പഴംചൊല്ലുകൾക്ക് മറുചൊല്ലുകൾ (2)
"അകത്തു കത്തിയും പുറത്തു പത്തിയും"
അകത്തെ കത്തല് പുറത്തറിയരുത്
"അക്കരെച്ചെല്ലണം തോണിയും മുങ്ങണം"
അക്കരെപ്പൊങ്ങണേൽ ഇക്കരെ മുങ്ങണം
"അഗ്രഹാരത്തിൽ പിറന്നാലും നായ വേദമോതില്ല"
അഗ്രഹാരത്തിൽ പിറന്ന കഴുത വേദമോതുമോ
"അങ്കവും കാണാം താളിയുമൊടിക്കാം"
അങ്കം കാണാതെയും താളമടിക്കാം
"അങ്ങാടിപ്പയ്യ് ആലയിൽ നിൽക്കില്ല"
അങ്ങാടിപ്പട്ടി ആലയത്തിലും നിൽക്കും
"അങ്ങാടിയിൽ തോറ്റാൽ അമ്മയ്ക്കു കുറ്റം"
അങ്ങാടിയിലെ ജയം തൊമ്മന്റെ കൂറ്റം
"അച്ചിക്ക് കൊഞ്ചു പക്ഷം; നായർക്ക് ഇഞ്ചി പക്ഷം"
അച്ചിക്കു കൊഞ്ചൽ വന്നാൽ നായർക്ക് പുഞ്ചിരി വരില്ലേ?
"അടയ്ക്ക കട്ടാലും ആന കട്ടാലും കള്ളനെന്നാ പേര്"
അടയ്ക്ക കട്ടാൽ കൊച്ചു കള്ളൻ; ആനകട്ടാൽ പെരുങ്കള്ളൻ
"അടക്കമില്ലാത്ത അച്ചി അടുപ്പിൽ"
അടക്കമുള്ള അച്ചിക്ക് അടുക്കളയിലും കിടക്കാം
"അടിക്കുന്ന ചൂല് തലയ്ക്കു വയ്ക്കരുത്"
അടിക്കാത്ത ചൂല് തലയ്ക്കു വയ്ക്കുമോ?
"അടിച്ച വഴിയേ പോയില്ലെങ്കിൽ പോയ വഴിയേ അടിക്കുക"
അടിച്ച വഴിയേ പോയാലും അടച്ച വഴി തുറക്കണമെന്നില്ല
"അട്ടയെ പിടിച്ചു മെത്തേൽ കിടത്തുക"
അട്ടയെ പേടിച്ചു പത്തായത്തിൽ കേറുമോ?
"അറിയുന്നവനോട് പാറയയേണ്ട; അറിയാത്തവനോടും പറയേണ്ട"
അറിയുന്നവൻ പറയാതറിയും; അറിയാത്തവന് പറഞ്ഞാൽ ചൊറിയും.
"അഴകുള്ള ചക്കയിൽ ചുളയില്ല"
അഴുകും ചക്കയിൽ പുളയ്ക്കും പുഴു
"അഭിമാനം കൊടുത്താൽ അങ്ങാടീന്ന് അരി കിട്ടില്ല"
അഭിമാനം കടുത്താൽ അങ്ങേതിലും അടുപ്പിക്കില്ല
"ആനയ്ക്കറിയില്ല ആനയുടെ വണ്ണം"
ആനയ്ക്കറിയാം പാപ്പാന്റെ വണ്ണം.
"ആനയ്ക്കെതിരില്ല; ആശയ്ക്ക് അതിരില്ല."
ആനയ്ക്ക് തെരിയില്ല ആശയ്ക്ക് അതിരില്ലെന്ന്.
"ആടാ ചാക്യാർക്ക് അണിയൽ പ്രധാനം"
ആടും ചാക്യാർക്ക് പണം പ്രമാണം
"ആയിരം പഴംചൊല്ല് ആയുസ്സിന് കേടല്ല"
ആയിരംപഴം ഒന്നിച്ചു തിന്നാലായുസ്സിന് കേട്
"ആരാനും കൊടുക്കുമ്പോൾ അരുതെന്ന് പറയരുത് "
ആരാനും തരുമ്പോൾ അരുതെന്ന് പറയാം
"ആരും മുടക്കില്ലെങ്കിൽ വ്യാഴം മുടക്കും"
ആരു മുടക്കിയാലും വഴി മുടങ്ങാം
"ആവശ്യക്കാരന് ഔചിത്യമില്ല "
ആവശ്യമില്ലാത്തോനൗചിത്യം നോക്കണോ
"ആശയറ്റാൽ അർത്ഥമായി"
ആശ കൂടിയാൽ അനർത്ഥമാകും
"ആശാന് പിഴച്ചാൽ ഏത്തമില്ല"
ആശാനെ പഴിച്ചാൽ ഏത്തമുണ്ട്
"ആശാൻ വീണാൽ അതുമൊരടവ്"
ആശാൻ എണീറ്റാൽ അടി ഉറപ്പ്
"ആശാരി അകത്തായാൽ ആധാരം പുറത്ത്"
ആശാരി 'അക'ത്തായാൽ പരിവാരം വഴിയാധാരം
"ആസനത്തിലെ പുണ്ണ് അങ്ങാടിയിൽ കാട്ടരുത്"
ആസനത്തിലെ ആല് അങ്ങാടിയിലെ പാട്ട്
"ആറ്റിൽ കളഞ്ഞാലും അളന്നു കളയണം"
ആറ്റിൽ കളഞ്ഞത് കുളത്തിൽ തെളിയുമോ
"ആളേറെ ചെല്ലുന്നതിനേക്കാൾ താനേറെ ചെല്ലുക"
ആളറിയെ ചെന്നാൽ താനറിയെ പോരാം
"ആള് ചെറുതെങ്കിലും കോള് വലുത്"
ആള് വലുതെങ്കിൽ കൊളതിലും വലുത്
"ആളുവില, കല്ലുവില"
ആള് പുലി; പുല്ലുവില
"ആഴമറിഞ്ഞേ കാലു വയ്ക്കാവൂ"
ആഴമറിയാതെയും തുഴയെറിയാം!
"ആഴമുള്ള കുഴിയ്ക്ക് നീളമുള്ള വടി"
ആഴമില്ലാക്കുഴീൽ ഉയരമില്ലാത്താന
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ