില്ലാതായാൽ ജീവിതം സുന്ദരം.

11/04/2022!

അന്വേഷിച്ചുപോയാൽസന്തോഷം കിട്ടില്ല 

അന്യർക്കുനൽകിയാലോതിരികെവരും

സന്തോഷമെന്നതിൻ രഹസ്യമാകുമത്

സന്തോഷം പങ്കിട്ടാനന്ദമാർജ്ജിച്ചിടൂ.

12/04/2022

കാണവേ മിണ്ടുവാൻ കഴിയുമെ ല്ലാർക്കും

കാണാതിരിക്കവേയെവിടെ നാമെന്നു 

തിരക്കുവാൻ വെമ്പുന്നവർ മാത്രമാകും

ശരിക്കും സ്നേഹിതരവരെ മറക്കാ.

13/04/2022

ആയിരമായിരം തെറ്റുകൾ ചെയ്താലും

സ്വയമെന്നും സ്നേഹിച്ചിടുന്നു നാംനമ്മെ

എന്നാലൊരുതെറ്റുമാത്രം ചെയ്‌തീടുന്ന-

യന്യനെ നാംവെറുത്തീടുന്ന തെന്തിനാം?

14/04/2022

തൊട്ടറിവേക്കാളും കാണുകയാം നന്ന് 

തൊട്ടറിവാം നന്ന് വാക്കുകളേക്കാളും.

നന്നായ് പ്രയോഗിച്ചീടുകിൽ വാക്കുകൾ

നേത്രംനനയിക്കും ഹൃത്തിനേയുംതൊടും!

15/04/2022

ഉത്തമനെന്നതിനേക്കാളുമുപരി 

ഒറ്റയാനെന്നതനുയോജ്യമായിടും

ഉത്തമനെന്നതൊന്നാമനെന്നാണെങ്കിൽ

ഒറ്റയാനെന്നതൊരേയൊരാളെന്നല്ലോ!

16/04/2022

തെറ്റും പഴിയും ത്യജിക്കലും  വിഘ്നവും 

തോൽവിയും ഭാഗമായീടുംവളർച്ചതൻ

നേടിയിട്ടില്ലൊന്നുമിന്നേവരെയാരും

നേരിടാനാവാതീയഞ്ചു തടസ്സങ്ങൾ.

17/04/2022

ആരുമേയാർക്കുമധിപനാകുന്നില്ല 

ആരുമധീനനുമാകില്ലയാർക്കുമേ

ആരുമപ്പോഴുമൊരുപോലെയാകില്ല

അദ്വിതീയരാ,മതുല്യരാ,മാളു കൾ.

18/04/2022

ഭാവിയിൽ പിരിമുറുക്കംവേണ്ടയെങ്കിൽ 

ഭൂതകാലവുമായ് പൊരുത്തപ്പെടേണം   

സമയംസുഖപ്പെടുത്തീടുമെല്ലാമേ 

സമയം കൊടുത്തിട്ട് നേടൂ സമാധാനം.

19/04/2022

ജീവിതമർത്ഥവത്താക്കുവാനായിട്ട്

യൗവ്വനത്തിൽ വേണം പ്രായമയോരുടേ-

പോലുള്ളയനുഭവജ്ഞാന, മതുപോൽ  

പ്രായമാകേവേണം യൗവ്വന ത്തിൻ വീര്യം.

20/04/2022

എന്താണൊരാൾക്കുള്ളതെന്നതുമാവില്ല

എന്താണയാൾ ചെയ് വതെന്നതുമാവില്ല 

എന്താണയാളെന്നതേയാശ്രയിച്ചാകു-

മെന്താണയാളുടെശ്രേഷ്ഠതയെന്നത്.

21/04/2022

സൽസ്വഭാവത്തിന്ന് ധനപരമായി

വിലയേതുമില്ലെന്നതു സത്യമല്ലോ

എന്നിരുന്നാലുമതിനാകുംവാങ്ങുവാൻ 

എത്രയുമായിരം സന്മനസ്സുകളെ

22/04/2022

അനുകമ്പയെന്നതൊരു ഭാഷയല്ലോ     

മനസ്സിലാക്കാനും ശ്രവിക്കാനുമാകും.

ബധിരരുമൂമകൾപോലും ശ്രവിക്കും 

ബോധ്യപ്പെടേയവർ പ്രതികരിച്ചീടും.

22/04/2022

ജീവജാലങ്ങൾക്കശേഷമൊരുപോലെ 

ജീവിക്കുവാനുണ്ടവകാശം ഭൂമിയിൽ

സ്വാർത്ഥത യെന്നാൽ മനുജനെ ഭൂമിത-

ന്നസ്ഥിവാരംവരെതോണ്ടുവാൻ പ്രേരിപ്പൂ

23/04/2023

നാംധരിക്കുംവിധമല്ലാതെ, ജീവിതം

നേരായരീതിയിൽ കാണുവാനുമറി-

യാനുമനുഭവിക്കാനുംകഴിയുകിൽ,

സുന്ദരമീ ജീവിതം, സംശയിക്കേണ്ട.

24/04/2022

എല്ലാക്കാര്യങ്ങളേയുംപറ്റിയിത്തിരി

എന്നുമറിയാൻകഴിഞ്ഞെന്നു വന്നിടാം

എങ്കിലുമെല്ലാമറിയുവാനാകില്ല  എന്തിനേയുംപറ്റിയെത്രശ്രമിച്ചാലും.

25/04/2022

മർത്യരുടെയാത്മവിശ്വാസമവരെ

മാറ്റുമേറെശക്തിയുള്ളവരായിട്ട്

ഏറെപ്രതികരിക്കാതെയിരിപ്പതു-

മേറെമനസ്സമാധാനമുണ്ടാക്കിടും.

26/04/2022

പോയദിനങ്ങളിലേക്കു തിരിച്ചിനീം

പോകുവാനായിടായാർക്കുമൊരിക്കലും

ആവില്ല നാളയെപ്പറ്റി പ്രവചിക്കാൻ

ജീവിച്ചിടേണമിന്നേക്കുവേണ്ടിമാത്രം.

27/04/2022

ആരുമേയധികം തെറ്റുകൾ ചെയ്യാതെ

ആയിടാ നല്ലവാനോ മഹാത്മാവായോ.

അദൃശ്യമായ്തോന്നുന്നനൽ പ്രവൃത്തികൾ

അന്യരുടെഹൃത്തിൽ പതിഞ്ഞെന്നുവരാം.

28/04/2022

സംവാദമെന്നതാശയവിനിമയം 

ആവുംവിധമതനുകൂലിക്കേണ്ടതും.

വിദ്യാഹീനതേമഹന്തേം കൈമാറുകിൽ  

വാദപ്രതിവാദം, ഒഴിവാക്കണമത്‌.

29/04/2022

മനോവ്യഥയന്യർക്കേൽപ്പിച്ചുവെങ്കിലോ   

മനോബലംകാട്ടൂ,ക്ഷമയാചിച്ചീടൂ

മുറിവേൽക്കപ്പെട്ടോരുമവ്വിധംതന്നെ    

പൊറുത്തീടുവാൻസന്മനസ്സുകാട്ടേണം

30/04/2022

നല്ലനാളേയ്ക്കായിനമ്മൾചിന്തിച്ചിടും  

നാളെയെത്തേചിന്തവീണ്ടുമതുതാനാം 

നല്ലപോൽ ജീവിതമാസ്വദിച്ചീടുവാൻ

നല്ലോരു ഇന്നിനെപ്പറ്റിയാക്കൂ ചിന്ത.

01/05/2022

പ്രശ്നംപരിഹരിക്കാൻശ്രമിക്കാതൊപ്പം

പ്രശ്നത്തെനേരിടുവാൻമനസ്സുള്ളോരെ 

തേടുന്നതായിരിക്കുംബുദ്ധിയെന്നതിൽ

തെല്ലുമേസംശയംവേണ്ടതില്ലാർക്കുമേ.

02/05/2022

ആദരവെന്നതു നമ്മുടെ സ്വത്വത്തി-   

നത്യന്തം ഗൗരവമുള്ള ഘടകമാം

മൂല്യമേറെയുള്ള നിക്ഷേപം പോലത്

മറ്റുള്ളവർക്കു കൊടുത്തു ലാഭം നേടാം.

03/05/2022

ശ്രദ്ധാലുവാംബന്ധു സംവദിക്കില്ലേറെ

സ്നിഗ്ദ്ധതയോടെ സന്ദേശമറിയിക്കും 

കാരണം വായകൊണ്ടല്ലസംസാരിക്ക

നേരേമറിച്ചു ഹൃദയത്തെത്തൊട്ടാകും.

04/05/2022

നൈസര്‍ഗ്ഗികമായി പുഞ്ചിരിക്കും മുഖം

നല്ലയൊരൗഷധമായിടും നിശ്ചയം

പാർശ്വഫലമൊന്നുമുണ്ടായിരിക്കില്ല

നിസ്സംശയമതിനെന്നതും നേട്ടമാം.

05/05/2022

ശ്രേഷ്ഠബന്ധങ്ങളൊരിക്കലുമാരായ്‌കാ 

സ്പഷ്‌ടീകരണങ്ങ,ളാബന്ധമൊക്കെയും

നിശ്ശബ്ദസ്നേഹത്തിലും,ധാരണയിലും  

വിശ്വാസത്തിലുമധിഷ്ഠിതമായിടും.

06/05/2022

എരിയും വയറ്റിലെ നാളങ്ങളേ റ്റിട്ട്  

പൊരിയുന്ന മനസ്സിന്റെ വേവലാതി

അറിയുവതെങ്ങനെ പശിയറിയാതെ,

വറുതിയറിയാതെ, വളരുന്നവർ?

07/05/2022

അറിവിന്റെ സാരാംശമെന്തെന്നു വച്ചാ-

ലറിവുണ്ടെങ്കിലുപയോഗിക്കെന്നതും,

അറിവില്ലയെങ്കിൽ മറ്റുള്ളവരോടത് 

തുറന്നുപറയുകയെന്നതുമാകും.

08/05/2022

സജ്ജമാക്കീടും പലപ്പോഴും ക്ലേശങ്ങൾ

സാധാരണക്കാരാമാളുകളെ സ്വന്തം 

തലയിലെഴുത്തു തിരുത്തിക്കുറിച്ചിട്ട്

വലിയോരുനിലയിലെത്തിപ്പെടാനായ്.

09/05/2022

ഉള്ളതുംവേണ്ടതും തുല്യതതേടുന്ന

ഉള്ളിലുണ്ടാകുമവസ്ഥയാംസന്തോഷം

സ്വന്തമന്തരംഗേസ്വൈര്യമില്ലെന്നാകിൽ

വ്യർത്ഥമായീടാം പുറത്തതന്വേ ഷിക്കിൽ

10/05/2022

നിത്യവുമുണ്ടാകുംനിസ്സാരകാര്യങ്ങൾ

നാടകീയമായതായ്മാറ്റാംജീവിതം.

നിസ്സാരമായിടും കാര്യങ്ങളിൽനിന്നും 

നേട്ടമുണ്ടാക്കി രസിച്ചിടൂജീവിതം

11/05/2022

നേടിടൂ നല്ലബന്ധങ്ങൾ, ഒഴിവാക്കൂ

നല്ലതല്ലാത്തവ,ചൊല്ലിടുമീലോകം

ആരുമേ പൂർണ്ണതയോടെ ജനിച്ചിടാ

ആരിലേംനന്മകാണൂ വിടൂതിന്മകൾ.

12/05/2022

അറിയാത്തകാര്യം പഠിക്കുന്നതിന്നായ്  

അറിവുള്ളവരെ സമീപിച്ചുവെന്നാൽ 

വിശ്വസിച്ചീടാമതുസൂചിപ്പിക്കുക 

വിജ്ഞാനവുംബുദ്ധിയും വളരുന്നൊപ്പം

13/05/2022

വിത്തുസമാനമാമോരോരോ കർമ്മവും

ശ്രദ്ധയോടെയെടുക്കേണം തിരഞ്ഞവ 

എന്തുകൊണ്ടെന്നാലവവളർന്നുവരാം    

ചന്തമേറുന്നപൂവോ മുൾച്ചെടിയായോ.

14/05/2022

രൂപമില്ലാത്തയവസ്ഥകളാകുന്ന 

രണ്ടുകാര്യങ്ങളാം ധ്യാനവും നിഷ്ഠയും.

രണ്ടിന്നുമേറിയ ഊർജ്ജചൈതന്യങ്ങ-

ളുണ്ടസംഭവ്യമായവ സംഭവ്യമാക്കാൻ!

15/05/2022

ജീവിതവീഥിയിലേറ്റം വലിയൊരു 

പോർവിളിയായിടും സ്വയമറികെന്നത്

രണ്ടാമത്തെയൊരു വെല്ലുവിളിയല്ലോ  

കണ്ടെത്തുകയുള്ളതിൽനിന്നും സംതൃപ്തി.

016/05/2022

അനുഭവിക്കാതെപോകുന്നെത്രയോപേർ

അവരുടേതായ സന്തോഷമെന്തെന്നാൽ

അനുഭവിക്കാനവർക്കില്ല സമയം  

അവരെന്നുമോടുന്നുസമ്പത്തിൻപിമ്പേ.

17/05/2022

കുഞ്ഞായിരിക്കവേപുഞ്ചിരിക്കുമൊരു

കാര്യവുമില്ലാതെതന്നെയെല്ലാവരും

പ്രായമാകേയേതുകാര്യംമറയ്ക്കാനും 

ആയാസപ്പെട്ടുനാം പുഞ്ചിരിതൂകുന്നു.

18/05/2022

'ഉണ്ടെ'ന്നതു'മില്ല'യെന്നതും നിശ്ചയം 

രണ്ടുകുറുകിയവാക്കുകളെങ്കിലും

മെല്ലവേ'ഇല്ലെ'ന്നും വേഗേനെ 'ഉണ്ടെ'ന്നും  

ചൊല്ലുകിലുണ്ടാക്കിടാംബുദ്ധിമുട്ടുകൾ.

19/05/20

ആയുസ്സിന്റെയോരോഘട്ടവും നമ്മളെ  

ആവോളം നല്ലപാഠങ്ങൾ പഠിപ്പിക്കും 

പാഠങ്ങൾനാംഗ്രഹിക്കുന്നതുണ്ടോ വൃഥാ

പേജുമറിക്കുന്നോ, ചിന്തനീയമഹോ!

20/05/2022

നല്ലോരു വ്യക്തിയായ്‌ മാറുകയെന്നത്

അല്ലത്രയേറെ സുഗമമാകും കാര്യം

ഏറെഗോൾരക്ഷിച്ചെന്നാലുമൊരുഗോളി 

എത്രകുറച്ചു വഴങ്ങിയെന്നാം നോട്ടം!

21/05/2022

പ്രശ്നങ്ങളെ നേരിടും വിധമായിടും

ക്ളേശങ്ങളുണ്ടായിടുകയെന്നറിയൂ

നേരിടുന്നോരു സമീപനം മാറ്റുകിൽ

നിശ്ചയം മാറിടും മിക്കക്ളേശങ്ങളും.

22/05/2022

ജാഗ്രതയോടെവേണം തന്റെ നൗകയിൽ 

ആരെയായാലും പ്രവേശിപ്പിച്ചീടുവാൻ

നായകനാകുവനകാതെവന്നിടിൽ

നൗകമറിക്കുവാനാരും ശ്രമിച്ചിടാം.

23/05/2022

ചേതോവികാരവും വാസ്തവീകത്വവും 

ചേർന്നോരനുരഞ്ജനമാണ്  ജീവിതം

ചേതോവികാരത്തെ വിട്ടോരോ ഘട്ടവും

വാസ്തവീകത്വം വരിക്കേണ്ടതായ് വരും.

24/05/2022

വൈയക്തികമായ നേട്ടമൊരിക്കലും 

വൈഭവമുള്ളവരിച്ഛിക്കുകയില്ല.

ന്യായമായുമവർക്കവകാശപ്പെട്ടത്

കയ് വന്നിടും കൃത്യസമയത്തു തന്നെ

25/05/2022

സ്വന്തംപ്രശസ്തിയുയർത്തിപ്പിടിക്കുവാൻ

ശ്രദ്ധ വേണ്ടുംവിധംതന്നെ കൊടുക്കണം  

എന്തുകൊണ്ടെന്നാലതിന്റെ നിലനിൽപ്പ്

സ്വന്തംനിലനിൽപ്പിനെയതിജീവിക്കാം.

26/05/2022

നല്ലതോ മോശമോ ഒന്നുമില്ലീ ഭൂവി-

ലെല്ലാമേ നമ്മുടെചിന്തയ്ക്കനുസൃതം.

ശസ്ത്രക്രിയവഴിജീവിതംരക്ഷിക്കിൽ

കത്തിനന്ന്,മോശം, കൊലയാളി ഹിംസിക്കിൽ.

27/05/2022

മറ്റുള്ളവർക്കുനാം വേദനനൽകുകിൽ

കുറ്റമായ്ക്കണ്ടപേക്ഷിച്ചീടണം മാപ്പ്

ആരെങ്കിലുംനമ്മേ വേദനിപ്പിക്കുകിൽ

ആർജ്ജവംകാട്ടീടണം ക്ഷമിച്ചീടുവാൻ.

28/05/2022

പ്രായമായോരുടെവാക്കുകേൾക്കേണ്ടത്  പ്രീതിപ്പെടുത്തുവാൻവേണ്ടിയല്ലവരെ, 

തെറ്റുകൾ ചെയ്‌വതിലേറെയനുഭവം

തീർത്തുമവർക്കെന്നതാകുന്നു  കാരണം

29/05/2022

വ്യക്തതവന്നിടുംപ്രായമേറേ തന്റെ 

വ്യക്തിത്വമെത്രയറിയപ്പെടു ന്നെന്നും  

എന്തുണ്ടുസ്വന്തമായിത്തനിക്കെന്നതും

എത്രത്തോളംതാൻമനുഷ്യനായെന്നതും

30/05/2022

എല്ലാമറിഞ്ഞതുകൊണ്ടൊന്നുമായില്ല

നല്ലപോലെല്ലാം പ്രയോഗിക്ക വേണ്ടിടും

ചൊല്ലിയാൽപോരല്ലോ താല്പര്യമുണ്ടെന്ന് 

ചെയ്തുകാണിക്കുകയല്ലോയനുയോജ്യം.

31/05/2022

ചുറ്റുപാടുമുള്ളോർനമ്മേപ്പഠിപ്പിക്കും 

ജീവിക്കുവാനായ്,നിന്ദിച്ചുംവിമർശിച്ചും.

ആവുംവിധമിച്ഛാശക്തിയാർജ്ജിച്ചതി-

ജീവിക്കുവാനായ്പഠിക്കവേണം നമ്മൾ.

01/06/2022

സ്നേഹസന്ദേശവും മന്ദസ്മി തങ്ങളും

അനുകമ്പയോലുന്ന കരണ ങ്ങളും പ്രതിഫലിപ്പിക്കുവതാത്മാവിന്റേയും  

ഹൃദയത്തിന്റേയും നിർമ്മലസൗ ന്ദര്യം.

02/06/2022

സന്തോഷമോടിരിക്കുന്നതിന്റെപൊരുൾ

സന്തുഷ്ടിയോടെയെപ്പോഴുമിരിക്കേണ-

മെന്നുള്ളയൊറ്റ ദൃഢനിശ്ചയം തന്നെ-

യെന്നുള്ളസത്യമറിയുവതെത്രപേർ?

03/06/2022

സാഫല്യമാമൊരു ജീവിതത്തേ ക്കാളും

സംതൃപ്തിയുള്ളയൊന്നാകും മികച്ചത്

സാഫല്യം നമ്മുടേതന്യരളന്നിടേ

സ്വയമല്ലോ സംതൃപ്തി നാമള ക്കുന്നത്!

04/06/2022

ആത്മവിശ്വാസമെഴുന്നമന സ്സൊരു

ആയുധമായിമാറ്റാം ജീവിത ത്തിലെ

ഏതോരു വെല്ലുവിളിയെയുംനേ രിട്ടി-

ട്ടേതുകടമ്പകടന്നുമുന്നേറാനും.

05/06/2022

ആവില്ലജീവിതം വിലയേകി വാങ്ങാ- നാവില്ലനുതാപവ്യസനാദി കൾക്കു    

ഭൂതകാലത്തെത്തിരുത്തിക്കുറിക്കാനും,

സന്തോഷമോടെയെപ്പോഴുമിരുത്താനും

06/06/2022

എന്തിനായന്യർക്കു തന്നേക്കുറി ച്ചുള്ള

ചിന്താഗതിയോർത്തു ഖേദിച്ചിട  വേണം?

തള്ളിക്കളയതവരുടെ ചിന്തയാം

തന്നുടെ ഭാഗധേയത്തെ ബാധി ച്ചിടാ.

07/06/2022

അന്യോന്യംബോധ്യപ്പെടുക,സ്നേഹിക്കുക,

വിശ്വസിച്ചംഗീകരിക്കുക, ഹൃദയം

കൊണ്ടവനേടിയെടുക്കുക, അല്ലാതെ

കിട്ടുകയില്ലവിലയ്ക്കുവാങ്ങാ നിവ.

08/06/2022

അന്യരോടുനമുക്കുള്ളനിലപാടും 

മാന്യമായല്ലാത്തപെരുമാറ്റങ്ങളും  

നിശ്ചയമായിട്ടുംനമ്മുടെസ്വത്വത്തെ 

നിർവ്വചിക്കു,മതറിഞ്ഞുപ്രവർത്തിക്കൂ

09/06/2022

ജീവിതത്തിലെല്ലാം നഷ്ടപ്പെടു ന്നെന്നും

ഭാവിയിരുണ്ടുപോകുന്നെന്നും തോന്നിടേ

ഓർക്കുക,വൃക്ഷംതളിരിടാനായ് കാക്കും

വർഷങ്ങളിലിലയെല്ലാം കൊഴി ഞ്ഞാലും.

10/06/2022

കാണവേമറ്റുള്ളവരുടെ തെറ്റു കൾ   

കണ്ടഭാവംനടിക്കേണ്ടാ പല പ്പോഴും

നന്നാകുവാൻ ശ്രമിക്കില്ലയവർ സ്വയം

നാം സ്വയംമാറി,യംഗീകരിക്ക വരെ.

11/06/2022

പരിശുദ്ധിയോലുന്ന  ഹൃദയമെ പ്പോഴും    

പെരിയോരുദേവാലയത്തിൻ സമാനം  

പുഞ്ചിരിതൂകും വദനത്തെക്കാ ളേറെ

പുഞ്ചിരിക്കുന്ന ഹൃദയമഭി കാമ്യം.

12/06/2022

വാർദ്ധക്യമാകുന്നതിൻ ലക്ഷണ മല്ലോ

വിദ്യാലയത്തിൽപഠിച്ചവയെ ല്ലാമേ 

ഓർക്കുവാനാമെന്നാലാവില്ലയൊട്ടുമേ 

ഓർക്കുവാനെന്തിന്നടുക്കളേൽവന്നെന്ന്

13/06/2022

വാക്കുകളും മനോഭാവങ്ങളും തമ്മിൽ

വീഴ്ചയുണ്ടാംവിധംകൂട്ടിക്കലർ ത്തിടാ

മാറ്റുവാനായ്കഴിഞ്ഞീടും മനോ ഭാവം

മാറ്റുവാനായിടാ ചൊല്ലിയവാക്കു കൾ.

14/06/2022

ഏറ്റവുമഴകുള്ളയാളായീഭൂമി യിൽ

മാറ്റും ദയാശീലം നിങ്ങളെയോർ ക്കുക

കാഴ്ചയിലെങ്ങനെയാം നിങ്ങളെ ന്നത്

കാര്യമാവാ,യനുകമ്പതൻ ശക്തി യാൽ !

15/06/2022

ഏറെപ്പിഴവുകൾ ചെയ്തുവെന്നാ കിലോ

ഏറും പരിചയസമ്പത്തും നിശ്ചയം 

തെറ്റിൽനിന്നുംനിങ്ങൾപാഠംപഠിക്കുകിൽ

മറ്റുള്ളോരുൾക്കൊള്ളുംപാഠമതിൽനിന്ന്

16/06/2022

ശത്രുക്കളാരുംനമുക്കില്ല നമ്മുടെ

ആത്മാവിനുപുറത്തെന്നതറിയണം 

അത്യാഗ്രഹ,മഹംഭാവം വെറുപ്പെ ന്നീ

ശത്രുക്കളുള്ളിലുണ്ടെന്നതാകും സത്യം

17/06/2022

അന്യരിൽ മാറ്റമുണ്ടാകേണ മെന്നുള്ള

ആശയങ്ങൾപലതുണ്ടാംപ ലർക്കുമേ

എങ്കിലുംതന്നുടെ കാര്യത്തിൽ മാറ്റങ്ങൾ

എന്തൊക്കെ വേണമെന്നറിയായ വർക്ക്

18/06/2022

സ്തംഭിപ്പിക്കാനായിട്ടെത്ര ശ്രമി ച്ചാലും

സംഭവ്യമാകേണ്ടവ സംഭവിച്ചിടും

സംഗതിയധികം വഷളാക്കിമാ റ്റാതെ 

സ്വയം നിയന്ത്രിക്കുകയാം കര ണീയം.

19/06/2022

സന്തോഷമുണ്ടാകേ കൈകളടി ക്കുന്ന

പത്തു വിരലുകളേക്കാളഭികാമ്യം

ശോകമുണ്ടാകേ മിഴിനീർ തുട ച്ചിടു-

മേകവിരലുതന്നില്ലൊട്ടു സം ശയം.

20/06/2022

മാറ്റങ്ങളംഗീകരിച്ചും പ്രതീക്ഷ കൾ 

മാറോടുചേർത്തും നിറവേറ്റിയും തഥാ

ഊർജ്ജ്വസ്വലമായി മുന്നോട്ടു പോയിട്ടു

പൂർത്തിയാക്കുന്നതാമുത്തമ ജീവിതം.

21/06/2022

നിത്യവും നമ്മുടെയുള്ളിന്റെയു ള്ളിലായ് 

സത്യ,മസത്യമെന്നീ രണ്ടു മൂരി കൾ

യുദ്ധം ചെയ്തീടുവതുണ്ടതിലേ തിനാ- 

മധികഭോജ്യം ലഭ്യ,മത് ജയി ച്ചീടും.

22/06/2022

സന്താപമോനീരസമോ തളർച്ച യോ

എന്താകിലുംഹേതുവാകായൊരിക്കലും

മോശമായാരോടുമേപ്രവർത്തിക്കുവാൻ,

മാന്യമായിപ്പെരുമാറേണമെന്നുമേ.

23/06/2022

സാഹസംകാണിച്ചു നേടിയെന്നാ കിലോ  

സന്തോഷമോടേ നയിക്കുവാനാ യിടും

നേരേമറിച്ചങ്ങു തോറ്റുപോയീ ടിലും  

നേരേനയിക്കുന്ന മാർഗ്ഗദർശി യാകാം.

24/06/2022

സ്തോഭവും ആവേശവും, സംഭ്രമം തഥാ

ക്ഷോഭവും വിദ്വേഷവും സങ്കടങ്ങളും 

മാനവഹൃത്തിൻ വികാരങ്ങൾ, ഒക്കെയും

മാന്യമായ് വേണം പ്രകടിപ്പിച്ചീടുവാൻ.

25/06/2022       

ഒന്നുപോലാകാം സമുദ്രമെല്ലാവർക്കു-

മെന്നിരുന്നാലും ചിലർക്കു മുത്തുകളും,

മൽസ്യം ചിലർക്കുംലഭിക്കവേയന്യർക്കു  

കാൽനനയ്ക്കാൻമാത്രമാംദൈവയോഗം

26/06/2022

സ്വന്തമായൊന്നുമില്ലാർക്കുമീ ഭൂതലേ, 

സ്വപ്‌നങ്ങളെത്രകണ്ടാലെന്തുനേടിടും?

നേടുന്നതൊന്നുമേ കൊണ്ടുപോകാനായി

നാമെത്ര മോഹിച്ചുവെന്നാലുമാകില്ല!

27/06/2022

നേരുള്ളയാളൊത്തുയോജിച്ചുപോവതാം 

നേരായമാർഗ്ഗ,മല്ലാതേറെ തെറ്റുകൾ 

കാട്ടുന്നയാൾക്കാരുമായിട്ടധികം തർ-

ക്കിച്ചുമുന്നോട്ടുപോയീടുന്നതാവില്ല.

28/06/2022

കാലത്തിനൊപ്പം ഗമിക്കുന്നതാം നന്ന്,

മാലോകരെല്ലാമൊരുപോലെയാവില്ല, 

ഒഴുക്കിന്നെതിർദിശയിൽനീന്തുമെന്നാൽ 

ഒക്കില്ലകാലത്തിന്നെതിരേഗമിക്കാൻ

29/06/2022

ആവില്ലകാണ്മതിന്നായി പ്രതിച്ഛായ

ആവിയായീടും ജലത്തിലെപ്പോലവേ 

ഉത്തരംകിട്ടേണമെന്നില്ല തേടിയാൽ

ശാന്തമല്ലാതുള്ള മനസ്സാലെയാരും.

30/06/2022

ആരോഗ്യവും ബന്ധവും കാലവും മൂന്നു

കാര്യങ്ങ,ളൊന്നിന്നുമേലുമേ കാണില്ല

മൂല്യമെന്താണെന്നു കാട്ടുന്നതൊങ്ങലെ-

ന്നാലൊക്കെ നഷ്ടമായാൽ മൂല്യം ബോധ്യമാം.

01/07/2022

കാരണംകണ്ടിടാംസംഭവങ്ങൾക്കൊക്കെ

കാരണങ്ങൾക്കൊത്തുമാറ്റങ്ങളുമുണ്ടാം

മാറ്റമുണ്ടാക്കിടാം ദോഷവും നഷ്ടവും

മാറ്റങ്ങളെങ്കിലും സ്വീകാര്യമെന്നുമേ.

02/07/2022

എല്ലാവരുടേയും ഉള്ളിലുണ്ടായിടാ-

മൽപ്പം മൃദുത്വം, പുറമേയില്ലെങ്കിലും,  

ആയതിന്നാലൊരവ്യക്തമാകുംപ്രതി-  ച്ഛായയാരെക്കുറിച്ചും മനസ്സിൽ വേണ്ട.

03/07/2022

സമ്മർദ്ദവും ശോകവും കാത്തുവച്ചിടും 

സഞ്ചിയല്ലാ മനം, നേരേമറിച്ചോരു 

സ്വർണ്ണച്ചിമിഴാകും, സ്വാദേറുമോർമ്മയും

സന്തോഷവുമൊക്കെ സൂക്ഷിച്ചുവച്ചിടും.

04/07/2022

മൗനമാണേറ്റവും ശക്തമാകും ഭാഷ,

മൗനമാണേറ്റവും ശക്തമാം ശിക്ഷയും

നമ്മേമനസ്സിലാക്കാത്തവർക്കു മുന്നിൽ    നാം മൗനിയാകുന്നതായിടും ഭൂഷണം.

05/07/2022

അക്ഷോഭ്യതയാകും മർത്യന്റ നല്ലോരു

ലക്ഷണം,താനെത്രവൻശക്തിയാണെന്നു

വ്യക്തമാക്കാനു,മാത്മവിശ്വാസിയെന്നും

വ്യക്തമാം ചിന്തക്കധീശനെന്നും കാട്ടാൻ.

06/07/2022

ജീവിതപ്പാതയിൽ ഒന്നുമേ പാഴായി- 

പ്പോവില്ല, നല്ലതോ മോശമോ ആയുള്ള

ജ്ഞാനവും മറ്റുള്ള പാഠങ്ങളൊക്കെയും

ചിന്തയേയും ഹൃത്തിനേയുമൊരുക്കിടും.

07/07/2022

കൊടുങ്കാറ്റൊഴിഞ്ഞു പോയീടുവാനായി

കാത്തിരിക്കുന്നതായ് മാറിടാ ജീവിതം

പെയ്തിറങ്ങീടുന്ന വൃഷ്ടിയിൽനർത്തനം 

ചെയ്തുശീലിക്കുകയെന്നതും കാമ്യമാം

08/07/2022

കാണുന്നവർക്കേറെഭാരമായ്തോന്നുന്ന, 

കയ്യിലാക്കിയെന്നാൽ ഭാരമില്ലാത്തതാം, 

ഭീമമായ പഞ്ഞിക്കെട്ടിൻ സമാനമാം

ബുദ്ധിമുട്ടാകും കടമ്പതൻ കെട്ടുകൾ.

09/07/2022

ലാളിത്യമെന്നതിന്നായീടുമാരുടേ-

മുള്ളം നിറച്ചു സന്തോഷമേകിടാനും

വിഘ്‌നമില്ലാതെയീജീവിതത്തിൻതോണി

വീറോടെമുന്നോട്ടു നീങ്ങീടുവാനുമേ.  

10/07/2022

എല്ലാവരും ഒന്നുപോലെയന്യർക്കുള്ള

നല്ലകാര്യങ്ങളെക്കണ്ടുശീലിക്കുകിൽ

എത്രയോ വർണ്ണാഭമായോരു ജീവിതം

എല്ലാർക്കുമൊന്നുപോലെന്നുംലഭിച്ചേനെ

11/07/2022

അർത്ഥവത്തായുള്ളനിശ്ശബ്ദതയെന്നും  

അർത്ഥമില്ലാച്ചൊല്ലിനേക്കാളുമുത്തമം

ആരെയും നന്നായ് മനസ്സിലാക്കീടുവാൻ ആകായവരെപ്പോൽചിന്തിക്കുകയില്ലേൽ

12/07/2022

ശ്രമിച്ചാലുളവാം ഫലംതോൽവിയായീ-

ടുമെന്നുള്ളതാകാം യാദൃച്ച്ശികമെന്നാൽ

ശ്രമിക്കാതിരുന്നാൽഫലംതോൽവിതന്നാ

കുമെന്നങ്ങുറപ്പാക്കയല്ലേനാം ചെയ്‌ക? 

13/07/2022

എന്നുമീ ജീവിതത്തിന്റെയാകർഷണം 

എത്രസന്തോഷവാനാമെന്നതിലാകാ. 

എത്രയോപേരു സന്തോഷിപ്പു നമ്മളാ

ലെന്നകാര്യത്തിലാകേണമെന്നേയുള്ളു.

14/07/2022

മറ്റുള്ളവർതന്നബദ്ധങ്ങൾകാണുവാൻ

മുറ്റും എളുപ്പമെന്നാലതേക്കാൾമേലെ

സ്വന്തമായ്ചെയ്തീടുകെന്നതോയേറ്റവും

ബുദ്ധിമുട്ടുള്ളോരു കാര്യമാണെന്നുമേ.

15/07/2022

എല്ലാശ്രമങ്ങളും കണ്ടെന്നുവന്നിടാ

നല്ലതാകുംഫലം എന്നതാംവാസ്തവം

എന്നിരുന്നാലും ഒരിക്കലുംകൈവരാ

നന്നായ്ശ്രമിക്കാതെകാര്യസിദ്ധിയാർക്കും. 

16/07/2022

ഓർമ്മകൾ ഉള്ളോളമിന്നലേകളെന്നും തീർച്ചയായിട്ടുമുണ്ടായീടുമെന്നപോൽ

കാത്തിരുന്നീടുകിൽ നാളെകൾ വന്നിടും 

പ്രത്യാശ കാട്ടുകിൽ ഇന്നുകൾ സുന്ദരം.

17/07/2022

ആദരിക്കേണം ശരീരത്തെയെപ്പൊഴും 

ആവശ്യമുന്നയിച്ചീടിലത്, വിശ്രമം.

വിശ്രമം മനസ്സിന്നുമേകീടതേപോൽ,

ആശ്വാസമേകീടവേണം സ്വയമെന്നും. 

18/07/2022

ജീവിതത്തിലുണ്ടാകുന്ന സാഫല്യത്തെ

കേവലം സ്ഥാനമാനത്താലളന്നിടാ

നേരിട്ട വിഘ്നങ്ങളൊക്കെയും നിർഭയം

നീക്കിമുന്നേറിയോ എന്നതും നോക്കണം.

19/07/2022

ആകസ്മികമാകും സംഭവങ്ങൾകൊണ്ടു

ആയുസ്സിലുണ്ടാകുമേറെസന്തോഷവും

സന്താപവുമെന്നാലുദ്ദേശ്യശുദ്ധിയും

ശക്തമാകും മനസ്സും കാത്തുസൂക്ഷിക്ക.

20/07/2022

മാനസം മാറ്റങ്ങളിച്ഛിക്കുമെങ്കിലേ

മാറ്റങ്ങളുണ്ടായിടൂ ജീവിതത്തിലും.

അഭ്യുന്നതിയുണ്ടായീടായൊരിക്കലും

അന്തരം കൈവരിക്കാതേയിരുന്നിടിൽ.

21/07/2022

കേട്ടീടവേണം ക്ഷമകാട്ടും കാതോടെ കാരുണ്യമോലുന്ന കണ്ണാലെകാണണം

സ്നേഹംവഴിഞ്ഞിടും വാക്കാലെചൊല്ലണം

മോഹംനിയന്ത്രിച്ചു ജീവിക്കവേണ്ടിടും.

22/07/2022

മന്ദസ്മിതം നമ്മുടാനനത്തിലീശൻ      

തന്നകയ്യൊപ്പാണതശ്രുവൊഴുക്കിത്തു-

ടച്ചുനീക്കീടേണ്ട, കോപഭാവത്താലെ

മായ്ച്ചു വിരൂപമായ്മാറ്റുകേം ചെയ്തിടാ

23/07/2022

സമ്മർദ്ദമകറ്റൂ പുഞ്ചിരിക്കെ പ്പൊഴും,

ശാന്തിയാസ്വദിക്കൂ മറക്കൂ ആധിൾ

ഉപേക്ഷിച്ചിടൂ മനോവേദന യൊപ്പം

ഉണർന്നുല്ലസ്സിച്ചു വസിക്കാൻ ശ്രമിക്കൂ.

24/07/2022

ഭംഗിയേറുന്നോരുകാരിയം ചെയ്‌തിടേ

ഭംഗിവാക്കാരുമേ ചൊല്ലിയില്ലെ ങ്കിലും,

സാരമാക്കാ,യെത്ര യോസുന്ദര മാകും

സൂര്യോദയംനിദ്രയാലെത്രപേർ കാണ്മു?

25/07/2022

കാണവേമറ്റൊരാൾകാട്ടിടും തെറ്റുകൾ  

കണ്ണടച്ചീടവേണ്ടീടും പലപ്പൊഴും 

സ്വന്തംസമാധാനമെന്നതിന്നപ്പുറം

സ്വത്വത്തെയംഗീകരിക്കെന്നതുമാകാം.

26/07/2022

മന്ദസ്മിതംഹൃത്തിനെത്തണുപ്പിച്ചിടും

നേത്രത്തിനേകിടുംനന്നായ്തിളക്കവും  

ആനനത്തിങ്കൽപ്രകാശംപരത്തിടും 

ഇന്ദ്രിയങ്ങൾപുഞ്ചിരിച്ചിട്ടുണർത്തിടൂ

27/07/2022

ഏറ്റം ബ്രഹത്താം പരീക്ഷയാം ജീവിതം.

ഏവർക്കുമൊന്നുപോലല്ല ചോദ്യ പ്പേപ്പ-

റെന്നകാര്യം മറന്നിട്ടു മറ്റുള്ളോരെ

നന്നേപകർത്തീടിലേൽക്കും പരാജയം.

28/07/2022

എന്നുമേ നല്ലകാര്യങ്ങളുണ്ടാ കേണ-

മെന്നയാവശ്യമല്ല നേരാകും ചിന്ത 

എന്തുസംഭവിച്ചാലും നല്ലതി ന്നാകു-

മെന്നുള്ളതാകണം മുഖ്യമാം ചിന്തനം.

29/07/2022

ജീവിതത്തിലുണ്ടാകുന്നസ്വാധീനവും  

ദ്രവ്യവുംകായ്കനിക്കൊപ്പമാകാമതിൻ.

കൂട്ടുകാരും കുടുംബങ്ങളുംവേര തിൻ;

കായില്ലയെങ്കിലുംവേരല്ലോവേണ്ടതും

30/07/2022

ഏറെ സന്താപങ്ങൾക്കിടക്കുണ്ടാ കുന്ന

ഏറ്റവും കൊച്ചുസംതൃപ്തിയും നന്നായി

ആസ്വദിക്കാനായ്ക്കഴിയുന്നോ രായിടും

വാസ്തവത്തിൽ  ജീവിതത്തിൽ വിജയിപ്പൂ.

31/07/2022

കണ്ടകാര്യങ്ങൾ തെറ്റാണെന്നു തോന്നുകിൽ

ദൂരത്തു നിന്നിടൂ, നേരാംവഴി പോകൂ  

ദൂരത്തിരുന്നിട്ടടുത്തോരെയോർ ക്കുകിൽ

നേരായ സ്നേഹമെന്താണെന്ന റിവാകും

01/08/2022

നിന്ദിച്ചിടാതെനോക്കേണമന്യർനമ്മെ-

യെന്നിരുന്നാലുംദയലുവായീടണം.

വിശ്വസിക്കൂയന്യരേയെന്നിരിക്കിലും   

വഞ്ചനക്കധീനപ്പെടാതിരിക്കണം.

02/08/2022

രണ്ടുപ്രാവശ്യം ലഭിക്കില്ലൊരി ക്കലും

പണ്ടുനിങ്ങൾ വ്യയംചെയ്തോരു മാത്രകൾ

അർത്ഥവത്തായിമാറീടുമീ ജീവിതം

ഓർത്തീടുകിൽ കേവലമാമീ സത്യത്തെ.

03/08/2022

ജീവിതത്തിലനേകർവന്നുചേർന്നിടും

ഏവരും തങ്ങിടാ നല്ലവർ തങ്ങിടും 

ഒത്തുള്ള ജീവിതം സ്നേഹം പഠിപ്പിക്കെ

ഒറ്റപ്പെടൽ പഠിപ്പിച്ചിടും ജീവിതം.

04/08/2022

കൃത്യമാംനേരമെത്തേ ചിട്ടയി ല്ലാതെ

പന്തൊന്നുതട്ടിയാലും ലക്ഷ്യമെ ത്തിടാം  

എങ്കിലുംലക്ഷ്യം സ്വയംകാണ്മ തായിടും

ഏറ്റവുംമാധുര്യമുള്ളതാകും ജയം.

05/08/2022

ആർക്കുമേയെപ്പൊഴുംവാങ്ങുവാനായിടാ

ആഡംബരമാകും നേരം, അറി ഞ്ഞിടൂ.

ആരെങ്കിലും നമുക്കായിട്ടു കാലത്തെ

കാര്യമായി വ്യയം ചെയ്യിലോ നന്മയാം.

06/08/2022

ഏതാനുമാളുകൾക്കെപ്പോഴുമായിടും

സ്വാധീനമുണ്ടാക്കുവാനായി നമ്മ ളിൽ 

ഏകാന്തതയില്ലാതാക്കുന്നതിന്നായി

എപ്പൊഴും നാമാഗ്രഹിക്കുമാ സൗ ഹൃദം.

07/08/2022

വേദനിപ്പിക്കില്ല മാറ്റങ്ങളൊന്നുമേ

വേദനിപ്പിച്ചിടും മാറ്റം ചെറുക്കു കിൽ

ഭാവിതൻ ജീവിതത്തിന്നോരു കോട്ടവും

മേവിടാതാസ്വദിക്കിന്നിന്റെതാം തുഷ്ടി.

08/08/2022

കൊണ്ടുപോകില്ലസമ്പാദിച്ചവ യൊന്നും

കൂടൊന്നുമേ കൊണ്ടുവന്നിട്ടുമി ല്ലഹോ! 

എന്നായിടും യാത്രയാകുന്നതെ ന്നതോ

എങ്ങോട്ടുപോയീടുമെന്നും അറി ഞ്ഞിടാ

09/08/2022

കാര്യസിദ്ധിക്കായിമാത്രംശ്രമിക്കാതെ

ആരുമേയാദരിക്കുംവ്യക്തിയായ്മാറു.

മൂല്യമേറീടുന്നസ്വത്തിന്നുതുല്യമാം 

മാന്യർതൻഹൃദയത്തിൽനേടുമാസ്പദം

10/08/2022

ശില്പിയാകേണമെന്നില്ലയാരും തന്റെ

സമ്പത്തു കെട്ടിപ്പടുക്കുന്നതി ലെന്നാൽ

സ്വന്തം സ്വഭാവവൈശിഷ്ട്യം രചി പ്പതിൻ

ശില്പി മറ്റാരുമേയാവില്ല നിശ്ചയം.

11/08/2022

ദോഷമറ്റോരു സംസർഗ്ഗത്തിലു മുണ്ടാം

രോഷവും ക്ഷോഭവും താറുമാറാ കലും.

എത്രയും പെട്ടെന്നതിന്നുതീർപ്പു ണ്ടാക്കി

ഒത്തുതീർപ്പിലെത്തുകെന്നതാമു ത്തമം.

12/08/2022

സന്തോഷമുണ്ടാകുവതെപ്പോഴുമാരും 

ചിന്തിച്ചിടുന്നതും ചൊല്ലുന്നതും തഥാ 

ചെയ്യുന്നതും സ്വരച്ചേർച്ചയോ ടുംകൂടി-

യായിരിക്കുന്നോരു വേളതന്നി ലാകും.

13/08/2022

വിശ്വാസമെന്നതുണ്ടെങ്കിലോ നിശ്ചയം

നിശ്ശബ്ദതപോലും ബോധ്യ പ്പെടുന്നതാം 

വിശ്വാസമില്ലയോ തെറ്റിദ്ധരി ച്ചിടാം

വിശ്വാസമെന്നതാം ചാർച്ചകൾ തൻ സത്ത

14/08/2022

സമ്പന്നനാകും സുഹൃത്തിനേ ക്കാളേറെ  

ആപത്തിലായോരു ചങ്ങാതി ക്കായിടും

ആശ്വാസമേകീടവേണ്ടതെന്ന കാര്യം

ആരുമേ വിസ്മരിച്ചീടായൊരി ക്കലും.

15/08/2022

സന്മനസ്സോടുകൂടന്യർക്കുവേണ്ടീട്ടു 

നന്മചെയ്യാനുള്ള തോന്നലുണ്ടാ കുവാൻ

സ്നേഹം, മഹത്വ,മാഢ്യത്വമിത്യാ ദിതൻ 

സാരാംശമെന്തെന്നതറിഞ്ഞീട വേണം.

16/08/2022

ബന്ധത്തെ ബാധിക്കാ ദൂരം ഒരി ക്കലും

ബന്ധമുണ്ടാക്കതും സാമിപ്യമാ കില്ല.

അന്യോന്യമാദരിക്കൂ കൊടുക്കൂ ശ്രദ്ധ

എന്നാകിലുണ്ടാകുമുറപ്പുള്ള ബന്ധം.

17/08/2022

സ്നേഹവുംകാരുണ്യവും പാഴിലാ കില്ല,

സ്വീകരിക്കുന്നവർക്കും കൊടു ക്കുന്നോർക്കു-

മൊന്നുപോലാശിസ്സു രണ്ടും കൊ ടുക്കയാൽ;

എന്നുമേകീടതിന്നാലേയവയാ ർക്കും

18/08/2022

സ്വന്തമായിട്ടുള്ളചിന്തകൾമാത്രമാം 

ശല്യപ്പെടുത്തുന്നതീഭൂവിലാരെയും

തന്റെചിന്തക്കുള്ളസ്വാധീനമെന്തെന്ന-

തേവരുംനന്നായറിഞ്ഞുപ്രവർത്തിക്ക

19/08/2022

എന്നുമേ രണ്ടുപക്ഷങ്ങളു ണ്ടായിടും 

ഏതുകാര്യത്തിനാണെങ്കിലും നിശ്ചയം

ക്ലേശിക്കവേണ്ടതിൽ, സാധ്യമായ് വന്നിടും

കൃത്യമായ് കാര്യങ്ങളൊത്തുതീർ പ്പാക്കിടാൻ.

20/08/2022

കണ്ണുനീർപുഞ്ചിരിപ്പാലിൽകലർത്തുന്ന 

ഉണ്ണിതൻചോരിവായ്ക്കുള്ളിലെക്കൊച്ചരി-

പ്പല്ലുകളൊക്കെയുംമുല്ലമൊട്ടിൻതുല്യ-

മെല്ലാംനയനങ്ങൾക്കാനന്ദമേകിടും

21/08/2022

ജീവിതത്തിലെന്നും നാമാഗ്രഹി ക്കുന്ന

സർവ്വവും കിട്ടേണമെന്നില്ലയെ ന്നതിൻ

കാരണം നാമർഹരല്ലെന്നതാ വില്ല,

നേരേമറിച്ചേറെയർഹിപ്പു എ ന്നതാം

22/08/2022

നമ്മൾ വെളിച്ചത്തിലാണെന്നു വന്നിടിൽ

നമ്മളോടൊപ്പമുണ്ടായീടുമാരുമേ

അന്ധകാരം തന്നിലകപ്പെട്ടുവെ ങ്കിലോ 

ആരുമേ ഒപ്പമുണ്ടായെന്നു വന്നിടാ.

23/08/2022

ആരുമൊറ്റത്തെറ്റുപോലുമേ ചെയ്യാതെ

ആകില്ല നല്ലയാളോ മഹത് വ്യക്തിയോ 

നല്ലോരുകർമ്മമദൃശ്യമായ് തോ ന്നുമെ-

ന്നാലുമന്യർതൻ മനസ്സിൽപ്പ തിച്ചിടും

24/08/2022

ഓരോപെരുത്ത സംഘർഷവും നാമൊക്കെ 

ആരായിമാറിയെന്നോർക്കുവാനുള്ളതാം 

ക്രൂരമായ്തോന്നുമാ നാളുകൾ മാറ്റിടാം

ആരെയും ദൃഢഗാത്രരായിട്ട് നിശ്ചയം.

25/08/2022

ദേഷ്യത്തിനും കൊടുങ്കാറ്റിന്നു മൊന്നുപോൽ

നാശനഷ്ടങ്ങളുണ്ടാക്കുവാനാ യിടും

ശാന്തി രണ്ടും കൈവരിച്ചതിൻ ശേഷമേ 

എത്ര നഷ്ടം സംഭവിച്ചെന്നറി ഞ്ഞിടൂ

26/08/2022

ചോദ്യത്തിനെല്ലാമൊരേപോലുതകീടും

പ്രത്യുത്തരം മൗനമാണെന്നറിയേണം 

എല്ലായവസ്ഥകൾക്കും തുല്യമാ യിടും

നല്ലോരു എതിർകർമ്മമാം മന്ദ ഹാസം!

27/08/2022