ഭൂമിയോളം ക്ഷമകാട്ടുന്നൊരമ്മേ നിൻ
ഭാസുരമാംസ്വപ്നം യാഥാർത്ഥ്യമാകുമോ
പൊന്നുമോനോടുത്തവസാനനാളുകൾ
സന്തോഷമോടെ കഴിയേണമെന്നുള്ള
സുന്ദരസ്വപ്നം യാഥാർത്ഥ്യമായീടുമോ?
എന്നുമതിന്നായി പ്രാർത്ഥിച്ചിടുന്നമ്മ!
മൂത്തമകനാണേൽ 'പുന്നാര'യമ്മക്ക്
കാത്തിരിക്കും പ്രാർത്ഥനയോടവന്നായി
എന്നാലവനാട്ടെ ഇല്ലൊട്ടു കാരുണ്യം
എന്നുമായമ്മയ്ക്കവഗണന മാത്രം!
കാലത്തിനെത്രയോ മാറ്റമുണ്ടായെന്നോ
പാലിപ്പതില്ലാരും സ്വന്തംകടമകൾ
എമ്മട്ടും തന്നാഗ്രഹം നിറവേറ്റണം!
അമ്മതന്നാഗ്രഹമാരിന്നറിയുന്നു?
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ